اعصابك ياروتانا مترزعلنا العربيه دى تقرير كويس من ايدك
وحاول متكرهش العربيه من اولها كده
عرض للطباعة
اعصابك ياروتانا مترزعلنا العربيه دى تقرير كويس من ايدك
وحاول متكرهش العربيه من اولها كده
يا دكتور شامل عايز بس اوضح نقطه لحضرتك انا كان معايا لانوس موديل 99 اول ما نزلت واخدتها بعد حجز 4 شهور من ابو غالي بسعر 38900 و اقسم بالله حتي سنه 2001 قبل ارتفاع ضريبة المبيعات العربيه كنت و انا بعدي اما سوق السيارات بتجيبلي 37500 و بعد ارتفاع الضريبه و ارتفاع سعر الدولار باية من عام 2003 و اقل سعر حابته العربيه كان 45000 حتي بعتها عام 2006 بسعر 46000 و الي الان اعتبرها من افضل السيارات المجمعه في السوق المصري و ركبت بعدها لانسر بومه 2006 و كيا سيفيا 2001 الي ان حجزت التيجو و عدلت عنها بعد مشكلة الفرامل التي كتبت عنها موضوع و حضرتك نزلت فييه تريقه بسببه و اتهمتني اني عميل و كلام كده فاضي
علي فكره الحمدلله ربنا كرمني و جبت لانسر شارك 2009 و صدقني التيجو او الصيني لو كان عايز يثبت نفسه كان اثبت نفسه من زمان .
اولا اهلا بيك و السلام عليكم
ثانيا اللانوس وقت ما نزلت كانت في زمن غير الزمن.......وقتها كان لازم تكسب سوق اسرع من الان لأنها كانت برده طفرة في السعر و الكماليات و نزلت تبع الجيش بالهبل و نزلت بعد ما الكوري الاخر مثل السيفيا (عيون صفية ) كان اثبت نفسه و بالتالي مهد له الطريق ككوري مثله
ثالثا سعتك حجزت التيجو بس مركبتهاش و لا امتلكتها لكني انا فعلت و هي رائعة ما شاء الله و انت خسرت كتير اوي بعدم امتلاكها
رابعا انا لا اتكلم كلام فاضي يا استاذي الفاضل و اعتقد هناك طريقة اكثر ذوقا للكلام معي لو كنت تريد حديثا راقيا يرقي لمستوي الشخص الذي تتحدث معه........فأنا لم اتهم أحد بالعميل الا لو كان داخل يرمي كلمتين يهاجم عمياني و يخرج و هؤلاء كثير للأسف كأن الصيني قتل له قتيل و الله اعلم من هم و من يتبعوا.........و لكنك لو اردت ان تكون منطقي و محايد اذا لا تحكم علي سيارة الا لو امتلكتها مش الفرامل جيت تستلم لقيتها بايظة فسبت العربية ؟!!! يا راجل طيب قول كلام معقول.......واحد زيك له تجارب يبقي ميحكمش كدة....انا اول مستلمتها كانت هوايات التكييف بتخرف بس مقفلتش منها و اتعملت مع اول صيانة و الان رائعة ما شاء الله........و السيارة بستمتع بيها اكتر من قيادتي للسوبارو (قبل ما ابيع السوبارو) و لا يتفوق عليها الا سيارتي الجديدة (البي ام).......هذا هو الحكم المتمهل الدقيق الذي يدرس السيارة و شركتها جيدا ثم يتوكل علي الله و يمتلكها و هنا فقط يحكم عليها مش مع اول مطب يرميها و يشتم فلي يفكر فيها مثل الاخ صاحب حكاية غطاء التنك ؟!!!!:khd:
علي اي حال اديك جبت الشارك يا سيدي.........ربنا يكرمك بيها و فيها بس اجي انا بقي و اقولك كام واحد بيشتموا في الشارك و كام عربية كسر الزيرو معروضين للبيع !!! برده مع كل ده مقدرش انا احكم عليها لأني لم امتلكها و لم اعاشرها و افهمها.........السيارات كالمرأة.......و كالصديق........اذا لم تعاشرهم و تفهمهم اذا لا تعرفهم.:lovlie02[1]:
و ربنا يكرم و يوفق الجميع يا رب
و الي كل المهاجمين و المشككين و المفقوعين .......موتوا بغيظكم...و نصيحة اشتروا العربية احسن :44:
بس برده احنا في الاخر اخوات في الله و ربنا يكرمنا جميعا
أخوكم:
العربيه كويسه بس انا ركبتها حسيت انها ضبقه شويه
والله يجماعة الصينى كله يغووووووور وعربيات ملهاش لزمة وضعيفة جدا وعفشة فى الارض ويا استاذ اللى بيشكر فى التيجو حضرتك تعرف انها نفس موتور ال a516 القديمة طب تيجى ازاى والعربية دى اكبر من دى بكتييير واتقل والله ابو الفتوح بيضحك على المصريين بالماركة دى وكمان العربيات دى اسمها شيرى مش اسبرانزا هوه بس اللى بينزلها مصر بالاسم ده
هوه بالنسبة للمشاكل باختصار كده العربية ضعيفة جدا جدا جدا من حيث الخامات الداخلية والصاج الخارجى واكبر عيييييييييييييب فى العربية دى هوه العفشة العربية عفشتها وحشة جدا وحفيفة وبتتهبد جامد وبالنسبة لاعادة البيع فكلو بيطلب الرقم ده بس ماحدش بيشترى بالرقم ده العربية دى يوم ماتنطط تجيب 46 اخرها وده وحش اوى
ماشي يا doc .... خليني معاك واعتبرني من الناس اللي معندهاش خبرة ولا هدف .....
ايه اللي يخليني أشتري العربية دي.... وإزّي حضرتك حكمة إنها كويسة .....وايه الهدف والخبرة المطلوبة علشان الواحد يقدر يحكم على عربية بغض النظر عن نوعها وبلد تصنعها ..... وايه اللي ممكن اقراه علشان أبقى من الناس اللي فاهمة وعندها خبرة ...
ووالله أنا مش بتريق .... بس أصل أنا ضيعت سنتين من عمري قراية وفحص كل العربيات اللي وقعت في ايدي من كل البلاد ....وشفت مواقع اللي بتعمل مقارنات .... ولسة باتهم إني حاقد على العربية ...ومش شايف جمالها وكفاءتها.....
وده فرصة اشوف بعيون حد تاني ....
وربنا الموفق
سبحان الله كأنك بتتكلم عن عربيه تانيه غير اللي انا ركبتها امال الفيرنا تبقى ايه بقى لما دي تقفيلها وحش و صاجها ضعيف و عفشتها مش عارف ايه
انا ركبتها و مشوفتش اي حاجه من الكلام ده و اللي عربيته اتخبطت وراح بيها لسمكري بيقوللو دي صاجها تقيل
على العموم دي ازواق و يمكن حضرتك بتقارنها بمرسيدس مثلا ساعتها ممكن اقول معاك حق