الموضوع: سعر موتور الفابيا ال 1400 سى سى

عايز اعرف هوا ينفع يتغير موتور الفابيا ال 1200 بواحد تانى 1400 سى سى وده فى حالة ان يكون ال 1200 فيه مشاكل فعلا زى ما الناس بتقول.

ولو ده ينفع الموضوع ده يتكلف كام؟؟؟؟؟؟؟؟؟؟

بص نصيحتى بلاش و ده عشان الموتورين ملعبكين جداً و انت مش هتشترى موتور بس انت تقريباً هتشترى نص كامل عشان الكنترول و متهيألى الفتيس كمان هيكون عايز يتغير و لحد دلوقتى انا مشفتش ميكانيكى فاهم بجد فى مواتير الفابيا عشان يصلحها فما بالك بتغييرها.

حضرتك جرب تسوق واحدة 1400 عشان انا بصراحة عن تجربة سواقةالاتنين الفرق فى المواتير مش جبار ، يعنى الفرق بيبان فى الجرى و مع تشغيل التكييف بس جوه البلد محستش بفرق يذكر و نفس الحال بالنسبة للسحب.

انا و الله مش قصدى احبطك ، و الأجابة على سؤال حضرتك هوا أيوه عشان المفروض الاتنين نفس الشاسيه و نفس حوض الموتور فنظرياً الموتور ده ممكن ييجى هنا، عليك بقه و على الحرفيين هتلاقى فيها كل حاجة بس انت محتاج ميكانيكى شاطر و حاول مع بتوع الألمانى و بالذات البولو و الجولف عشان قريبين من الفابيا

بس ممكن سؤال : ليه لو انت ناوى تسقط موتور متجبش موتور يستاهل المجهود ، مثلاً موتور البولو الخليجى ال1600 ؟؟؟.