مشكله تانيه يا وحوش فى الميجان

**ahmed1_com** · 14-05-2010 06:59 PM

انهارده ياريت حد يفدنى فى المشكله انهارده وانا ماشى وكابس بنزين العربيه تحس انها بتخنق يعنى تقل السحب وتزيد لوحدها وانا دايس نفس دوسة البنزين مبغيرش اول ما تيجى على 90 كده بتعمل الموضوع ده وسعات بتحرق على الغيار يا ترى حيكون ايه الموضوع ده وانا سالت واحد قالى زيت الفتيس وهى دايره عادى مفيش اى مشكله ياريت حد يفدنى ولو عايز اغير زيت الفتيس لازم اغيره ولا ازوده ومينفعش ازوده انا لو حد عارف مكانه ياريت يعرفنى وشكرا

**romioramy** · 14-05-2010 07:28 PM

استاذي الفاضل ...

زيت الفتيس بيتغير كل 40000 - 50000 كم يعني لو انت لم تغيره و عديت كل ده يبقي هوه اللي عامل المشكلة ده و يستحسن تغيره و لو ناسي اخر مرة كانت امتي يبقي ما فيش غير التوكيل يقول ايه اللي بيحصل .
و ربنا يوستر ان شاء الله حاجة بسيطة .. و ما تقلقنيش علشان انا رايح احجز الفلونس ؟؟؟!!!

**ahmed1_com** · 14-05-2010 07:41 PM

مشكورجدا تغير الزيت ده لازم افضى الزيت كله ولا بيتزود وشكرا

**esslynx** · 14-05-2010 08:14 PM

المشاركة الأصلية كتبت بواسطة romioramy

و ربنا يستر ان شاء الله حاجة بسيطة .. و ما تقلقنيش علشان انا رايح احجز الفلونس ؟؟؟!!!

لا تعليق!!!..توكل على الله و احجز

**momo10000** · 14-05-2010 08:28 PM

يا كويل .... يا فلتر البنزين عايز يتغير .. سهلة

**gazzar91** · 14-05-2010 11:53 PM

أنا شاكك في زيت الفتيس..... في الغالب لو نزل وسخ قوي هايغيروهولك و هاتغيرة تاني بعد 5000 علشان يكون نظف الوساخة اللي فيه و إحتمال كمان -لا قدر الله- ينظفولك solenoid اللي بيسموه سولانايت أو مخ الفتيس.... والله أعلم

**ahmed1_com** · 15-05-2010 01:58 AM

مشكورين جدا انا الى حصل زود الزيت كيلو الا ربع والعربيه اتظبطت بسمكنش باينزيت خالص وخوفت ازود الربع ده يكون فى مشكله عشان حد قلى لو زاد غلط بس انا حطيت المفك مكنش معلم زيت خالص ايه رايكم ازود الربع كمان ولا ايه وشكرا جدا

**Ahmed Selim** · 15-05-2010 12:57 PM

قبل ما تزود تانى لازم تعرف أيه اللى خلى زيت الفتيس يقل........الموضوع ده مهم جداً

**Badrashiny** · 16-05-2010 09:12 AM

المشاركة الأصلية كتبت بواسطة ahmed1_com

مشكورجدا على ما اظن من تحت العربيه بترشح زيت بسيط

انا عندي نفس المشكلة.
هي عربيتك مانيوال ولا أتوماتيك؟ انا عربيتي اتوماتيك وكنت عايز اعرف انت زودت الزيت بنفسك ولا حد زودهولك؟ وايه نوع الزيت اللي استعملته؟ وحطيت الكمية دي على أساس ايه؟