طيب معلش حضرتك ممكن تشرح لي أكثر .. لأن العربية مكتومة كتمة جنان .. أفك علبة البيئة إزاي ؟
عرض للطباعة
كأنك كنت معايا لحظة بلحظة خلال التلات شهور اللي فاتت ..
تدريجياً العربية كانت بتتهاوى
ريحة عفنة لا تطاق
فيش الفوانيس كل شوية تسيح
مفتاح الانتظار باظ
الكومبريسور فرغ كل الغاز
الطرمبة كانت شغالة من غير الكتاوت بتاعتها !
العربية بتفضل شغالة بعد ما أشيل المفتاح منها !
طبعا الـ rpm كان بيعزف عزفه الخاص
وبلاوي كتير من النوع ده انتهت باحتراق الضفيرة نهائيا وتركيب ضفيرة استيراد وتكلفة عدت الـ2000 جنيه
حسبي الله ونعم الوكيل !
لا اله الا الله قدر الله وما شاء فعل
بس حد فى الدنيا يعمل كده يغسل عربيته فى بنزينه غريبه وفى الارياف وكمان يسيبها لوحدها
ياراجل حرام عليك دا تلاقيها كانت بتنادى عليك لحد مصوتها اتقطع خالص
بس انت برضه كنت المفروض تسيب العربيه تنشف خالص ومتدورهاش غير لما تتأكد ان المياه كلها طلعت
وانا لو مكانك مكنتش مشيت من البنزينه غير يصلح غلطه بيجيب كمبروسر الهوا وينشف كل حته فى العربيه ويدخله فى الجكمان الى نفخه ده الله يكون فى عونه وفى عونك
على فكره انا حصل معايا المواقف دى كتييييير فى البنزينه فعلا بيبقى فيها ناس منتهى منتهى الغباء والاستهتار بحاجه الناس كأن العربيات دى لاقيناها فى الشارع
ممنوع الكتابه باللون الأحمر
اللون الأحمر مخصص للمداخلات الأداريه
يرجى مراجعة قواعد المنتدى
مشرف القسم
انا قلبي معاك طبعا في عربيتك و معلش برضه انت الغلطان لان غسيل العربية بيتعمل
عند حد انت واثق فيه او سامع عنه كويس او في مكان نضيف اوي
غير كده معملهاش ولو هيدوني فلوس ولو الطينة عليها طن معملهاش
تاني حاجة معلش يا جماعة هي الصورة اللي في التوقيع اللي قبلي دي
معناها ايه؟
منديل في وسطه قلم جاف كاسيت راديوستار و كده؟؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!
الحمد لله انك مسكت اعصابك ومقتلتهوش
العلبه فى وسط الشكمان بتبقى تحت عصاية الفتيس
روح لبتاع الشكمانات و قله الاول يشوف عندك حساس اكسجين راكب وللا لا (حساس طالع منه سلك) ... لو لقيت حساس .. قله يفكه الاول ... دور العربيه وشوف لمبة لونها اصفر فى التابلوه نورت وللا لا .. لو مانورتش يبقى قله يفك العلبة ويجيب سيخ حديد ويكسر المحول الحفاز (حاجه زى الاسمنت) ويركبها تانى (اوعى يشتغلك ويقللك حيلحملك نجمة جوه العلبة علشان السحب ... كلام فارغ) ... دور وشوف الفرق فى السحب (حتسمع صوت فى العلبة لمده اسبوع زى رمله بتضرب فى الصاج بس حتروح اول ما العادم يبطن العلبه من جوه)
لو لمبه التابلوه نورت (جرب يلحملك ماسوره صغيرة يركب فيها الحساس بحيث انه يبعده عن قلب الشكمان ... احتمال انها تطفى ... بس لو ما تفطش مش مشكله عينك حتتعود عليها ... اللمبه دى بتفيد فى حاجتين الاولى تقلك ان عمر المحول الحفاز اللى جوه علبه البيئه عمره خلص (بس انت كسرته خلاص) او لما يكون عندك مشكله فى الجيربوكس الاوتوماتك لو كانت عربيتك اوتوماتك
بس اكيييييييد حتشوف سحب تانى خالص احسن بكتير ... انا عملتها فى الجالينا بتاعتى 2007 وفرقت كتير
مش عارف اقولك ايه بجد
بس بجد موقف غريب وبجد يتحك جدااااااااااااااااااااااا اا اصله عامل اقل ما يقال عليه انه اغبى الناس
ربنا يسترها معاك وان شاء الله ميكنش فيه اى مشاكل فى العربيه
ممنوع أستخدام اللون الأحمر فى الكتابه
اللون الأحمر مخصص للمداخلات الأداريه
مشرف القسم
شكرا ليك وللسادة الزملاء على مداخلاتهم بس في حاجة أنا ماوضحتهاش ..
العربية انهارت في تلات شهور .. يعني كل يوم يطلعلي فيها حاجة
ولما الضفيرة شاطت .. الكهربائي قاللي غيرها ..
طبعا عشان أغيرها كان لازم أفك الكراسي والموكيت ثم اللباد وهنا كانت المفاجأة :
اللباد (العازل) اللي تحت كرسي السواق وأنا باطلعه كان بيشر مية ـ بعد تلات شهور كاملة ـ كأنه كان في بانيو مش في عربية .. وعلى فكرة اللباد ده هو اللي تحتي ضفيرة الصالون والتابلوه ـ أكبر ضفيرة في العربية ـ وكمان كان ـ شوف ستر ربنا ـ سلك الكونتاكت سايح كله من أوله لآخره ولاحم مع سلك الطرمبة يعني الله لا يقدر لو كان سلك الطرمبة لمس معاه كانت العربية انفجرت بي ..
يعني يا حضرات الحكاية مش حكاية الشكمان .. دا فصل من فصول المسرحية اللي حصلت واللي أنا بس كنت باستفسر عنه .. وبرضه حسبي الله ونعم الوكيل .. أنا والله لولا إني مش عاوز أقابل ربنا بدم حد