الف الف شكر يا مان على تعبك
انا كنت شاريها عامله 49.000 بس من 3 سنين ب 47.500، كانت لسه العربيات غاليه وهى كانت حالتها شاذه بالفعل
انا كنت بفكر ابيع واعلى شويه بس صعبانه عليا، هاخليها ادلعها شويه علشان تدلعنى هى
لو سمحت يا باشا لانوس1 مو2000 فاضيه خالص لا بور ولاتكييف ولاحاجه رشه حزام ودواخل فابريكه ماشيه 320 الف كيلو ومحتاجه اسكترا والموتور 70% تعمل كام ولك جزيل الشكر على مجهودك
شريف باشا
لو سمحت تقولى سعر سيارة اوبل كورسا سيدان ١٦٠٠ سى سى موديل ٢٠٠٧ فابريقة بالكامل والصيانات كلها فى التوكيل والعربية ماشية ٤٥ الف وراكب فيها جنوط رياضية
وجزاك الله خيرا
السلام عليكم
ممكن سعر عربيه
هيونداي اكسنت موديل 1999 حجم الموتور 1300 سي سي
ماشيه 240 ألف كيلو
رشه بره و رشه شنطه وباقي الدواخل فبريكه
الكماليات :
تكييف ( يحتاج غاز عن كلام صاحبها ممكن يكون فيه مشكله) + باور+سنتر
يوجد بعض الخدوش متفرقه علي جسم العربيه من بره تحتاج لرش بالكامل من بره والعتب تحت الابواب من الداخل وتحتاج كاوتش جديد
حاله الصالون متوسطه (الكراسي تحتاج كسوه جديده)
السعر النهائي تعمل كام؟؟؟؟؟؟؟؟؟؟؟؟
الاستاذ/شريف
السلام عليكم
اثقلت عليك في الايام الاخيرة لاني مركز اني اشتري ربنا يكرمنا جميعا
ارجو تسعير
1-نيسان صني 2005 انتاج ياباني جميع الكماليات اتوماتيك بحالة المصنع 70 الف كيلومتر استخدام عائلي راقي. (وهل شكل ال 2005 يختلف كثيرا عن عن الشكل الحالي وهل هذا اول التجميع المصري صاحبها بيقول صناعة ياباني ولا كان في مستورد ومحلي في 2005 )
2-هيونداي النترا 2009 بضمان غبور 36 الف كيلومتر اول يد فابريقة بالكامل صيانه التوكيل .
بصراحة مش متاكد ان كانت مانيوال ولا اتوماتيك وكمالياتها ايه هتعب حضرتك في التسعير للاتنين وللكماليات للحالة المذكورة لوتكرمت .
لي ملاحظة استاذي الفاضل هل يعتبر 36 الف كم كثير جدا علي سنة واحدة او اقل من سنة لانه بالنظر للصني اللي معايا هنا عملت 70 في 5سنين بمتوسط 14 الف وهذا في تقديري متوسط الاستخدام الشخصي او العائلي الطبيعي وهل يؤثر ذلك علي سعرها وهل اقلق من العداد الكبير ده في فتره سنة واحدة او اقل هل يكون كان بيأجرها مثلا الله اعلم (متوسط الاستخدام الشخصي المعقول 15 الف كم سنويا)
معلش انا دقيق زيادة وبتعبك معايا .
