ازاي اعمل مارشدير واظبط المرايات صح؟؟؟؟؟

السلام عليكم ورحمة الله وبركاته
ازيكم يا جماعة
انا متضايقة اوي ومش ليا غيركم افضفض معاه
انا كنت سالت قبل كدة عن ازاي اسوق كويس وانتو كلكم رديتو عليا واديتوني ارشادات اهمها اني مش اخاف
والحمد لله بطلت خوف وطلعت بالعربية كام مرة مع والدي وبعدين مرتين لوحدي منهم مرة في وسط البلد والحمد لله كويس
بس النهاردة حاسة بفشل زرييييييييع ومتضايقة جدا جدا
عملت حاجتين غلط
اولا انا عندي مشكلة في الرجوع بضهري
في المناطق المفتوحة والمستوية برجع كويس بس لما يبقى ادامي بقى عوائق ولا عربية واقفة النهاردة معرفتش اظيط وارجع واطلع العربية بتاعتي لحد ما جارنا قعد يقولي اعمل ايه
وكمان وانا بلف حكيت العربية
ووانا ماشية في الطريق وكنت متضايقة عشان مش طلعت العربية كويس سرحت والعربية حدفت مني يمين كدة وطبعا فقت على صوت كلاكس وكلمتين من السواق اللي ورايا
بصراحة هو عنده حق انا فعلا سرحت

انا عايزاكم بالله عليكم تقولوا لي ازاي اعمل كل الحاجات صح
ازاي ارجع لورا
وصحيح المرايات عشان اخويا بيركب العربية طبعا بيعدل المرايات والكرسي علىه هو
لما بجي اركب موضوع المرايات ده بيعذبني على ما يتظبط مش كلهم طبعا بس اليمين هي اللي مش ببقى عارفة اظبطها ازاي خصوصا لما ببقى لوحدي

انا اعصابي تعبانة وحاسة بالفشل
ارجوكم دلوني :(((((((((((((((((((((((((((((((((

هو الموضوع موضوع تعود مش طريقة معينة
انا مثلاً بستعمل المرايات في الرجوع بنسبة 99%
علشان لما جيت اتعلم السواقة في الاساس كنت مهتم بالحتة دي
لان الي كان بيعلمني كان بيقولي بص بعنيك لورا يعني الوح نفس و ابص
بس انا نفضتله و كنت بتعلم على المرايات
فحاولي تنزلي في حتة واسعة و تقعدي في العربية القاعدة الي تريحك
و تظبطي مرايات الجنب بحيث انك تشوفي جزء بسيط من عربيتك فيه علشان تقدري المسافة بين عربيتك و اي عائق
و مراية الصالون تكوني شايفة فيها الي وراكي على طول
بحيث ان الثلاث مرايات يسلموا لبعض
يعني المراية اليمين ليها مدى لما يخلص تبدي تشوفي نهاية مدى المرآه اليمين كبداية مدى للمرآة الصالون و مرآة الصالون تسلم للمراية الشمال
الموضع عايز أحساس بالطريق علشان موضوع التسليم مش بيبقى 100%
يعني تقديري
ياريت اكون عارف اوصلك قصدي

مراية اليمين والشمال
انا بظبطهم بحيث تكون مرفوعة سنة مش جايبة الارض ولا الكاوتش
لكن برده جايبة اخر عربيتى بس ليه
علشان لو جيت الف او اغير حارة ما زنقش نفسى فى اللى جنبى يمين او شمال عند اخر الشنطة

اما بجى اركن بقوم منزل المرايا بحيث تبين الرصيف
علشان احضن كويس
اما اجى اظبطها
اظبط المرايا
وبعدين ارجع فى قعدتى الطبيعية واشوفها واحدد هيا عايزة ايه
رفع فوق
حدف لبرة
كدة :B4_592:
واعمل اللى عايزاه
وارجع تانى
واعيد الكرة

على فكرة
انا مرايتى يدوى مش كهربا
طبعا هتقولى
يا طولة بالك

:dzey:

