تحديد سعر اي سيارة مستعملة هدية لاحلي منتدي(الجزء الثاني)

**sherifowahba** · 25-02-2010 01:34 PM

المشاركة الأصلية كتبت بواسطة seleem3

معلش يا استاذ شريف اهو الواحد لما يسمع على عربيه يجرى على حضرتك ويسالك
لان انا عايز اشترى عربيه وبثق فى راى حضرتك جدا
قدامى
موديل 1988
ريجاتا نوفا سيارة فبريكة دواخل رجاج كهرباء تكييف سنتر
تعمل كام

لو دواخلها شركة وكمالياتها شغالة تمام وحالتها حلوة تعمل 22 الف

**khttb_mr** · 25-02-2010 10:54 PM

عروض أمامي سيارة دوجان 94 ، 1600 سي سي ، حالتها جيدة جدا ، وهي عربية بيتي ومش متهانة خالص ، ماشية 52 ألف كيلو فقط ، ماتورها كويس ولم تعمل عمرة ، دواخل فبريكة ، فيها باور وسنتر وإنذار ، التكييف موجود لكن بيقول إن هو فاصله عللشان بيأثر على الموتور، رشة بره نظافة ، وأساسيتها سليمة وكل حاجة فيها تمام ، وصاحبها طالب 33 ألف
فهل هذا المبلغ مناسب ، ولا غالية أوي ، وما هو المبلغ المناسب حتى أبدأ في التفاوض معه
من فضلكم ساعدوني فأنتم أهل الخبرة أنتظر ردكم لأني سأقابله غدا إن شاء الله وخايف لتكون غالية فعايز السعر المناسب إن شاء الله

**sherifowahba** · 25-02-2010 11:05 PM

المشاركة الأصلية كتبت بواسطة mastermind_00

السلام عليكم ورحمة الله
دي اول مشاركة ليا في المنتدى وان شاء الله استفيد من خبراتكم بعد ما شفت المستوى المذهل من المواضيع (اللي ملقيتوش في منتديات تانية)

قدامي عربية شاهين مو 98 1400 سي سي فاضية (سنتر فقط) حالة جيدة استعمال سيدة مصاريفها (طقم دبرياج وطقم كهرباء)
احسن سعر ليها من الاخر خالص يكون كام ؟

وسؤال تاني لو تكرمتم
انا طولي 186 سم فهل الشاهين هتكون ضيقة وسواقتها متعبة بالنسبة لي ؟
وان كان فهل يمكن حل المشكلة دي بتغيير الكراسي الامامية فقط
وسعرها كام ؟
واقل مصاريف ممكنة للتغلب على مشكلة حر الصيف ( تكييف او مروحة شيك) تكون قد ايه لاني عايز اقلل المصاريف قدر الامكان ؟

معلش انا عارف اني تقلت في الاسئلة بس عشمنا فيكم خير ان شاء الله

وجزاكم الله كل خير مقدما

أولا اهلا وسهلا بك في المنتدي ونورتنا وان شاء الله هتلاقي كل الي يفيدك في كل الاقسام واخواننا في كل الاقسام يعملو علي خدمة الاعضاء بكل محبة واخوة
ثانيا ممكن توضيح دواخل العربية حالتها ايه هل رشة ام لا وهل محتاجة مصاريف غير طقم الدبرياج والكهرباء لاتمكن من التسعير المناسب باذن الله
ثالثا قاعدة كراسي الشاهين غير مريحة مطلقا و موضوع تغيير الكراسي مش عملي بس هي عربية بتاعة عمل شاق
رابعا بالنسبة لموضوع التكييف بيتكلف تقريبا 2500 جنيه بالكامل وكمبريسور ساندن ياباني اما لو مروحة بتتركب علي التابلوه فهي بمبلغ 75 جنية بس طبعا في الحر مش عملية الحر حله الفريون
وفي انتظار توضيح دواخل السيارة
ثال

**sherifowahba** · 25-02-2010 11:13 PM

المشاركة الأصلية كتبت بواسطة khttb_mr

عروض أمامي سيارة دوجان 94 ، 1600 سي سي ، حالتها جيدة جدا ، وهي عربية بيتي ومش متهانة خالص ، ماشية 52 ألف كيلو فقط ، ماتورها كويس ولم تعمل عمرة ، دواخل فبريكة ، فيها باور وسنتر وإنذار ، التكييف موجود لكن بيقول إن هو فاصله عللشان بيأثر على الموتور، رشة بره نظافة ، وأساسيتها سليمة وكل حاجة فيها تمام ، وصاحبها طالب 33 ألف
فهل هذا المبلغ مناسب ، ولا غالية أوي ، وما هو المبلغ المناسب حتى أبدأ في التفاوض معه
من فضلكم ساعدوني فأنتم أهل الخبرة أنتظر ردكم لأني سأقابله غدا إن شاء الله وخايف لتكون غالية فعايز السعر المناسب إن شاء الله

لو بالحالة الجيدة جدا المذكورة ومش محتاجة مصاريف ودواخلها شركة كلها وعدادها صحيح وصاحبها سلملك التكييف شغال تعمل 31 الف

**khttb_mr** · 25-02-2010 11:18 PM

طلب صغير ايه رأي حضرتك في هذا النوع وهو الدوجان وهذا الموديل وهو 94
ما مميزاته وما عيوبه
وهل هو أفضل أم الشاهين بهذا السعر لأن هذا السعر يجيب شاهين في أواخر التسعينات
وشكرا جزيلا لك
أنا آسف لأني أثقلت عليك كثيرا لكن فعلا أنا الموضوع قالقني جدا جدا

**sherifowahba** · 25-02-2010 11:25 PM

المشاركة الأصلية كتبت بواسطة khttb_mr

طلب صغير ايه رأي حضرتك في هذا النوع وهو الدوجان وهذا الموديل وهو 94
ما مميزاته وما عيوبه
وهل هو أفضل أم الشاهين بهذا السعر لأن هذا السعر يجيب شاهين في أواخر التسعينات
وشكرا جزيلا لك
أنا آسف لأني أثقلت عليك كثيرا لكن فعلا أنا الموضوع قالقني جدا جدا

انا رايي ان الدوجان هي هي الشاهين مع اختلاف بسيط في الفوانيس الخلفية المحددة بالاسود والفوج لايت والتابلوه اما الاختلاف الجوهري بيكون في الماكينة ال 1600 سي سي وانا من رايي انها افضل من الماكينة ال 1300 للشاهين ال 96 وال 1400 للفوق ال 96 ومادام انها عربية عربية حضرتك عارف حالتها وعدادها كما كان مذكور وحالتها حلوة ومش محتاجة مصاريف يبقة خليك في الدوجان