انا كان معايا اونو وحصل معايا ان الموتور احتاج عمره
وجيت سألت الخبراء هنا برضه اشترى موتور ولا اعمر الموتور
قالولى العمرة احسن
لكن للاسف كل قطع الغيار الموجوده فى السوق مغشوشة وبعد العمره هتلاقى الاداء زى الزفت وهتصرف اكتر ما الميكانيكى بيقول ومش هتقدر تعمل معاه حاجه لان الموتور هيكون مفكوك ومش قدامك غير تسمع لامه وهيسرق معظم قطع الغيار الجديده ويسيبلك القديمه
وبرضه فكره شراء موتور استيراد محفوفه بالمخاطر ويمكن تصرف كتير ويطلع موتور مش كويس وتندم طيب ايه الحل
الحل الاول انك تتأكد عند ميكانيكى تانى يكون محترم ان العربيه محتاجه عمره فعلا لان واحد صاحبى اشترى عربيه تمبرا معوقين والميكانيكى برضه اقنعه انها محتاجه عمره وفعلا عملها عنده مع ان العربيه كانت زى الفل ومكانتش محتاجه عمره فلازم تتأكد الاول
وبناء عليه لو طلعت فعلا محتاجه عمره متعملش حاجه غير انك تبيعها تانى وانشاء الله مش هتخصر حاجه من تمنها
ملحوظه انا قبل ما اعمل عمرة عربيتى جابتلى 27500 ومرضيتش وبعد العمرة وصرفت 2000 جنيه بعتها فقط ب 27000 تخيل
الحل الثانى
انك تشترى الموتور من محل محترم موثوق فيه وتخلى الموتور القديم قطع غيار للموتور الجديد وكده صدقنى افضل بكتير من العمره وهيبقى عندك موتور كامل استبن يحتوى على فتيس و مارش ودينامو اسبراتير ووش سلندر وطلمبة مياه وطلمبة بنزين وكرنك وتاكيهات وطلمبة زيت وحاجات تانيه كتير
وربنا يرشدك للصح انشاء الله
المفضلات