عربيتى راكبها عفريت ؟؟؟؟؟!!!!!!

**yalahwy2010** · 04-04-2010 02:48 PM

انا محتار جدا للى بشوفه من العربية
انا عربيتى ميجان 2 2005 وعاملة 105000 كم...والعربية ما شاء الله كويسة جدا...والحمد لله أعطالها قليلة وشيلانى وعايشة معايا على الحلوة والمرة....وأصيلة
بس المشكلة اللى انا ملاحظها من فترة كبيرة....انها ساعات سحبها يكون ناعم وكويس....وفجأة يتغير سحبها وتبقى تقيلة ومكتومة.....وملحوظة.....المكتم ة دى برضه لاحظتها بعد ما غيرت 3 كويل فى مرة....وفلتر بنزين وبوجيهات
والأغرب كمان انى شاريها من دكتور فى الجامعة كان بايعها للتوكيل...وانا اشتريتها من التوكيل على اسم واحد كان شغال فى التوكيل....عشان بيشتروها بسعر ارخص
المهم....لما راجعت فواتير صيانتها ....لما كانت فى الضمان...لاحظت ان صاحبها كان كاتب نفس الملحوظة دى فى الورقة اللى بتتملى قبل ما العربية تدخل فى الصيانة
فا انا مش عارف الحل فى ايه...ويا ريت لو حد عنده نفس المشكلة يقوللى عمل ايه ؟؟؟؟؟
معذرة للاطالة

**elmadawy** · 04-04-2010 09:15 PM

فين وحوش رينو واصحاب الميجان للرد علي اسئله صاحب الموضوع

**Eng.Geo** · 04-04-2010 10:16 PM

اعتقد بنزين
ممكن يبقي مرة مش كويسة عشان كدة مابسحبش
بتحط من كذا بنزينة ولا هي واحدة وبنزينة ايه ؟

**bobo2009** · 05-04-2010 01:01 AM

فعلا ممكن يكون عيب بنزين

انا على فكرة عندى نفس المشكلة ساعات تكون ناعمه جدا جدا وبتسحب بطريقه رهيبة وساعات مكتومه

**yalahwy2010** · 05-04-2010 08:08 AM

انا بحط من أكتر من ينزينة.....بس يا موبيل يا شل.....كالتكس لأ...ولا التعاون ولا اى حاجة تانية

**CosmicOne** · 05-04-2010 10:09 PM

عالفكره يا جماعه الظن ان الموظوع ده فى كل العربيات و مش لاقيلو سبب
انا كان بيحصل معايا نفس الكلام فى ميجان 1999 و دلوقتى بتحصل معايا فى سيفيك 2007

الأحساس بالظبت:

ان فى ايام بتبقى العربيه ناعمه جداً و العفشه هايله فى المطبات من ناحيه امتصاص و اصوات و الموتور بيبقى ناعم جداً و سحبو جامد قوى و صوتو واطى

و فجأه فى ايام تانيه بحس ان العفشه مخلعه و الموتور اخشن شويه و العربيه بتسحب بالعفيه.

**waleedraafat** · 05-04-2010 10:13 PM

نفس الموضوع معيا في النوبيرا ، ايام تبقي ناعمة وايام تبقي خشنة تقريبا الموضوع بنزين فعلا

**Migo123** · 06-04-2010 12:32 PM

ههههههههههه وانا كمان قي الميجان كده
اعتقد الموضوع ليه علاقه بحالتك النفسية .... ومالوش دعوه لا بالبنزين ولا بغيره
انا لسه من اسبوع كنت ها اروح ارمي العربيه للتوكيل واقلب الدنيا لاتها بعد صيانه ال 10 الاف كنت حاسس بيها مكتومه وصوتها عالي وبترج مع كل غيار .... وكمان بتعوم

فجأه يومين وكل حاجة اتظبطت .... ازاي مش عارف

**yalahwy2010** · 06-04-2010 08:07 PM

الموضوع ده المفروض ما يتسكتش عليه
يعنى لو بنزين ...انا فاكر زمان ماكانش فيه مشكلة وكان اللتر بجنيه
ولما يغلى للضعف...ويبقى مش نضيف....يبقى الحل ايه
وبعدين بصراحة العربية بتبقى معايا مكتومة بطريقة واضحة جدا
والله بفكر أجرب ال 95...وهشوف هيعمل ايه فى السحب
وهقولكم على النتيجة

**bobo2009** · 07-04-2010 12:24 AM

المشاركة الأصلية كتبت بواسطة yalahwy2010

الموضوع ده المفروض ما يتسكتش عليه
يعنى لو بنزين ...انا فاكر زمان ماكانش فيه مشكلة وكان اللتر بجنيه
ولما يغلى للضعف...ويبقى مش نضيف....يبقى الحل ايه
وبعدين بصراحة العربية بتبقى معايا مكتومة بطريقة واضحة جدا
والله بفكر أجرب ال 95...وهشوف هيعمل ايه فى السحب
وهقولكم على النتيجة

انا كنت فكرت فى الموضوع ده بردو وبالمرة ينضف العربيه

الموضوع: عربيتى راكبها عفريت ؟؟؟؟؟!!!!!!

LinkBack

أدوات الموضوع

عرض

عربيتى راكبها عفريت ؟؟؟؟؟!!!!!! - انشر الموضوع فى :

-

-

-

-

-

المواضيع المتشابهه

العربية راكبها عفريت

جين 2 راكبها ميت عفريت وتعبت معاها جداا .. اغيثونى

هى العربية راكبها عفريت و الا ايه؟؟؟؟؟؟

عربية راكبها عفريت p:

المهندس قالى عربيتك راكبها عفريت

الكلمات الدلالية لهذا الموضوع

المفضلات

المفضلات

ضوابط المشاركة