الموضوع: تحديد سعر اي سيارة مستعملة هدية لاحلي منتدي(الجزء الثاني)

المشاركة الأصلية كتبت بواسطة sherifowahba

طيب ممكن تقولي استخدام حضرتك للعربية ايه بالضبط يعني الطرق عدد الافراد الدايمين
بمعني ادق حضرتك عايز ايه من العربية واولوياتك ايه بالنسبة للعربية التكييف فارق معاك البنزين محتاج عربية متينة اوي ولا مشاوير عادية
في انتظار توضيحك

شكرا علي الرد
انا موظف دخلي في حدود 1500 جنية والطرق مكسرة ( امبابة ) وعددنا 3 افراد والتكييف طبعا يكون مهم والبنزين طبعا هيفرق هوا وقطع الغيار ( دة مع الاخد في الاعتبار ان قطع الغيار معمرة في البيجو زي ما سمعت ولا لا ؟) وطبعا محتاج عربية متتعبنيش وشكرا

المشاركة الأصلية كتبت بواسطة sherifowahba

كده لازم هو يسأل ويعرف سعر السوق علشان يكون مطمئن لانها 2001 اما ال 50 ده سعر ال 2004 النهاردة الي بنفس الحالة

شريف باشا معلش تاعبك معايا، خالى غير رأيه فى بيع العربية عشان احتمال يسافر تانى.. انا عليت بالمبلغ ل 65 و بدور على اوبترا اوتوماتيك، عايز اسأل على عربيتين:
الاولى: اوبترا 2006 هاتشباك اوتوماتيك فابريكا بره بس رشه اكصدامات عاملة 65 الف كيلو و جنبها اليمين متجرح جامد شكلها مسامير، ومحتاج يترش للمنظر العام
التانية: اوبترا 2006 سيدان اوتوماتيك فابريكا بالكامل عاملة 43 الف كيلو و عاملة كل الصيانات فى التوكيل و صالونها فابريكا و على كلام صاحبها العربية زيرو مفيهاش غير خرابيش خفيفة فى الاكصدامات .

الف شكر يا باشا على الرد السريع.. بس انا حاسس كده ان الهاتش باك لو كانت عاملة كيلو متر اقل و مش متجرحة كنت هتمنها اكتر من السيدان، وانا من خبرتى المتواضعة ان الهاتشباك مش مطلوب زى السيدان فبالتالى سعره بيقل، انا طبعا بتناقش معاك مش بحاول اتفزلك وانت ما شاء الله واضح ان خبرتك كبيرة فى مجال العربيات و الناس هنا بتشهد بكده :)

كنت عايز اعرف سعر عربية اوبل فيكنرا 97 1600 سى سى مانيوال عداد 55 الف بجد والصيانة من التوكيل فبريكة برة وجوة هو فيها خبطين بسطة تترد على البارد وكمان فيها ريحة دخان غريبة شكلها من الركنة فيها كوتش صباب مش متأكد دة ممكن تعمل كام

عاوز اعرف سعر دايو لانوس 2007 كامله مانيوال فابريكه بره وجوه الحاله العامه جوه ممتازه وبره جيده عشان فيها شويه خرابيش بس بسيطه يعنى بتاعت (خرابيش القاهره) ماشيه 48الف كيلو وفيها رخصه سنه ونص وباسمى

الله يبارك فيك يا اخي وجزاك الله خير
سؤال توضيحي ممكن حضرتك تقولي لو نظرت جوه الشنطة في الحلة بتاعة الاستبن ما بينها وبين فاصل السدر الخلفي في اثار للسمكرة يعني نتيجة للتسخين والبونط ولا العربية اتردت علي البارد ولا لأ وانا ارد عليك واقولك تعملها ولا لا

هو صدر الشنطة إترد على البارد بدون تسخين و كذلك الشنطة و الرفرف و لكن توجد أثار صدأ على جميع الأجزاء التى تم ردها على البارد من الخارج نتيجة تلف الدهان فى هذه الأجزاء و لكن لاتوجد أى أثار داخل حلة الأستبن
أتمنى أكون وضحت الحالة كده