جزاك الله خيرا
السلام عليكم يا أستاذ شريف :
أستسمحك كنت عاوز اعرف
ميتسوبيشى لانسر ـ 1300cc ـ موديل 2007 ـ لونها فضى ـ وعدادها 28.000 كم ـ مانيوال ـ خليجى (إيريال سقف) ـ فابريكة بره وجوه و فيها 2 إيرباج , أنا بصراحه مأخدتش بالي هي GL ولا GLX فممكن تقولي لو GL تساوي كام , لو GLX تساوي كام ؟
ولك جزيل الشكر
استاذ شريف كيف الحال
انا بدور فى السيراتو الشكل القديم ممكن سعر سيراتو موديل 2004
وعايز اعرف سعر المانوال و الاتوماتيك عامله 100الف كم فابريكا تعمل كام
و لو موديل 2005/2006 تزيد كام
السلام عليكم
استاذ شريف
عربيه فورد اسكورت موديل 98 رشه بره بالكامل حالتها جيده جدا
عفشه وموتور وكاوتش وصالون
كانت مغيره سربتينه ريداتير نتيجه خبطه مأثرتش الا علي الشنب واترد علي البارد
صوت الموتور عالي شويه
مش متذكر هي الموتور الصغير ولا الكبير
وانجكشن ولا لاء
هي العربيه معدتش 60000 الف كيلو لان صاحبها مكانش بيركبها الا قليل
بس مهمله شويتين
محتاجه دهان يفوقها شويه
ومصاريف قليله علي الموتور
وهل تنصحني بيها
مع العلم ان اسعار قطع غيارها قلت نسبيا مقارنه بستنين فاتو
واسف علي الاطاله
وهل ينفع مثلا اني لو ربنا كرم واخدتها
وبعد سنتين او حاجه مثلا لما الموتور بتاعها يبدأ يتعبني
اسقط لها موتور لانوس او سويفت
وهل تتباع بعد كده
ولا هيتقلها في البيع
بالرغم من انها تقيله اصلان في بيعها
استاذ شريف
السلام عليكم ورحمة الله وبركاته
أحييك على المجهود الرائع المبذول - موضوع رائع و مفيد جدا جدا
ارجو تسعير
ماتريكس موديل 2006 مانيوال رشة اكصدام خلفى و رفرف عداد 80 ألف كم لونها بترولى مش محتاجة اى مصروفات صيانات بالتوكيل. أول يد - حلة جيدة -
مع الشكر والتقدير
أستاذ شريف
استشارة مستعجلة شوية،،، جراند تريوس خليجي موديل 2009 سوداء عدادها 8500 كيلو وفابريقة برة وجوة،، والغريب إن زجاجها الخلفي فيميه زي بتاعة التوكيل ،، ممكن أعرف تساوي كام وسوق الجراند تيريوس بشكل عام أخباره ايه ويتراوح من كام لكام والفرق في السعر بين الخليجي والتوكيل،،معلش طولت عليك
النيسان تعمل 65 الف
وشكلها هونفس الشكل الي سنة 2009
وفعلا الموديل ده مستورد هو وال 2004
الالنترا مانيوال تعمل 78 الف والاوتوماتيك84 الف
باعتبار انها برة وجوة وحالة ممتازة
الاستخدام العادل للكيلو متراج في السنة 20 الف
حالت العربية ممكن تديك صورة علي انها كانت ايجار ام لا وبالاخص حالة الصالون فركز فيها شوية
شكر ا جزيلا للاهتمام والتسعير
يحضرني سؤال مهم عن النيسان 2005 دي هل يركب لها نفس قطع الغيار الخاصة ب 2009 و 2010 وراي حضرتك في الموديل الياباني ده بصفة عامة وتنصح به ام اشوف حاجة اخري
وبالنسبةللالنترا اعتقد ان حضرتك تشاركني رايي ان 36 الف كم كتير اوي علي سنة .
طيب سؤال بسيط كده عالماشي ...
