الموضوع: سيمبول 2010 اخر الشهر

المشاركة الأصلية كتبت بواسطة baskota

انت تقصد ان الطارق كمان لازم نحجز من قبلها بفترة
بس هو قالى معنديش حاليا وهاتيجى اخر الشهر 2010

ما هى الحداية مش بترمى كتاكيت هو قالك على سعرها الرسمى 67000 وتستلمى فى اخر الشهر
انت تعملى ايه طبعا تروحى التوكيل يقولك شهر 12 طبعا انت حتقولى انا اجيبها من الطارق طالما بنفس السعر
تيجى فى الاخر تروحى للطارق عشان تشترى العربية يقولك اوفر برايس طبعا مش حتوافقى
تروحى التوكيل تلاقى الدفعة اللى جاية شهر 12 خلص الحجز بتاعها وتضطرى تحجزى فى الدفعة اللى بعدها (الله اعلم حيكون التسليم فيها امتة) او تروحى للطارق تشتريها باوفر برايس
يعنى من الاخر هو بيعطلك شوية بحيث تضطرى تشتريها من عنده
للاسف هو دة اللى بيحصل ما عدى موزع واحد فقط وهو الحاج محمد زكى بالقاهرة

المشاركة الأصلية كتبت بواسطة baskota

مساء الخير يا وحوش رينو
امبارح قولت اروح اتفرج عالسيمبول عالطبيعة
عشان ربنا يسهل واقدر اتخذ القرار
رحت للطارق اللى فى كارفور اليكس
مالقتش سيمبول :h_angry[1]:
قالى للاسف مفيش ولا واحدة ان شاء الله سيمبول 2010 هتنزل اخر الشهر
فاتفرجت عاللوجان والوانها وكان عنده لونين الاحمر والبترولى
وما شاء الله الملاحظ من الشوية اللى قعدتهم هناك ان عليها اقبال شديد جدا
بس بجد اللوجان فعلا عربية جميلة جدا مقارنة بسعرها
بس معجبنيش اماكن مفاتيح الزجاج الكهرباء

بس لفت نظرى وانا هناك ميجان تحفة مكدبش عليكوا مش عارفة هى ميجان ايه
بس هى باتنين باب بس و4 مقاعد عادى وسقف متحرك ب 203000 تقريبا كل الناس كانت بتتفرج عليها من بعيد لانها كانت مقفولة كان نفسى اجربها بصراحة بس اتكسفت
معلش المرة الجاية بقا قولت اسألكوا هى دى ميجان ايه اكيد انتوا عارفينها
وياترى فعلا مفيش سيمبول 2010 الا اخر الشهر وهل تخفيض الجمارك مطبق على العربيات اللى هتنزل اخر الشهر دى ولا لسة فى تخفيضات فى يناير 2010 تستاهل اننا نستنى ل يناير
وايه رأيكوا فى الطارق والتعامل معاه المفترض انه موزع معتمد من رينو

أنا معايا سيمبول أتوماتيك من نصف فبراير الماضي و هي فع عربية مريحة و الحمد لله مبسوط منها، و كنت شاريها من الطارق بتاع كارفور بدون حجز لأنها كانت لسه أول دفعة و كانت متاحة عنده فقط و استلمتها بعد 3 أيام بدون أي مشاكل أو تأخير، يعني كنت من أول الناس اللي ركبوها في الأسكندرية :10d5c8~1107: ... و ربنا يوفقك في الأختيار الصحيح و المناسب ان شاء الله ،

المشاركة الأصلية كتبت بواسطة baskota

لالالالالالالالالالالالال الا
بلاش تظلم الراجل هو انا اصلا مسألتش التسليم امتى
لانى عاوزة سيمبول مش لوجان فسألت بس على سعرها وانا بتفرج
لكن هو قال ان السيمبول لسة هاتيجى اخر الشهر
وعالعموم كله هيبان وانا كده كهد فى انتظار اشوف فى تخفيضات فى يناير ولا ايه

انا بقولك اللى بيحصل مع اللوجان لكن السيمبول حاجة تانية
لان السيمبول الضغط عليها مش زى اللوجان انت ممكن تلاقى السيمبول
فى التوكيل استلام فورى على اخر الشهر لكن اللوجان لأ طبعا

ربنا يتمملك بالخير في حتة سيمبول ..... وتنوري الوحوووووووووووش

المشاركة الأصلية كتبت بواسطة momo10000

ميجان cc

cc اختصار كوبية كابورلية .... دي العربية الوحيدة في مصر كوبية كابورلية ( اوتوماتيك )

فيه واحدة لونها أحمر بتركن قدام عمارة في الحي السابع في أكتوبر بس ماشاء الله عليها
تخطف العين بجد
ربنا يبارك لصحابها فيها
وييسر لك الحال يا bascota وتستلمي سيمبولتك على خير