الموضوع: كمبيوتر نقلات الفتس الايزي ترونيك.

المشاركة الأصلية كتبت بواسطة mustafa_farouk

السلام عليكم

مش عارف الموضوع دة ممكن يفيد حد من مالكي سيارة اوبل اللي فيها ايزي ترونيك ولا لأ بس حبيت اكتب من باب العلم بالشيء.

يوم ١٥ مارس ٢٠١٠٬ العربية مرة واحدة وأنا بركن في الشارع وقفت، مش بطلت، لأ الفتيس فصل، يعني الشاشة اللي قدامي بائت فضية وعلامة السرفيس ظهرت على طول. زقتها عشان اركنها. اتصلت بالمركز المعتمد لمنصور واللي بتعامل معها من أول يوم فتح فيه تقريباً، وسأت المهندس اللي هناك، قالي طب اقفلها ودورها كمان ٥ دقايق، المهم في النهاية قالي دة كمبيوتر نقلات الفتيس باز، طه مش حتمشي ؟؟؟، هو: لأ.
أنا: الحال طيب
المهندس، تجبها بكرا ونكشف عليها، وسعر الكمبوتر حوالي ١٠ تالاف جنيه مصري عشان كان عندنا عربية من حوالي شهر وكان فيها نفس الموضوع.
المهم تاني يوم قطرتها ليهم والناس كانو قوسين جداً بالرغم من استفساراتي الكتير جداً والذكية جداً بس كانو بيجوبو
المهم المهندس قالي تاني يوم بعد الكشف .الديسك والاسطوانة كمان عايزين يتغير،
أنا: هو مفروض كل ٧٠ ألف أغيرهم يعني، هو: المفروض حسب كل سواقة وتقريباً كل ١٠٠ ألف كيلو.
أنا: مفيش أي حل تاني ، هو: لاء
المهم تاني يوم كلمني وقالي احنا غيرنا الديسك والاسطوانة و العربية ماشية وتمام، تحب نغير الكمبيوتر كمان ولا تمشي كدة وتجرب.
أنا: طب ازاي ؟؟ يعني حتكون عربية إختبارات. هو: بالظبط عشان الكمبيوتر سعر غالي جداً واحنا حابينا نسأل حضرتك الاول وإحتمال يجي كمان شهر عشان مش موجود في منصور.
طبعا كدة لوز جداً لي.
مشيت بها إسبوع في التاني وبعدين رحت الاقصر إسبوع شغل وفي يوم ١٥ ابريل وقفت تاني وطلع لي شرطتين جانب بعض وعلامة السرفيس، نفس الحوار الاولني بالظبط. زاقيت تاني وركنتها.
ورحت بها ليهم تاني واستلمتها النهارده الحمد لله.
أنا سألت مرة في منصور رابعه وهما هناك اللي لازم تروح الهرم عشان كل شغل دة بيكون في الهرم، فعشان كدة رحت اوتو ماستر عشان أنا رحت الهرم دة مرة وحدة من ٥ سنين وكان مع واحد صاحبي وكان مشوار عشان أنا سكن في مصر الجديدة.
المهم أسعار قطع الغيار
إسطوانة دبرياج : ١٠٨٧ جنيه مصري
ديسك دبرياج: ٩٣٧ جنيه
كمبيوتر نقلات الفتيس : ٨٥٨٥٫٠٠ جنيه
ماستر دبرياج سفلي : ١٥٢٥٫٨٥ جنيه
+ المصنعية والبرمجة والضرايب مجموع الفاتورتين: ١٥٫١٠٤ جنيه مصري
أنا بس حبيت اديكو فكرة مش أكتر.

الموضوع دة ملوش أي حل غير التوكيل، أنا سئلت ودورت وفيه ناس سعدتني بس وقفت تاني ، إختصاراً لتضيع الفلوس والوقت، اطريت اني اعملها في التوكيل.
العربية الحمد الله تمام لغاية كتابة السطور دي وربنا يستور عشان الفلوس دي كان المفروض أعمل بها السباكةو الكهربا وشوية حاجات في الشقة عشان الجواز اللي شكلو كدة مش حيكمل.

أنا أسف على الرغي الكتير دة كلو بس أنا مش بعرف اكتب كويس

سومو قاللى على كل اللى حصل معاك بس بصراحة مش مقتنع بكل الكلام دة
ومعلش يعنى يامصطفى انت غلطان
اولا مش مقتنع بحوار الديسك والاسطوانة اللى باظوا على 70 والمفروض انهم يتغيروا كل 100
اومال لو العربية كانت مانيوال كانوا اتغيروا كل اد اية !!!

تانى حاجة فى الاول قالك كومبيوتر وبعدين لما فك قالك غيرتلك ديسك واسطوانة والعربية مشيت بعدها .. طب ازاى !!! لو فى عيب فى الكومبيوتر ومحتاج يتغير ازاى العربية مشيت بعد تغيير الديسك !!!
لو الاسعار بالمنظر دة كنت شوفتهم استيراد

المشاركة الأصلية كتبت بواسطة n.a.j.d

الاحسن الواحد يركب توكتوك ولا يتعامل مع منصور دا

منصور ولا غير منصور كل توكيلات مصر زى الزفت