انا عايز بس ادور فى الفيفوريت انا كنت حاطه بس اللسته بقت كبيره قوى
عرض للطباعة
انا عايز بس ادور فى الفيفوريت انا كنت حاطه بس اللسته بقت كبيره قوى
ولا يهمك ياكبير بس انا مش مقتنع بموضوع وش السيلندر لسبب بسيط
مثلا تبريد مياه المحرك عمرها مابتقل عن 70 درجة
و كانت بتوصل قبل ما اشيل الثيرموستات الى 95 درجة عشان المروحة تشتغل
بعد ما شيلته درجة الحرارة برضه 70 بس الحرارة مبتزيدش عن 92 درجة و اعتقد دة احسن
فيه حاجة اسمها اداء المحرك الحرارى هى دى اللى فيها اللعب كله
الله ينور يا طناني هوا دا الصح
دة اكيد ياباشا ان فيه حاجة اسمها الاداء الحرارى و ان المحرك لازم يكون شغال على worm condition يعنى لازم ان حرارة مياه التبريد متقلش عن 80 درجة عشان ميحصلش اجهادات حرارية لاجزاء المحرك لكن بالنسبة لتجربتى مع الثرموستات الميكانيكى درجات الحرارة كما هى ما عدا ان الحرارة مبقتش بتصل لل 95 درجة و لكن الى 92 فقط اى فرق 3 درجات و ووظيفة الثرموستات الميكانيكى هو انه
يحدث عادة زيادة الضغط داخل دورة التبريد نتيجة زيادة الحرارة .. لذلك كان من الضروري استخدام ثرموستات لتنظيم حركة الماء داخل الدورة .
http://www.arab-eng.org/vb/uploaded2...1250069030.jpg
شكل رقم (4)
الثرموستات ( Thermostat )
يتم تركيب الترموستات عند مخرج الماء من رأس الاسطوانة إلى المشع ، ويتحكم في سريان الماء ، وهو عبارة عن صمام ذو سربنتينة حلزونية مملوءة بسائل يتبخر عند درجة حرارة معينة فتتمدد وتعمل على فتح الصمام تدريجيا وتسمح بسريان الماء .. عند غلق الصمام ، يسمح للماء بالمرور في مجرى جانبي إلى مدخل الماء في المضخة، فيمنع ارتفاع الضغط في دورة التبريد.
يحدث عادة زيادة الضغط داخل دورة التبريد نتيجة زيادة الحرارة .. لذلك كان من الضروري استخدام ثرموستات لتنظيم حركة الماء داخل الدورة .
سبب الغاؤه عندى الاتى
1- تسبب فى تغيير جوان وش سيلندر نتيجة انه علق على وضع غلق و ادى لارتفاع درجة الحرارة
2- تغيير رادياتير لنفس السبب و تم تغيير الثرموستات 5 مرات لتجنب زرجنة جسم الصمام و قاعدته
لك نتيجة للصدأ بتحدث دايما المشكلة دى
عواقب الغاء الصمام لسة مش عارفها لانى جربت العربية بعدها بيومين فقط و سافرت بيها لم الاحظ شئ سوا ان الحرارة لا تزيد عن 92 درجة بعكس و الصمام راكب كانت بتصل الى 95 درجة و اى ملاحظات تانية هبلغهالك انا لازم اجرب بنفسى قبل ما افتى و اكيد لو كت اعرف انى لو لغيته هيأثر على جوان وش السيلندر مكنتش شيلته بس انا هجرب العربية الاسبوع دة و ابلغ حضرتك بالنتائج
السلام عليكم
على فكرة يا كفرواى نفس الموضوع حصل معايا ولغيت الثرموثتات من شهرعشان الحرارة كانت بتوصل لغاية 97 وبعدين المروحة تشتغل وحاولت فى كل حاجة لغاية مالغيته بقت العربية فعلا مش بتعلى عن 92 خالص
بس لسه فى الشتاء حانشوف عشان درجة الحرارة لو قلت خالص حنبقى لازم نرجعه تانى
يعنى إمبارح مثلا بالليل كنت فى الساحل الشمالى ورجعت حوالى الساعة 01.30 بالليل لاحظت وأنا ماشى إن الحرارة قلت عن ال 90 وأنا ماشى بقت حوالى 85
هو الثرموثتات دة جديد بكام
أخوكم فى الله هانى
انا لغيته عندي من اكتر من 3 شهور و العربيه زي الفل و الحراره من 85 تقريبا ل 90 عمرها ما بتزيد عن ال 90 الحمد لله و العربيه زي الفل من ساعه ماشيلته !! انا مش شايف اضرار منه بالعكس دا مفيد للمتور علشان ميسخنش جامد
فيه عربيات كتير التوكيل نفسه لاغى الثرموستات بتاعها يا هانى باشا دة من كلام محمد اوبل عشان مشكلة انها بتسخن برضه و الحرارة بتوصل 95 درجة و بتأثر على سحب العربية وبقالها سنين على كدة
وانا واثق ان مش هيحصل اى تاثير الا لو حرارة الجو بقت حرارته 3 درجات او اقل
بص يا باشا انا عندى عقدة خواجة
بمعنى ان احنا مش هنفهم العربية اكتر من اللى عاملها و مصنعها و دول مبيحوطش حاجة مالهاش لازمه
و لو انهم عارفين ان العربية هتنزل الخليج و عارفين حرارته بدليل قوة التكييفات و العزل بتاع الخليجى مختلف - المواتير دى بردوا فيها ترموستات مشلوهش ليه
انا مقتنع بالرأى ده
يا طناني العربيه اوربيه يعني مصنعه بالمواصفات بتاعتهم و الدليل علي كدا ان في اوربا متلاقيش عربيه درجه الحراره فيها بتعلي زي عندنا هنا ليه بقي علشان الجو هناك مختلف و احنا عرفنا الحاجه اللي ممكن تساعدنا و تخلينا نتفادي الموضوع دا و مفيش منه اضرار يبقي ليه منعملهاش و نريح دماغنا :colsmil: