يا عشاق الميجان Check gearbox طلعتلي النهاردة

**ahmedtr9989** · 21-12-2010 11:49 AM

و أنا ماشي في أمان الله الصبح ...فجأه العربية كتبت Check gearbox و سحب العربية أصبح قليل ....بس rpm تقريباً متغيرش هو أقل من 1 أو عند واحد تقريبأً ..... يا ترى دي ممكن تكون مشكلة كويﻻت و ﻻ إيه .....

**pioneerahmed** · 21-12-2010 12:18 PM

فى حاجات كتير اوى ممكن تجيب الرساله دى ممكن الاية بى اس و ممكن كويلات و ممكن سولونويد فتيس و ممكن زيت فتيس

هو انت لو بطلت و دورت تانى بتظهر بردو؟

**ahmedtr9989** · 21-12-2010 02:15 PM

ﻻ مظهرتش تاني .... يعني أنا بطلتها و دورتها تاني لمدة دقيقتين مظهرتش تاني

**ahmedtr9989** · 21-12-2010 02:16 PM

المشاركة الأصلية كتبت بواسطة ahmedtr9989

ﻻ مظهرتش تاني .... يعني أنا بطلتها و دورتها تاني لمدة دقيقتين مظهرتش تاني

ﻻ مظهرتش تاني .... يعني أنا بطلتها و دورتها تاني لمدة دقيقتين مظهرتش تاني
الموضوع مدايقني قوي .....شكراً على ردك

**ecybrarian** · 21-12-2010 05:15 PM

اكشف على الكويلات الأول..معلش هل كان في خبطة قبل ما الرسالة تطلع

**ahmedtr9989** · 21-12-2010 05:56 PM

المشاركة الأصلية كتبت بواسطة ecybrarian

اكشف على الكويلات الأول..معلش هل كان في خبطة قبل ما الرسالة تطلع

مفيش خبطة ..... هو بس من شهرين و نص و أنا بشتري العربية االتوكيل قال لي إن في 2 كويل عاوزين يتغيروا و أنا طنشت ..... فهل دا ممكن يكون السبب ..... بس إلي أعرفه إن الكويل ﻻزيم يكون في رجرجة شوية بالعربية و الrpm بيكون مش مظبوط ....
فيا ريت يكون ليك رأي في كده ؟؟؟؟

**ecybrarian** · 21-12-2010 07:48 PM

رجرجة لما يكون بوظان الكويل في اوله..بص حضرتك تطور الاحداث: لو استنيت على البوجيهات ها تضرب كويل او اكثر..ولو استنيت على الكويل بيعمل check gearbox ولو استنيت اكتر هاتطلع معاه check injection ولو استنيت كمان هايبوظ حساس كامة..

على فكرة انا باقول غالبا هايطلع كويل بس في احتمال ضعيف يطلع حاجة تانية...

**SHERIF2009BHIT** · 21-12-2010 10:38 PM

بتحصل معايا الصبح لو مسخنتش السيارة كويس لان الزيت بيكون بارد قصدى زيت الفتيس واللزوجة بتكون عالية مضخة الزيت بتكون مش قادرة على العمل بكفاءة نظرا للزوجة الزيت العالية واكيد حضرتك كان مؤشر الحرارة لسة متخفض
درجة الحرارة بتكون الصبح منحفضة والزيت بارد والموتور بارد لذلك من الافضل تسخين السيارة من 10-15 دقيقة فى الشتاء انا بعمل كدة الان
ولو مشيت بدون التسخين المناسب وظهرت رسالة check gear اركن على جنب وسيب السيارة تسخن من 2-3 دقائق وبعد كدة اطفى المحرك وشغل تانى علشان تعمل reset وسوف تختفى الرسالة
ودية تجربتى الشخصية

**Mohd_Adel_Amin** · 22-12-2010 10:25 AM

المشاركة الأصلية كتبت بواسطة sherif2009bhit

بتحصل معايا الصبح لو مسخنتش السيارة كويس لان الزيت بيكون بارد قصدى زيت الفتيس واللزوجة بتكون عالية مضخة الزيت بتكون مش قادرة على العمل بكفاءة نظرا للزوجة الزيت العالية واكيد حضرتك كان مؤشر الحرارة لسة متخفض
درجة الحرارة بتكون الصبح منحفضة والزيت بارد والموتور بارد لذلك من الافضل تسخين السيارة من 10-15 دقيقة فى الشتاء انا بعمل كدة الان
ولو مشيت بدون التسخين المناسب وظهرت رسالة check gear اركن على جنب وسيب السيارة تسخن من 2-3 دقائق وبعد كدة اطفى المحرك وشغل تانى علشان تعمل reset وسوف تختفى الرسالة
ودية تجربتى الشخصية

اعتقد ان تفسير حضرتك يكون مضبوط لو السولونايد هو اللي فيه مشكلة , والتوكيل بيحلها بتغيير السولونايد في الضمان .

**ahmedtr9989** · 24-12-2010 01:57 AM

المشاركة الأصلية كتبت بواسطة mohd_adel_amin

اعتقد ان تفسير حضرتك يكون مضبوط لو السولونايد هو اللي فيه مشكلة , والتوكيل بيحلها بتغيير السولونايد في الضمان .

ربنا يخليكوا ليا يا جماعة .... أنا كلمت أحمد عبد المقصود و أيمن مومو و هما الإتنين إنه إحتماااال كبير يكون السولونويد عاوز يتغير و أيمن مومو كتر خيره قالي إفضل ماشي بيه كده لغاية متسمع الهبده لأنك لو رحت التوكيل دلوقتي محدش هيعملك حاجه لأن الرساله إختفت ...... وفعلاً أنا كنت معدي بالصدفه جنب الميكانيكيون العرب و الراجل قعد يجرب شوية حجات بس مركبهاش على الجهاز و قالي مش هقدر أعملك حاجه و العربية زي الفل ...و قالي مومو كمان لو العربية لسه في الضمان إعملها في التوكيل أهو أحسن من عنيهم ولو بره الضمان و عملتها برضوا في التوكيل هتتكلف تقريباً في حدود 1700 جنيه و قالي لو حبيت تعملها برة هتتكلف تقريباً في حدود 600 جنيه ....
بصراحة أيمن مومو و عبد المقصود و أحمد بايونير الناس دي مش عارف أودي جمايلهم فييييييين و أنا الصيانة الجاية فضلها تقريباً 2000 كيلوا و إحتمال أغير فيهم الكويلين إلي المفروض أغيرهم من زمان ....
طولت عليكم معلش ...بس حبيت أقولوكم على وحوش و عشاق الميجان
و على فكرة أنا سافرت من القاهرة للمنصورة يوم الثلاثاء و العربية كانت أصيلة معايا .... وربنا يستر

الموضوع: يا عشاق الميجان Check gearbox طلعتلي النهاردة

LinkBack

أدوات الموضوع

عرض

-

-

-

-

المواضيع المتشابهه

Check Gearbox

مش عارف ايه النحس ده check injections and check gearbox

Check Injection + Check gearbox في نفس الوقت

Check Gearbox!!!!!!

check gearbox

الكلمات الدلالية لهذا الموضوع

المفضلات

المفضلات

ضوابط المشاركة