الموضوع: ليــــــــــه أوبل فيكـتـــــــــــرا ؟؟؟

ليــــــــــــه أوبل فيكترا

لما تكون عاوز عربية تفي بكل احتياجاتك

سواء أنت شاب أو لديك أسرة أو كبير سنا نوعا ما و تهنم بالفخامة في سيارتك

الموضوع عن فيكترا عموما و فيكترا B خصوصا نظرا لتجربتي الشخصية معها

ملحوظة : أنا مش بقول أن مفيش عربية اتعملت صح الا الفيكترا و ان مفيش عربية في الدنيا غيرها ... بس لعل و عسي يكون الموضوع هايفيد الناس اللي عاوزة معلومات عن العربية في ادائها و كمالياتها عشان تقرر تجيب ايه....و طبعا ده من تجاربي و إستفادتي من العصابة طبعا
و للتذكرة الألماني عموما لو أهنته هايهينك و بالتعية برده لو اشتريت عربية من واحد و كان بيهينها هاتتطلع عينك انت...زيه زي أي عربية في الدنيا...

بمعني أن مشيك بالعربية حلو و إيدك فيها من سيرفيس كل فترة معينة...الخ , هاتحس انك راكب عربية موديل السنة...و العربية دي بتخليك تلغي من دماغك فكرة ( فابركة بره و جوه ) و أن صاح العربية سليم....بتخليه مش من أولوياتك و انت بتختارها لأن أساسيتها التانية لازم تكون سليمة جدااااا عشان تركبها و تنساها تماما

ندخل في الموضوع

أوبل فيكترا سياره الماني بمميزات الثبات المعروفه للألماني حتي مع تقفيل العداد و الحجم الواسع و التقفيل الرائع الذي يحقق مقولة السهل الممتنع , بحيث أن إضافاتها و أنظمتها متقدمة تجاري السيارات الحديثة و في نفس الوقت تستطيع أن تحل مشاكلها بنفسك إذا لزم الأمر حيث يمكنك التعرف علي أكواد الأعطال بنفسك أحيانا....

قطع الغيار غاليه نسبيا مع بقية السيارات الشعبية في مصر (ده اذا مكنتش زي النوبيرا و اللانسر في بعض قطع الغيار) لكنها معمره في نفس الوقت و بتحتاج صيانه من متخصصين في الاول و في الأخر لأن مش اي حد يلعب فيها لأنها محتاجة حد بيفهم مش مجرد ايده فيها و بس...و قطع الغيار كمجمل تعتبر أنــها أرخص قطع غيار في الألماني كله بجميع فئاته


تميزت بسرعتها و بدفعها الأمامي المميز جداً , كما القوة كان لها حيز كبير من ميزاتها و مقاومتها لعوامل الطبيعة و هذا سر من اسرار نجاحها لتصميمها الرائع و انسيابيتها.


مواصفات السيارة :

في موديلات فيكترا B و A

2000 الموتور الأبيض(( 115 حصان))
1600 الموتور الاسود (( 75 حصان ))
2000 الموتور الاسود (( 100 حصان ))
1600 الايكوتك(( 110حصان))
2000 الايكوتك(( 137حصان)) ... 16 صمام 2 كامة انجكشن (( و هو كبيرهم من حيث النعومة في القيادة و قلة إستهلاك البنزين نسبيا نظرا لأنه 2000 سي سي ))

و يحب بعض ملاك الفيكترا B تسقيط اخر موتور ده لقوة أداءه ....احساس رائع في القيادة يعني لما تبقي ماشي 230 و حاسس انك لسه بتقوم بالعربية و بتقوللك وريني أخرك !!!
عداد سرعة القصوى 260 كم/س

التسارع جيد وكذلك تحقيق سرعة عالية ممكنة مع الثبات... أنا شخصياً جربتها حتى 254 كم / الساعة

....*و للناس اللي بتقول العربية بتاكل بنزين جامد....أي عربية مش مظبوطة هاتعمل كدا معاك....من 128 لحد الفيراري...و سخونة العربية دي ليها حلول أكيد بسيطة و سهلة جدا و الأخوة الأفاضل ناقشوها في المنتدي قبل كدا...و أنا شخصيا عربيتي عمرها ما بتعدي الــ90 مهما حرقت عليها.....و علي فكرة عندي لما بشغل التكييف العربية بتبرد مش بتسخن لأن مروحتين بيشتغلوا و بيبردوا الموتور و بيبقي الحرارة ع الربع كدا الحمد لله يعني :)

الفتيس :

يوجد منها أوتوماتيك و مانيوال و في الحديثة نزل ايزي ترونيك....