خلي المراية فيها ربع العربية باين والباقي للشارع وتكون نازلة سنة لتحت بحيث تشوفي الكاوتش والشنطة والأرض لتفادي العوائق ..دا بالنسبة لليمين
وأما الرجوع في حد ذاته ففي حل حلو خالص وهو إنك تتخيلي العربية وهي بترجع من فوق (منظور عين الطائر ) هاتلاقي الرجوع بقى أسلس جدا .
وفي لعبة اسمها ملك الطريق مفيدة جدا في التعليم وكمان في برنامج اسمه 3d driving school مختص أساسا بتعليم القيادة ودا في رأيي مهم جدا وقريبا هارفعه للسادة الأعضاء

شكرا ليكم جميعا على ردودكم ومشاركتكم ليا بجد
ويا ريت يا استاذ tompina ترفع البرنامج التعليمي
جزاكم الله خيرا ورجاء لا تبخلو عليا بالنصيحة ودعوتكم

بالنسبة لظبط المرايات
المراية الخلفية لازم تظبطيها بحيث تشوفي الطريق الي خلفك بوضوح جدا و كانك قاعدة بالعكس و شايفة الي خلفك مباشرة بكل وضوح و ده علشان تريحي دماغك خلي ظبطة المراية الخلفية تجيب البرواز كامل بتاع الزجاج الخلفي و ديه ظبطها سهل جدا زي ما انا قولت
المراية اليمين لانها بطبيعة الحال شوية بعيدة عن العين بحكم المسافة بين قائد السيارة و المراية و بتخليها تجيب الطريق و تخلي بس حد العربية يدوب ظاهر و ده علشان تضمني انها فعلا بتمثل المسافة الجانبية ليكي و انتي سايقة و ببساطة العربية بتظهر في المراية اليمين عبارة عن خط غامق طويل في المراية ومتنسيش يدوبك ظاهر مش قوي
اما المراية الشمال و هي المراية الاساسية لقائد السارة يجب ان يظهر بها جنب العربية برده عبارة عن خط طويل رفيع و بيكون الفرق بينها و بين اليمين انها تظهر الاشياء بوضوح اكبر لانها بتكون قريبة من عين قائد السيارة
الرجوع للخلف: ده بقي سهل ممتنع يعني في ايدك يكون اسهل حاجة ليكي و في ايدك يكون اصعب شبء علي حسب استعدادك شوفي يا ستي فكرة الرجوع للخلف عن السير للامام ان الرجوع للخلف الي بيغير اتجاه السيارة بوز العربية و بناء عليه بيتغير اتجاه خلفية العربية الي هي بوز العربية في حالة الرجوع للخلف ببساطة يعني الموضوع عاوز تخيل انك تقدري تحركي شمال و يمين في الوقت المناسب لان ده بيحرك خلفية العربية بالتبعية و ببساطو و انتي راجعة لورا المرايتين الجانبيتين دول لازم يكونوا فاضيين من ناحية العربية يعني لو راجعة و فيه عربية وراكي راكنة 90 درجة بالنسبة ليكي لازم تمون مرايتك الجانبية فاضية منها يعني لو ظاهرة لازم تكون ظاهرة مش ناحية العربية لا الناحية التانية اما المراية الوسط فهي للتاكد ان الطريق خالي وراكي و تقدر ترجعي بسهولة يعني النرايتين الجنب هما قررو استشعار ليكي لتامين ان المسار من غير احتكاك من الجانبين .

خدى بالك وانتى بترجعى من حاجة
ان بوز عربيتك بيتحدف الناحية التانية وممكن يخبط فى حاجة

خدى بالك وانتى بترجعى من حاجة
ان بوز عربيتك بيتحدف الناحية التانية وممكن يخبط فى حاجة

اقتباس:

---

المشاركة الأصلية كتبت بواسطة eng_s

شكرا ليكم جميعا على ردودكم ومشاركتكم ليا بجد
ويا ريت يا استاذ tompina ترفع البرنامج التعليمي
جزاكم الله خيرا ورجاء لا تبخلو عليا بالنصيحة ودعوتكم

---

أنا فعلا رفعت البرنامج في القسم التعليمي
وهو اسمه
3d driving school