الموضوع: اخبار قطع الغيار ايه byd ويلا نكمل المفاجأت......

المشاركة الأصلية كتبت بواسطة seadaelbeda

ياريت نعرف اسعار قطع الغيار للجميله byd ونعرف اسعارها فى التوكيل بالتفصيل
وياريت لو المفاجأه تحصل ويكون نزل قطع غيار متوفره غير التوكيل وتكون فى المتناول
ياريت الخبراء يفيدونا ويبلغونا بالتفاصيل

كان فيه إعلان للشركة بالجرنال من حوالي 3 أسابيع بيعرض عينة من أسعار قطع الغيار الأصلية من التوكيل وكان علي سبيل المثال مراية كهرباء كاملة 150 جم - إكصدام 200 جم - فانوس 200 جم ...... إلخ

بس الميزة اللي أعتقد إن حضرتك لا تعلمها أن المحرك بتاعها يصلح له قطع غيار الميتسوبيشي لانسر الياباني وبتركب عليه تمام وكذلك عفشة التويوتا كورولا تركب عليها مظبوط

مشكور
دمت بخير

المشاركة الأصلية كتبت بواسطة egypt0777

العربية ده حتنافس الاسبرانزا ( الله لا يبارك فى ابو الفتوح و عربياته)

الحقيقة العربية الـ byd أثبتت فعلا جودة عالية سواء في الموديل الصيني أو الإنتاج المحلي ولولا هذه الجودة لما تمكنت من الدخول في مشروع الإحلال للتاكسي الجديد اللي بيتم عن طريق التعاقد مع الدولة بشروط مشددة من حيث الجودة والصيانة وغيره

المشاركة الأصلية كتبت بواسطة seadaelbeda

متشكر جدا بس اما ننشر الاسعار وخصوصا بتاعة العربية الاصليه مش حغير بحاجة تانيه ممكن تمشى عليها والناس تلاقيها تنافسيه يبقى احسن واحسن وتنتشر اكتر خصوصا لو توافرت فى اى مكان ومتبقاش نادره فى اماكن معينه عشان لو الفانوس اتكسر وانا فى المنصورة مدوخش عليه اكيد حضرتك فاهمنى ومتشكر جدا والف مبروك للفائز الاول بالعرض
بس ياريت لو حد عنده بيانات تانيه يعرفنا

معذرة سيدي الفاضل ...
أعتقد إني ما عرفتش أوصل قصدي لحضرتك ......

علي فكرة أنا ذكرت عينة الأسعار لقطع الغيار الأصلية من التوكيل لحضرتك مش علشان أقول لحضرتك إنها غير متوفرة برة التوكيل ....بالعكس تماما ... أنا قصدي أضرب لحضرتك مثال علي قيمة القطعة الأصلية من التوكيل رأسا بكام ؟؟ شوف بقي لما تكون من برة التوكيل حتكون بكام أكيد طبعا أرخص ولما نقارنها بأي ماركة مشابهة زي إسبرانزا مثلا شوف أسعار القطع الأصلية عندهم غالية جدا ومش كل حاجة عندهم بتلاقيها برة التوكيل

مثال بسيط طقم فانوس شابورةأمامي للـ BYD في التوكيل سعرة حوالي 100 جم لقيت زيه في محل في التوفيقية ب 50 جنيه !!! شوف بقي حضرتك فانوس شبورة أمامي أي ماركة تانية بكام في التوكيل وإذا وجدته بره التوكيل حيكون بكام الأسعار فوق 200 جم

وبالمصادفة وجدت هذا الموضوع فيه معلومات مفيدة

http://www.nilemotors.net/Nile/10424-a516.html

ده غير إن BYD موجودة من 2007 ودلوقت زاد إنتشارها كتير بدرجة ملحوظة ودلوقت محلات كتير جدا فتحت لقطع الغيار الصيني فقط الـ BYD أساسي عندهم وفيه كمان محلات كتيرة زي الياباني والكوري دخلت معاها الصيني بتوسع وما زال الإنتشار مستمر وسيبلغ قمته عند بدأ التسليم لسيارات مشروع إحلال التاكسي الجديد اللي حيدخله 30000 ألف سيارة BYD جديدة



مشكور جدا

دمت بخير

المشاركة الأصلية كتبت بواسطة seadaelbeda

طيب انا من المنصورة ومفيش عندنا محلات قطع غيار لللbyd
ولا حد يعرف اى مكان لان لو موجود هتفرق كتير

أهلا وسهلا بحضرتك و بأهل المنصورة الكرام

الصراحة أنا مش من المنصورة فلا أعلم مكان معين بس أكيد حضرتك لو ذهبت لأي مكان من الأماكن اللي بتكون منتشر فيها صنايعية وميكانيكية حتلاقي محلات قطع غيار قريبة منهم إبحث عند أي محل بيبيع قطع غيار صيني وممكن تلاقيه أصلا هو كوري أو ياباني وبيشتغل في الصيني

وربنا يوفقك إن شاء الله