هي الكورسا الـ1200 سي سي كانت بتنزل كلها من غير تكييف و لا باور ..؟؟؟
تركب قطع الغيار الي 2009 بس لان ال 2010 متغير شكل الفوانيس الامامية فيها
ولو حالت العربية كويسة توكل علي الله
وطبعا بالنسبة للالنترا هي عدادها كبير بس مش للدرجة التي تستدعي القلق لانه ممكن يكون استلام اخر 2008 وبهذا تكون بقالها سنتين ماشية وطبقا للاستخدام الكيلو متر العادل الي هو 20 الف في السنة يبقة هي داخل الحد المسموح به
انا اسف ياباشا لحضرتك في بعض المواصفات الخاطئه لان صديق لي قال لي الموصفات علي التليفون وبعد ماحضرتك سألتني عن بعض المحوظات اتصلت بيه مره تانيه وراح بص علي العربيه بنفسه
المواصفات كالآتي:-
هيونداي أكسنت موديل ١٩٩٩ موتور ١٣٠٠سي سي
ماشيه ٢٤٠ ألف كيلو
لونها اصفر رشه بره وكانت مخبوطه قدام من الجانب اليمين من عند الفانوس وكانت مسمعه جوه واتعدلت واترشت في الصدر من ناحيه الخبطه فقط
باقي الدواخل فبريكه
الكماليات:-
تكييف { يحتاج غاز عن كلام صاحبها ممكن يكون فيه مشكله} + باور {متركب} + سنتر
يوجد بعض الخدوش متفرقه علي جسم العربيه من بره تحتاج لرش بالكامل من بره والعتب تحت الابواب من الداخل
تحباج كاوتش جديد
حاله الصالون متوسطه{الكراسي تحتاج كسوه جديده}
حاله الماتور متوسطه
السعر النهائي كام؟
شكرا ياباشا والواحد هيكون مطمن بعد تقيم حضرتك لان حضرتك خبره في العربيات
لا ياباشا هي رشه الجنب اليمين فقط من السدر المكان بتاع الخبطه فقط لاغير وطبعا الكبوت متغير
وهي مش رشه اي حاجه تانيه غير مكان الخبطه فقط
بالنسبه للتكييف هو بيشتغل بس مش بيطلع هواء بارد بيطلع هواء عادي هو بيقول غاز وانا هستلمها منه كده هو مش هيعمل فيها حاجه
بالنسبه للرخصه باقي فيها رخصه سنه وهو المالك الاول وهيعملي توكيل
باشا ياتري دي سعرها كام
http://www.contactcars.com/Images/Po...48_mesmfpw.jpg
لانسر 1998 خليجي كاملة اوتوماتيك دواخل فابريكة .. باور +تكييف+فتحة سقف+ 5 جنوط اصليين+4 ازاز كهربا+وحدة رفع + سنتر لوك +جهاز انذار+الكاسيت الاصلي +السماعات الاصليه+ حامل اكواب + كسوة جديدة+فوانيس شبورة +فتح الشنطة والتانك من الداخل زينون عالي وواطي.. السيارة لا تحتاج الي اي مصاريف نهائيا ً تم عمل سيرفس كامل لها ولا تحتاج الي جنيه مصروف اللون ابيض مرور النزهة رخصه سنة ونصف الحالة جيدة جدا الصالون - الفرش - السماعات بحالة الزيرو بجد
هيونداى اكسنت 1999
1500cc
اللون فضى
فابريقه دواخل لكن رشه من بره و الصالون بحالة جيده وكوتش جديد
مانيوال
باور
زجاج كهرباء وسنتر وتكييف
رخصه لسه فيها سنه باسم المالك
تعمل كام العربيه دى علشان عايز اشتريها ؟؟؟
شريف باشا أخبار حضرتك ايه ممكن رأى حضرتك فى العربيه المازدا 323 من حيث الصيانه و سرعه البيع و لو سمحت هى رينجها كام بالنسبه للحاله التمام
استاذ شريف
تحياتي وتقديري
حضرتك مشكورا سعرت لي سيارة نيسان صني 2005 انتاج ياباني مستوردة اتوماتيك جميع الكماليات فابريقة بالكامل بالامس 70 الف كم والحمد لله وان شاء الله متفاهم مع صاحبتها علي السعر في حدود تسعير حضرتك 65 الف جنيه
السؤال المهم ورأي حضرتك الفني هي لوحدها خالص بتقولي العربية واطيه وقريبة من الارض وده سبب التغيير عايزة عربية عالية شوية وهي بتسافر كتير لبلدها باحد المحافظات وبتبقي صعبان عليها ان العربية بتحك في المطبات ممكن تكون قرية ريفية وده السبب وميحصلش الحك ده بالقاهرة وممكن تكون بتحملها وزن كبير من فضلك هل هي منخفضة زي الفيرنا واللانسر الكريستالة كده ولا لاي حد وهل العيب ده فيها والي اي مدي تاثرت السيارة بالاحتكاك بالارض ده وتضرررت واخد بالي من ايه وانا بفحصها ببنزينة او توكيل وهل اللانسر البومة والماتركس والالنترا اعلي شوية عن الارض لان دول اختياراتي المتاحة واريد ان اعرف هل اعادة بيع الصني والموديل ده صعبة وتقيلة ؟ افيدنا افادكم الله
والسلام عليكم ورحمة الله وبركاته