الموضوع: تحديد سعر اي سيارة مستعملة هدية لاحلي منتدي(الجزء الثاني)

المشاركة الأصلية كتبت بواسطة mostafa_kamal

انا أسف انا عارف ان طلبى غريب بس عشان المعلومات قلى وصلتلى أنها ( مانيوال - باور - تكيف ) يعنى من كلامك هتكون مانيوال كاملة بس أنا ما أعرفش هى 1300 ولا 1600 وأنا لسه هاشوف المالك وأحدد السعر عشان كده عايز أعرف لو هيه بالمواصفات ده 1300 تعمل كام ولو 1600 وهى بردوا فابريقة دواخل و حالتها كويسة جداا .... أسف مرة تانية لتعب حضرتك

لو كاملة مانيوال 1300 سي سي تعمل 43 الف
لو كاملة مانيوال 1600 سي سي تعمل 46 الف
بافتراض الحالة الممتازة ودواخل فابريقة بالكامل ومش محتاجة مصاريف

المشاركة الأصلية كتبت بواسطة madda7

اوبل استرا موديل 2006 ماشية 97000 كم بحالة جيدة دهان المصنع اوتوماتيك

تعمل 65 الف

المشاركة الأصلية كتبت بواسطة aboomarr

استاذ شريف اسف بس للامانه فى ملحوظه على سعر التويتا 2008 دى اللى فتيسها عليه مشكله فالغيارات والعربيه دى اتعرضت عليا وانا بدور على 105 الف من فم التاجر 2009 وقاللى انه هوا باع واحده 2008 على 95 الف لان الطلب عليها انعدم تماما وطبعا حضرتك بقول الملحوظه وانا محرج بس انا قلت ابلغ للامانه عشان اللى بياخد القرار يعرف واسف تانى مرة والعربيه 2009 كانت ماشيه 20 الف كيلو ولو اللى عايز يشترى اقوله على تلفون التاجر وطبعا التاجر اول ماقاللى قالى 118 الف وعرفت من ناس تانيه انه اخرها 105 الف واسف للاطاله

انا سعرتها علي سبيل انها اعلي فئة ادفانس الي بروفيشنال سي دي و زينون وسقف وكل الكماليلت الي 160 الف مش الي ب 144 الف ولا احراج ابدا لان الهدف الاساسي الافادة لنا جميعا
ورايي الشخصي ان مهما كانت تكنولوجيتها ان فتيسها مع احترامي الكبير لشركة تويوتا هو غير ناجح وفتيس الخليجي الاوتوماتيك العادي انجح بكتير لان ال mmt يعتمد علي تكنولوجيا غريبة شوية هو ان الفتيس مانيوال اصلا والدبرياج هو الي اوتوماتيك فلازم يعمل نتشة غريبة عند تغيير السرعات او المحترف في قيادتها لازم يريح رجله شوية عند التغيير من غيار الي غيار زي الفيكترا الجديد وده مش عملي واحنا مش واخدين عليه في قيادة الاوتوماتيك العادي
والدليل علي كدة ان شركة تويوتا في موديلات 2010 نزلت الاوتوماتيك العادي هنا في الضمان زيه زي الخليجي علشان تتفادي ضعف البيع فخليك في الاوتوماتيك العادي

المشاركة الأصلية كتبت بواسطة khaledelsakaty

أستاذ شريف إن شاء الله كل مجهوداتك الرائعة دي توضع في ميزان حسناتك .
أ/شريف في واحدة قدامي فابيا ميني 2009 مانيوال 1400 سي سي عاملة 19 ألف كيلو فابريكا بالكامل و حالة ممتازة .
تعملها كام يا باشا و إيه رأي حضرتك فيها ؟؟؟

تعمل 79 الف
وبصراحة انا ما جربتش ال 1400 بس ال 1600 ال سبورت بصراحة كانت جميلة