الموضوع: تحديد سعر اي سيارة مستعملة هدية لاحلي منتدي(الجزء الثاني)

المشاركة الأصلية كتبت بواسطة houbaz

44 الف! انا كنت فاكرها اعلى من كده، العربية دى بتاعت خالى و هو عايز يبيعهالى على اساس انها مضمونة و حالتها نضيفة بدل ما ادور بره، هوا كان بيسألنى range النوبيرا كام فدخلت على كونتاكت كارز و لقيت الناس بتتطلب فى 2001 من 45 - 50 رحت قلتله 48 - 50 على عربيته على اساس انها كانت مرفوعة و فابريكا و عدادها قليل وحالتها نضيفة، و بعدين هو سأل واحد فى معرض سعر السوق بتاعها كام عشان ابيعها لابن اختى مش ليكو الرجل قالو 45 الف، خالى قالى دا اكيد مش سعر السوق دا مفطسها عشان هوا ياخدها.. بيقولى دى تعمل 50 الف مستريح، هوا فعلا فاكر كده مش قصده يغلى عليا :) بس هوا كان مسافر و بعيد عن السوق، انا مش عايز اقولو على 44 او حتى 45 من بقى لحسن يفتكر انى عايز انزل فيها عشان ابن اخته، وانا والله عايز اخدها بسعر السوق من غير اى تنزيل، تنصحنى اعمل ايه فى الموقف المحرج دا، يعنى اقولو يتمنها ازاى؟
معلش يا باشا حكيتلك قصة حياتى :) و الف شكر يا باشا على النصيحة و جزاك الله كل خير، و لو جبتها ان شاء الله هعمل زى ما انت قلت..

كده لازم هو يسأل ويعرف سعر السوق علشان يكون مطمئن لانها 2001 اما ال 50 ده سعر ال 2004 النهاردة الي بنفس الحالة

المشاركة الأصلية كتبت بواسطة maga9001

مساء الخير
أولاً الف شكر على الخدمة الجميلة جداً
انا كنت عايز اعرف سعر عربية اوكتافيا a4 موديل 1998 فول اوبشن مانيوال 1600سي سي فتحة سقف كهربا, فابريكة بالكامل بس دهان الفابريكة مجرب , عاملة 100,000 كم وحالتها جيدة جداً من الداخل والخارج

تعمل كام؟

تعمل 57 الف

المشاركة الأصلية كتبت بواسطة houbaz

شريف باشا معلش تاعبك معايا، خالى غير رأيه فى بيع العربية عشان احتمال يسافر تانى.. انا عليت بالمبلغ ل 65 و بدور على اوبترا اوتوماتيك، عايز اسأل على عربيتين:
الاولى: اوبترا 2006 هاتشباك اوتوماتيك فابريكا بره بس رشه اكصدامات عاملة 65 الف كيلو و جنبها اليمين متجرح جامد شكلها مسامير، ومحتاج يترش للمنظر العام
التانية: اوبترا 2006 سيدان اوتوماتيك فابريكا بالكامل عاملة 43 الف كيلو و عاملة كل الصيانات فى التوكيل و صالونها فابريكا و على كلام صاحبها العربية زيرو مفيهاش غير خرابيش خفيفة فى الاكصدامات .

الهاتش با ك تعمل 66 الف
السيدان تعمل 67 الف