امبارح كنت باركن في شارع جانبي ضيق بضهري عالجنب اليمين

كسرت يمين جامد و انا راجع و طااااااااااااااااااااخ

رزعت الجنب الشمال في عربية راكنة عالشمال .......

الخسائر عنده: حكة بسيطة ...... و نزلت دورت عليه و لقيته و اتحايلت عليه اصلحهاله بس واضح ان الذوق ليه مفعول السحر

الخسائر عندي: الرفرف اتخلع و الاكصدام اتخلع و خرج لبرة و نص الشبكة (الشبكة عندي نصين منفصلين) اتنطر ...... بصراحة انقبضت و اكتأبت

كلمت الجنرال على طول و رحت له

بعد المعاينة الدقيقة

الرفرف اتخلع من مسمار و كليبسة ..... بس و لا الدهان اتضرر (ألف حمد ليك يا رب) و لا الرفرف اتتنى ...... و ده طبعا لانه فيبر الخبطة كانت على عزم عالي عالمرشدير و خبطات اقل منها في عربيات تانية شخرمت الرفرف ......

الاكصدام فيه قنطرة دعم صغيرة متغطية تحت الشبكة اتقطمت

فكينا الاكصدام و طلع معايا الجنرال بنفسه لورشة لحام الفيبر

الراجل بتاع الفيبر ايده تتلف في حرير

رجعه زيرو ...... و اللحام متداري ورا الشبكة و حتى لو ماكانش متداري كان هيبان كانه خربوش صغير

ركبنا الاكصدام و رجلشنا الرفرف مكانه .......و الحياة حلوة و لوز العنب

و الشغلانة رسيت على كلام فاضي و الله الراجل ده كفاية وقفته معانا و كفاية ثقتنا فيه و في نضافة شغله ...... و الله العظيم ملاليييييييييييييييييم و ربنا يشهد على كلامي .......

و اللي يشوف العربية مستحيل يقول فيها حاجة .......

بجد شكرا رينو .... الرفارف الفيبر بجد ممتازة ....... و للاسف اللي مش فاهمين فاكرينه عيب ......

و شكرا للجنرال وحش وحوش الرينوهاوية