حد ياجماعة جرب بنزين 80 مع f3 gli 1600؟؟؟

**ahasan** · 23-06-2010 03:43 PM

السلام عليكم ورحمة الله وبركاتة

الاخوة الاعزاء ارجو الافادة سريعاً الله يكرمكم

انا اشتريت بى واى دى F3 GLI1600 من شهرين وبعدين فى واحد معاه زيها قالى انوه بيحط فيها بنزين 80 و ماشيه معاه زى الفل من غير مشاكل وقالى بالكتير اللى ممكن يحصل بعد سنه ان الحساس بتاع البنزين اللى فى الموتور يتسد و بتيفك و يتنظف وممكن بالكتير يتغير ب120 جنيه وانا بصراحة الموضوع ده هايفرق معايا كتير لان شغلى فى سفر كتير و انا جربت احط فيها بنزين 80 من حوالى اسبوعين كده وفولت مرتين 80 وحاسس انها ماشيه كويس وعادى
بس انا خايف يحصل مشاكل بعد كده فلو اى حد جرب الموضوع ده هل عادى ولا ممكن يحصل مشاكل و لو فى مشاكل ايه اللى ممكن يحصل يعنى
ارجو الرد سريعاً علشان لو كده محوطش تانى بنزين 80 فيها
وجزاكم الله خيراً

**mohamedsisi** · 23-06-2010 03:48 PM

الحقيقه انا مش عارف بس انا هخاف ازودها 80 او حتى 90

**elmanahry** · 23-06-2010 07:28 PM

حذارى حذارى من البنزين ال 80 لكل موتور مايسمى compression ratio والبنزين ال80 غير مناسب على الاطلاق والمناسب هو بنزين 92 ولي قصة لاتنسى مع البنزين ال 80 فيوم شرائى للسيارة ارسل موظف المعرض شاب معه جركن وغالبا احضر 3 لتر بنزين 80 وبرغم انى فولت 92 فيما بعد ولكنى عانيت معاناة فى السحب فترة طويلة وكنت دائما اشتكى للاستاذ وليد svo65 البنزين فى مصر فيه شوائب بسبب عدم الجدية فى صيانة محطات البنزين وما ارجوه ان تصر على البنزين ال92 وتجرب محطات بنزين الى تجد البنزينة التى تشعر انها فعلا تعطيك الافضل وشكرا

**mmmmgogommmm** · 23-06-2010 11:05 PM

السبيكة المصنوع منها الموتور لاتتحمل مركبات البنزين 80+ عدم مناسبة نسبة انضغاط الموتور لبنزين 80

**sv065** · 24-06-2010 10:46 PM

المشاركة الأصلية كتبت بواسطة elmanahry

حذارى حذارى من البنزين ال 80 لكل موتور مايسمى compression ratio والبنزين ال80 غير مناسب على الاطلاق والمناسب هو بنزين 92 ولي قصة لاتنسى مع البنزين ال 80 فيوم شرائى للسيارة ارسل موظف المعرض شاب معه جركن وغالبا احضر 3 لتر بنزين 80 وبرغم انى فولت 92 فيما بعد ولكنى عانيت معاناة فى السحب فترة طويلة وكنت دائما اشتكى للاستاذ وليد svo65 البنزين فى مصر فيه شوائب بسبب عدم الجدية فى صيانة محطات البنزين وما ارجوه ان تصر على البنزين ال92 وتجرب محطات بنزين الى تجد البنزينة التى تشعر انها فعلا تعطيك الافضل وشكرا

تمام كده يافندم ده غير أنه الموصي به إذا فتحت غطاء النزود بالبنزين حتجد ملصق مكتوب عليه لا تستعمل إلا بنزين 93 أوكتين وإدي العيش لخبازه ولو ياكل نصه

**ahasan** · 27-06-2010 10:21 AM

جزاكم الله خير ا يا جماعة

طيب اتخلص من البنزين ال 80 اللى فى التانك ازاى

انا مش عارف اتصرف ازاى فى الموضوع ده ولا امشى عليه لحد مايخلص

**أبومعاذ** · 27-06-2010 01:00 PM

اسف يا جماعة بس الموضوع مليان كلام غلط و فتي من بعض الناس
البنزين 80 فعلا مرتبط بنسبة الانضغاط ودي بالنسبة لموتور ال f3 قيمتها 9.5 يعني زي النوبيرا مثلا ودا معناه إن ممكن تحط بنزين 80 من غير مشكلة بس المشكلة إن أغلب البنزينات اللي بتبيع ال 80 بيبقى التنك عندها مش نضيف وفيه شوائب وهي دي المشكلة الحقيقية إن الشوائب دي ممكن تسبب مشاكل في دورة البنزين عشان كدا لو حضرتك هتستخدم 80 يبقى هتحتاج تحط منظف رشاشات ومنظف دورة وقود كل 5000كم ودا تمنه يتراوح من 15-30ج حسب النوع وبلد الصنع

**ozama22** · 27-06-2010 01:56 PM

ابعد عن ال80 لانة غير نظيف من التانكات في بعض المحطات مما يؤثر على سحب السيارة

**elmanahry** · 28-06-2010 11:22 PM

المشاركة الأصلية كتبت بواسطة ahasan

جزاكم الله خير ا يا جماعة

طيب اتخلص من البنزين ال 80 اللى فى التانك ازاى

انا مش عارف اتصرف ازاى فى الموضوع ده ولا امشى عليه لحد مايخلص

سيادتك امشى بالسيارة الى قرب نهاية التنك ثم املا نصف التنك بنزين 92 ثم ضع منظف all system cleaner ولونه فضى او اشترى المنظف الخاص لمواتير الميتسوبيشى من شركة الرواس وده افضل ثم كمل باقى التنك الى الاخر بنزين 92 واذا كان المصنع اوصى باستعمال بنزين اوكتان 93 مثلما قال استاذنا sv065 ومكتوب على غطاء التنك يبقى لازم ننفذ المكتوب لانهم ادرى فى البلاد المتقدمة لايوجد حتى بنزين 95 بل يستعملون بنزين 98 واخر 105 ونحن نتكلم عن البنزين ال 80 كانت عندى لانوس وكنت اضع بها بنزين 92 لانى شعرت بالفرق فى السحب ونعومة الموتور بين البنزين ال92 وليس ال 80 بل ال90