هل يمكن تركيب مثبت سرعة لسيفيك 2009 أو 2010؟

**kandil79** · 10-10-2009 08:37 PM

لو ينفع التركيب, السعر كام؟ و فين؟

أرجو أن يجيب من عنده معلومات أكيدة.

**kemo0o** · 11-10-2009 12:34 AM

طيب ماهي فيها !!
دي أقل فئة بتنزل بالمثبت !

عموما لو هي مش نازل فيها المثبت هتصرف كتير جدا عشان تركبه لان تركيبه محتاج شغل كتير وصعب في مصر يعملوه

**Ahmed Hassan** · 11-10-2009 08:35 AM

المشاركة الأصلية كتبت بواسطة kemo0o

طيب ماهي فيها !!
دي أقل فئة بتنزل بالمثبت !

عموما لو هي مش نازل فيها المثبت هتصرف كتير جدا عشان تركبه لان تركيبه محتاج شغل كتير وصعب في مصر يعملوه

هوه مش السيفيك بداله كهرباء و الـ throttle بتاعها driven by wire؟!

في الحاله دي لو العربيه مفيهاش مثبت سرعه ممكن يركب في 10 دقائق لأن كل اللي هيتعمل انك تركب مفتاح التحكم بتاعه و بس.. حتى الفيشه هتلاقيها موجوده. الكلام ده بيحصل في السوبارو 2008 و 2009.

العربيات اللي بدالة البنزين بتاعتها عاديه فعلا محتاجه شغل كتير علشان تركب مثبت سرعه.

**kemo0o** · 11-10-2009 09:46 AM

المشاركة الأصلية كتبت بواسطة Ahmed Hassan

هوه مش السيفيك بداله كهرباء و الـ throttle بتاعها driven by wire؟!

في الحاله دي لو العربيه مفيهاش مثبت سرعه ممكن يركب في 10 دقائق لأن كل اللي هيتعمل انك تركب مفتاح التحكم بتاعه و بس.. حتى الفيشه هتلاقيها موجوده. الكلام ده بيحصل في السوبارو 2008 و 2009.

العربيات اللي بدالة البنزين بتاعتها عاديه فعلا محتاجه شغل كتير علشان تركب مثبت سرعه.

كلامك مضبوط
بس في السعودية فئة lxi مابتنزلش بالمثبت وكنت فاكر زيك بالضبط ان هلاقي كل حاجة جاهزة مجرد اني بس اركب المفاتيح وفكيت ال steering hub وكلي امل اني الاقي اي حاجة ولكن ظني خاب ومالقيتش اي حاجة خالص فاستنتجت انك لازم تعمل الوصلات بنفسك

المهم وزي ماانت بتقول باضبط ان فعلا طول ما العربية DBW فبالطبيعي ان ال ecu يكون بيتحكم في الCruise بس فين بقى مخطط الwiring اللي يخلينا نعرف ال pins المسئولة عن الكلام ده !
وطبعا لو رحت التوكيل هنا في مصر هيقول لك يافندم احنا مالناش دعوة لان عربياتنا كلها بتنزل بال cruise control

ومن خلال تجارب الناس (طبعا خارج مصر) كلهم قالوا انه ممكن بس انه يشتري adapter احسن من انه يخاطر ويعمل الحاجة دي بنفسه

**Ahmed Hassan** · 16-10-2009 05:25 PM

اظن مش هتحتاج تجرب. اكيد فيه ضفيره هتوصلها على طول

**mr_joooe** · 25-10-2009 11:37 PM

انا عندى نفس المشكلة ..عربيتى تركى فيها Multifunction ومفهاش crusier وكنت فاكر انها مجرد فيشة وخلاص زيها زى الMultifunction بس المهندس عملى حوار كبير وقلى تقريبا هتتكلف 3900 أو 4150 وممكن ميشتغلش !!!!
طبعا انا مش مكتنع بالكلام دة كلة وحاسس أت الموضوع اسهل من كدة بكتييير..
ياريت نشوف حل للموضوع دة علشان انا محتاجة فى عربيتى جداااااا

**kemo0o** · 26-10-2009 02:08 AM

المشاركة الأصلية كتبت بواسطة mr_joooe

انا عندى نفس المشكلة ..عربيتى تركى فيها Multifunction ومفهاش crusier وكنت فاكر انها مجرد فيشة وخلاص زيها زى الMultifunction بس المهندس عملى حوار كبير وقلى تقريبا هتتكلف 3900 أو 4150 وممكن ميشتغلش !!!!
طبعا انا مش مكتنع بالكلام دة كلة وحاسس أت الموضوع اسهل من كدة بكتييير..
ياريت نشوف حل للموضوع دة علشان انا محتاجة فى عربيتى جداااااا

سيدي الفاضل الموضوع سهل وصعب !
1 - انت محتاج فيشة المثبت
2- محتاج تسحب ضفيرة من اول ال ECU لحد الدركسيون وطبعا لازم يكون معاك ال pin configuration بتاع ال ecu عشان تعرف انت هتسحب من فين بالضبط