اعرفها من الاتي :
1 عداد ار بي ام في لوحة العدادات
2 مخدع وسطي في نصف الكنبة الخلفية
3 فرش الابواب استفة قماش مش بلاستيك
برجاء نسعيير عربيه هيوانداى اكسيل 1994 حاله ممتازه فابريقه بره وجوه عداد 170000 الف كيلو تكييف وفتيس 5 غيار فرش فابريقه كاوتش جديد بطاريه جافه فتح الشنطه من الداخل سنتر لوك وانذار
أولا وقبل كل حاجه مقدرش اقولك غير انك أستاااااااااااااااااااااا ااااااااااااااااااااااااذ
بجد والله حته لو عندك معرض سيارت صعب اوي تعرف اسعار معظم العربيات او متوسط سعرها بالسرعه دية... وأكيد الناس كلها مقدره مجهودك
ثانيا قدامي عربيه اوبترا 2007 منيوال وطبعا فيها تكييف وزجاج كهرباء وباور وجنوط سبور والعربيه مركونه علشان صاحبها مسافر بره واخوه كل 10 ايام بيدورها شويه بس ما بتتحركش من مكانها خالص وتقريبا ماشيه 30000 ك وكانت عامله حادثه ومغيره فرده شاسيه في الوكاله.. وكان بيعملها صيانه دوريه في الوكاله تعمل كام تقريبا وفيها مشكله موضوع فرده الشاسيه
ثالثا لو فيها رخامه معايا بيجو 307 موديل 2007 xt بس بره مصر عندك فكره جماركها تعمل كام دلوقتي ولا انا كده بعدت عن الموضوع
وعلى اي حال شكرا اوي علشان بجد انا استفدت كتير اوي من الموضوع
اولا كلامك جميل جدا وعباراتك رقيقة للغاية والف الف شكر وجزاك الله خير يا اخي
ثانيا الاوبترا تعمل 55 الف باعتبار انها مغيرة فردة الشاسيه فقط والفردة بالكرتيرة راشيين و مغيرة سدر وكابوت مثلا وكل ده باعتبار انها شغل توكيل
ثالثا بالنسبة لل 307 اذا كنت المالك الاول هتاخد نسبة خصم علي الاستخدام بعدد سنين الاستخدام وتقريبا هتدفع في حدود 45 الف و هاكدلك من الرقم بالضبط وارد عليك ان شاء الله
السلام عليكم
أوﻻ ألف شكر على المجهود الجبار اللي حضرتك بتبذله في الموضوع ده.
ثانيا انا عايز أعرف سعر عربية شاهين موديل 1996 .. 1300 بدون كماليات عاملة 83 ألف كيلو
فابريقة برة وجوة - فرش جديد - كاوتش جديد - تحتاج وش نظافة
السلام عليكم
نوع العربيه :- سكودا
موديل العربيه :- كومبى
سنة الصنع :- 1996
الحاله الخارجيه :- لم ترش نهائيا
الحاله الدخليه :- لم ترش نهائيا
حالة الموتور :- جيده جداااا
حالة الفرش :- فى حالة الفابريقه ( كراسى +كنب +تابلوه كامل +سقف )
الميكانيكا :- جيده جداااا
السياره لا تحتاج لاى مصاريف و الرجاء معرفة سعرها الفعلى
و شكراااااا
معروض عليا لانوس 2001 رشة خوارج كلها و فابريقة دواخل باور و إزاز عادي و تكييف مش شغال
فيها شوية شغل مش كتير في الصاج... و البوية نفسها مش وحشة و مش ممتازة
عاملة 142000 كم
العربية دي كانت مسروقة من 5 سنين و رجعوها بعد 3 شهور بس الحرامي كان لاعب في رقم الشاسيه... فالمرور دقوا رقم الشاسيه في القايم اليمين و الرقم الملعوب فيه موجود في صدر العربية
صاحبها عايز فيها 38000
فايه رأي حضرتك
و ابعد عن العربية عشان رقم الشاسيه اللي في القايم و لا عادي مش هيفرق لو حبيت أبيعها في أي وقت
والله عربية زي دي لا تزيد عن ال 35 الف لان الله اعلم برده بالتكييف
ورايي الشخصي بلاش منها لانها في اعادة البيع هتبقة من العربيات الي حهيقولك مغيرة ربع والي هيقولك هي عدمة رقم في المرور وهتلاقي صعوبة في بيعها باي سعر حتي وفي نقلها من مرور الي مرور
ألف شكر للنصيحة يا أخي
بارك الله فيك و لك
ممكن بعد ازن حضرتك اعرف سعر لانسر بومة 1300 سى سى مانيوال 2007فابريقة برا وجوة تعمل كام وهل تفرق لو كانت مصرى او خليجى؟؟؟واييه راى حضرتك فيها عموما من حيث تكييف وقططع غيار؟؟ولاترشحلى حاجة افضل؟؟
ممكن لو سمحت تسعير فيرنا هاف موديل 2008 عداد 48الف فابريقة بلكامل و متغيرش فيها اى حاجة غير زيت وفلاتر