اوتوماتك 5 سرعات به خاصية
نظام القياده الرياضى (Sport mode)
نظام القياده على ارض زلقة (mode *)

مواصفات أخري :

السيارة مصفحة من الأسفل

وجود فرامل ABS

نظام اتزان الكتروني TC مانع للإنزلاق

جنط 15" بوصة

لزيادة الامان في السيارة تم تدعيم السيارة بوسائد هوائية للسائق والراكب الأمامي

تكييف – باور - سنتر

حاملات أكواب

زجاج كهربا اوتوماتك ( يفتح او يقفل بلمسه وحده ) بخاصيه التوقف لو اعترضه اى شئ– وحده رفع مع السنتر

مرايات كهربا وضم كهربا مع السنتر او من الزرار الداخلى بها سخانات لازاله الشبورة تعطيك شكل انسيابي رائع لجسم السيارة

فوانيس شابورة امامى وخلفى - امكانية التحكم فى ارتفاع النور الامامى ب5 مستويات من الداخل

التحكم في درجة إضاءة نور عدادات التابلوه

كرسى السائق يمكن تحريكه فى 6 اتجاهات مع التحكم فى درجة انحناء منتصف الظهر

مفتاح مشفر بريموت - deadlock يمنع فتح السياره حتى من الداخل الا بمفتاحها الاصلى او الريموت

عند قفل لمبة الصالون لا تنطفئ ألا عند وضع المفتاح في الكونتاكت

وجود الشاشة في التابلوة التي توضح درجة الحرارة الخارجية والوقت و عدادات الحرارة والبنزين موضحة بتدريج بأرقام و كمبيوتر رحلات و معدل استهلاك البنزين و المتبقي لتقطعه من المسافة بالكيلومتر حسب دوستك للبنزين

مستوى الراحة داخل الصالون جيدة جدا خصوصاً الكراسي الأمامية والمسافة بين الكنبة الخلفية والكراسي الأمامية واسعة والكنبة الخلفية واسعة ، الشنطة واسعة جداً والكنبة قابلة للطي

طارة متحركة يعني تظبطها علي قعدتك و كرسى السائق يمكن تحريكه فى 6 اتجاهات مع التحكم فى درجة انحناء منتصف الظهر

كاسيت باناسونك اوبل أصلي الصوت بيرتفع مع زياده السرعة , كمان تقدر تتحكم في الكاسيت بالطارة متعددة الوظائف لمنع انشغالك بالطريق مزود بــ 4 سماعات يعطي صوت رائع

مخدع امامى للسائق لراحة اليد أثناء القيادة لمسافات طويلة

حافظة كبيرة واسعة في سقف السيارة بعد مراية المنتصف

تابلوه أبانوس يعطي مظهر رائع و فخم لصالون السيارة من الداخل

الأكصدام الخلفي يوجد في منتصفه قطعة فل أو فوم كبيرة للحماية من الصدمات.

و أخيرا إستهلاك البنزبن اللي بيعمل إشاعات كتير و يبعد الناس عن العربية دي
أستهلاك البنزين حوالي 8 لتر / 100 كم وهو يعتبر عالي بنسبة بسيطة عن الموتير 1600 الأحدث خصوصاً معظم المسافات
على الطريق السريع بسرعة ما بين 80 - 120 كم / ساعة.

و في السفر....انا شخصيا مسافر القاهرة اسكندرية قطعت 200 كيلو متر ب 12 لتر بنزين مع اني حرقت علي الغيارات جامد في اول 25 كيلو متر في الطريق و اتمسكت رادار بالسرعة المذكورة مسبقا....يعني معدل استهلاك في الصفيحة 480 كيلومتر في الصفيحة في طرق السفر !!!
هاتولي عربية عمتلها قبل كداااااا.....

و كــــل اللي أقدر أقوله للعربية دي بحبك يـــــــا Vecky


و


ما زلت متمسك بيكي يا فيكترا D:D:
و لسه مالية عينيا و شايفك اجمل عربية
في اي اشارة ابص من فوق لتحت
لأي حد حاول يشوف نفسه شوية
و اديله تفصيلتين و اقفله مراية العربية
و اديها الغيار و ازعله علي شبابه شوية

احيك ياباشا ع الموضوع دا عشان فعلا في ناس مش عارفه قيمه العربيه دي دا طبعا ف مصر انما بره مصر عربيه محترمه ....
اكيد طبعا صاج الاوبل مفيش بعده من بين كل العربيات المانيه