لو ينفع التركيب, السعر كام؟ و فين؟
أرجو أن يجيب من عنده معلومات أكيدة.
عرض للطباعة
لو ينفع التركيب, السعر كام؟ و فين؟
أرجو أن يجيب من عنده معلومات أكيدة.
طيب ماهي فيها !!
دي أقل فئة بتنزل بالمثبت !
عموما لو هي مش نازل فيها المثبت هتصرف كتير جدا عشان تركبه لان تركيبه محتاج شغل كتير وصعب في مصر يعملوه
هوه مش السيفيك بداله كهرباء و الـ throttle بتاعها driven by wire؟!
في الحاله دي لو العربيه مفيهاش مثبت سرعه ممكن يركب في 10 دقائق لأن كل اللي هيتعمل انك تركب مفتاح التحكم بتاعه و بس.. حتى الفيشه هتلاقيها موجوده. الكلام ده بيحصل في السوبارو 2008 و 2009.
العربيات اللي بدالة البنزين بتاعتها عاديه فعلا محتاجه شغل كتير علشان تركب مثبت سرعه.
كلامك مضبوط
بس في السعودية فئة lxi مابتنزلش بالمثبت وكنت فاكر زيك بالضبط ان هلاقي كل حاجة جاهزة مجرد اني بس اركب المفاتيح وفكيت ال steering hub وكلي امل اني الاقي اي حاجة ولكن ظني خاب ومالقيتش اي حاجة خالص فاستنتجت انك لازم تعمل الوصلات بنفسك
المهم وزي ماانت بتقول باضبط ان فعلا طول ما العربية DBW فبالطبيعي ان ال ecu يكون بيتحكم في الCruise بس فين بقى مخطط الwiring اللي يخلينا نعرف ال pins المسئولة عن الكلام ده !
وطبعا لو رحت التوكيل هنا في مصر هيقول لك يافندم احنا مالناش دعوة لان عربياتنا كلها بتنزل بال cruise control
ومن خلال تجارب الناس (طبعا خارج مصر) كلهم قالوا انه ممكن بس انه يشتري adapter احسن من انه يخاطر ويعمل الحاجة دي بنفسه
اظن مش هتحتاج تجرب. اكيد فيه ضفيره هتوصلها على طول
انا عندى نفس المشكلة ..عربيتى تركى فيها Multifunction ومفهاش crusier وكنت فاكر انها مجرد فيشة وخلاص زيها زى الMultifunction بس المهندس عملى حوار كبير وقلى تقريبا هتتكلف 3900 أو 4150 وممكن ميشتغلش !!!!
طبعا انا مش مكتنع بالكلام دة كلة وحاسس أت الموضوع اسهل من كدة بكتييير..
ياريت نشوف حل للموضوع دة علشان انا محتاجة فى عربيتى جداااااا