الموضوع: تحديد سعر اي سيارة مستعملة هدية لاحلي منتدي(الجزء الثاني)

الأستاذ المحترم شريف ... معلش ممكن استفسار صغير بعد إذنك
أنا الحقيقة لسه متابع و شوفت المناقشة بين حضرتك و الاستاذ aeltokhy و بصراحة عجبني النقاش جدا بس كنت عايز أستفسر أكتر و ماكنتش عايز أزعجك بس الحقيقة ماقدرتش أمسك نفسي و قولت لازم أسأل بقي

دي مضمون النقاش:

المشاركة الأصلية كتبت بواسطة EGYCARS

أولا جزاكم الله خير يا أ. شريف علي مساعدتك للناس و مجهودك
أنا بقالي فترة متابع مواضيعك و بصراحة ربنا يكرمك

أنا كنت عايز لانسر 1600 أتوماتيك بس عايز أعرف الأسعار لموديلات من 2002 لحد 2005 تعمل كام فياريت لو تكرمت تديني نبذة

و معلش سؤال تاني .. في واحد صاحبي عنده 2006 أتوماتيك 1600 سي سي جنوط و عتب و سبويلر و فتحة سقف و فرش جلد و 2 إيرباج (أعتقد بيقولوا عليها سوبر أكشن صح؟) و هي رشة خارجي في التوكيل نضافة ماعدا السقف و عاملة 73000كم و تاني يد و فيها رخصة تنتهي بعد سنتين و نصف .. ياريت برضه لو تكرمت تقولي رينجها كام؟



ربنا يكرمك يا أ. شربف
طيب لو ممكن لو سمحت تقولي موديلات 2001 لحد 2003 أتوماتيك تعمل كام؟
و 2004 و 2005 ال 1600 سي سي أتوماتيك عادة تعمل برضه كام؟
ده بافتراض الحالة تكون كويسة .. أنا بس عايز أعرف ميزانية الموضوع

و بالنسبة للسؤال التاني .. ممكن أعرف هي كده تفرق ايه عن السيوبر أكشن ال 2007؟ كمان أنا بصراحة ناس قالتلي تعمل 73 و ناس قالت فوق ال 80 فكده احتارت شوية

و شكرا جدا ليك

المشاركة الأصلية كتبت بواسطة sherifowahba

المكواة النهاردة تعمل من 59 الي 61 الف اوتوماتيك برة وجوة 1300 سي سي
البومة ال 2004 و2005 تعمل في رينج ال 65 الي 68 الف برة وجوة اوتوماتيك 1600 سي سي
بالنسبة للسؤال التاني ا73 الف سعرها لو برة وجوة وهي رشة برة بالكامل والاخ الي قالك 80 الف لأ ده مش سعرها خالص لان ده سعر السوبر اكشن ال 2007 برة وجوة
اما الفرق بين الاسبورت و السوبر اكشن حاجات بسيطة زي الاعتاب الجانبية والاكصدام والشبكة الامامية و احيانا في شكل الجنط لما بيكون الاسبورت 2005
اما الاتنين جميع الكماليات اوتوماتيك بالاضافة الي فرش ودركسيون وطارة جلد طبيعي واكر نيكل بالداخل والخارج وفتحة سقف وسي دي تشنجر

المشاركة الأصلية كتبت بواسطة aeltokhy

الاستاذ شريف الجميل اعتقد السعر كدة قليل شوية ممكن تكون من كتر مابتتسال بيحصل لبس عند حضرتك دة سعر الكلاسيك مش السبورت وشكرا لك على المجهود الجباردة والله معلم

المشاركة الأصلية كتبت بواسطة sherifowahba

اولا الف شكر علي كلامك الجميل الذي دائما اكبر مني
ثانيا هي السبورت ال 2006 لو برة وجوة تعمل في حدود ال 74 الي75 الف ودي رشة برة ماعادا السقف فتعمل من 70 الي 73 فحبيت اديله الحد الادني لان حالة السيارة مش مشروحة بالتفصيل وهذا هو السبب

و الحقيقة المناقشة ممتازة ... بس اللي استغربته الحقيقة ان كده الاسبورت 2006 بتعمل 74 لحد 75 لو فابريكة و هنا في سؤالين لو تكرمت

1- لو ده سعر ال 2006 سبورت طيب ليه 2007 بشوفها قريبه من التسعينات؟
2- حضرتك سعرت العربية دي ب 68 ألف

المشاركة الأصلية كتبت بواسطة mohamedway

أرجو تسعير لانسر بومه موديل 2006 1600 سى سى مانيوال جنط 15وكيل:

العداد : 89000كم
الحالة: فابريقه بالكامل و جميع قطع الغيار أصلية من التوكيل و تم عمل صيانة ال80000كم و تغيير سير الكاتينه بالتوكيل و لا تحتاج أى مصاريف.

ملحوظه : رشه جزء من باب السائق و جزء من الرفرف الخلفى نتيجة حكه إستلزمت حموات.

- السيارة بها abs و جميع الكماليات الأساسية ولا يوجد بها إيرباج.

- فرش جلد تفصيل.

- السيارة أول يد من الزيرو و إستخدامها نضيف و صالونها نضيف جدا.

في حين انها مانيوال و مافيش فيها ايرباج واحد حتي وطبعا واضح ان مافيش و لا عتب و لا سبويلر... يعني الفرق بينها و بين ال 2006 سبورت 2 ايرباج و عتب و سبويلر و كمان الاتوماتيك فكده أنا توهت شوية لان كده الفرق بينهم قليل في وجهة نظري فياريت بعد إذنك توضحلي أكتر و أسف لو طولت عليك

ياريت اعرف تسغير كيا برايد هاتشباك موديل 99 فابريكه دواخل و سقف تحتاج دوكو موتور لسه معمولو عمره مبقالهاش شهرين مرايات كهرباء و مانيوال خبطات خفيفه متخبطتش خالص من قدام او من ورا و ميكانيكا و كهرباء و عفشه بحاله جيده جدا و لكن تحتاج 2 مقص فقط و دى الحاله بكل امانه و شكرا .........

المشاركة الأصلية كتبت بواسطة sherifowahba

اهلا بيك استاذي بالنسبة للاستفسارين :
1 سعر السبورت ال 2006 برة وجوة وعدادات في ال 90 الف كم تعمل في ال 75 الف اما السوبر اكشن ال 2007 تعمل في 83 الف وليس 90 الف لان التسعين ده سعر ال 2008 كده وال 2007 بتتميز عن ال 2006 بالعتب الجانبي وشكل الجنط وشكل الشبكة الامامية والاكصدام الامامي
2 بالنسبة لاستفسار العربية المانيوال سعرها عالي شوية لسببين
ان العربية دي ضمان مش خليجي وبرة وجوة مش رشة برة زي الاسبورت
والسبب التاني ان في طلب من سواقين التاكسي الابيض واسود اليومين دول علي البومة ال 1600 المانيوال فمطلوبة شوية
ارجو ان اكون وضحت لحضرتك الموضوع واي استفسار عن اي شيء غير واضح انا تحت امرك

مافيش رد عندي أكتر من جزاكم الله خير في الدنيا و الآخرة