بس انا مركب فيها ازاز كهربا امامى وسنتر و انذار
ولو بعتها بالجنوط 15 تفرق فى السعر ولا اعرضها بدون جنوط و العربية هى اللى موجودة فى صورة التوقيع وشاكر لييك جدا
تعمل 68 الف
ولا فرق في السعر ما بين الخليجي والضمان
وهب من حيث التكييف معقولة وأفضل حالا من ال 1300 الاوتوماتيك لكن طبعا ال 1600 افضل
قطع الغيار متوفرة جديد واستيراد وجميع الانواع من اصلي وياباني وتايواني وصيني
[QUOTE=sherifowahba;3872827486]
(اولا كلامك جميل جدا وعباراتك رقيقة للغاية والف الف شكر وجزاك الله خير يا اخي
ثانيا الاوبترا تعمل 55 الف باعتبار انها مغيرة فردة الشاسيه فقط والفردة بالكرتيرة راشيين و مغيرة سدر وكابوت مثلا وكل ده باعتبار انها شغل توكيل)
علي فكره الكلام ده مش مجامله لأن بجد الي يفضي من وقته علشان يساعد الناس يستاهل الشكر و كل خير واحترام ....ودعوه حلوه ربنا يتقبلها ان شاء الله
اما بالنسبه للعربيه الاوبترا هيه وضعها ايه في السوق علشان انا معنديش فكره خالص على السوق المصري علشان هيه ما نجحتش اوي في الامارات ومشاكلها كانت كتير اوي وبتاكل البنزين ...
أنا عموما لو اشتريتها ان شاء الله معنديش نيه للبيع فبالنسبه لاستخدام عيله.. هتستحمل ولا بنفس الفلوس فيه حاجات تانيه احسن
وشكرا للمره المليون
شكرا على المجهود و الرد السريع والدقيق (أنا كنت حاطط نفس المتوسط ده للسعر) ولو تسمحلى في كام سؤال كدة اتمنى انك تجاوبلي عليهم:
- انا عايز احتفظ بالعربيه لأنها مريحاني بس خايف من ان عددادها عالى ومقلق انها في فترة قريبة بالبلدي كدة تفتح بؤها او ان أدائها يتأثر جامد ولو فكرت ابيعها ساعتها هخسر فيها كتيييير وفي نفس الوقت لو قررت ابيعها فبرده هجيب مستعمل وخايف تبقى حالتها مش أد كدة وخاصة ان سوق المستعمل عندنا غير مضمون بالمرة. فانت ايه رأيك؟ آسف اني أكون خرجت عن مضمون ال Topic بس ان فعلا محتاج النصيحة.
أستاذ شريف ..... بجد شكرا لحضرتك على مجهودك وربنا يجازيك عنا كل خير على المساعده اللي بتقدمها لينا كلنا
أنا قدامى عربيه دايو ماتيز
لقيت إعلانها هنا على المنتدى
2-الموديل/السنة : 1999
3-عدد الكيلومترات : 150 الف كيلو
4-لون السيارة : ابيض
5-الكماليات (كاسيت-تكييف-سنتر)
6-حالة الصاج او الخوارج (حالة ممتازة جدااااااااااااا بعض الخوارج لسة مرشوشة قريب والبعض الاخر فابريكة)
7-حالة الدواخل ( الدواخل كلها فابريكة )
8-حالة الصالون ( ممتازه)
9-الحالة العامة او التقييم العام للسيارة (حالة نادرة)
10-حالة الكاوتش ( جديد )
11-حالة البطارية(ممتازة)
12-مكان المعاينة(الاسكندرية)
13-السعر (26 نهائى)
14
الرخصة ثلاث سنوات من 10 / 2009
18-حالة الموتور فوق الممتازه
أنا لسه مش شفتها بس ناويه إن شاء الله أخد ميكانيكي وسمكري
إيه رأي حضرتك في سعرها....وياتري هي مناسبه إن بنت تسوقها ولا سواقتها صعبه زي اللادا....وقطع غيارها ... ونوع البنزين اللي يتحط لها
شكراااااااااا لحضرتك أوى
بعد اذنك كنت عايز أعرف سعر عربيه دوجان 93 فيها رخصه سنه فاضيه دواخلها فبريكه بس الشنطه كانت مخبوطه دخلت فيها عربيه و هى واقفه تم اصلحها و رشت جديد كلها من بره و اتشدت كلها 100/100 تعمل كام
بعد اذنك ياباشا كنت عايز اعرف سعر سياه اوبل فيكترا موديل 1995
1600 سى سى
رشه قريبا خوراج فابريكه دواخل
تقفيل ايطالى مش مصرى
جنوط
كاسيت جديد سونى وسماعتين بايونير
زجاج اماى كهرباء
فرش من الداخل جديد
بس كده ياريت سعرها تعمل حوالى كام وياريت ياباشا تقولى ايه رأيك فيها
من ناحيه قطع الغيار ومن ناحيه استهلاك البنزين