ليه الفيكترا بعد م بتتظبط بتتباااااااااااااع !!! - حاجة غريب

**the_chater** · 05-01-2011 02:02 AM

حاجة غريبة لاحظتها اوى و انا ببص على اسعار العربيات .. ساعات بحب اتابع الدنيا
بلاقى عربيات اوبل فيكترا كتييييير بجد متظبطة اوى اوى يعنى و بتتباع
تلاقى العربية فيها جنوط و زينون و dvd و سنور بارك و كاوتش جديد و بطارية جديدة
و 2000 سى سى اوتامتيك يعنى غالبا مسقطة موتور و فتيس
طب معنى كده ان الشخص اللى عمل كده كان قصدو يظبط عربيها و يشدها
و بعد كول ده يبعها ليه واحد يصرف و يظبط اوى فى عربية و يبعها
بجد انا استغربت و دى والله كتير و لو مش مصدقنى شوفو كونتكت و اسعار الاوبل فى النت

هستفاد اوى اوى من ارائكم فى الموضوع ده ,,,,
على فكرة لازم نضيف ان من مميزات الفكترا انها الكارنية علشان تبقى عضو فى احلى عصاااابة

**amraction** · 05-01-2011 03:34 AM

بتحصل ف عربيات كتير
مش الاوبل بس
ناس كتير يقول اصرف ع العربيه عشان اعرف ابيعها بسعرها بدل ما تقع منى اوى
والعربيات دى غااالبا بتكون اصلا حالتا تعبانه فحت.. او كانت تعبانه فحت ومكنش ينفع تتباع الا بالشويه دول
اللهم الا القليل طبعا اللى بتصدف انه مظبط العربيه بس عايز يبيعها لاى سبب كان..ودى بتبقا شئ كويس

**lancerevolution** · 05-01-2011 06:02 AM

أى عربية كدا و بالذات لو مع تاجر يجيب العربية يحطلها الحركات دى ممكن يضحك بيها على اى حد نظام بص على العصفورة

**kar!m** · 05-01-2011 08:12 AM

هقول لك بصراحة .. ده فراغ .. حد فاضى مش لاقى حاجة يعملها .. أو مالوش هدف أو خطة لحياتة فالعربية بقت كل محور اهتمامه فيقعد يضيع وقتة انه يسقط موتور و يغير عفشة و الحاجات دى و فى الاخر كده كده هيمشى يا فى صلاح سالم يا الاوتوستراد يا الدائرى .. هيستخدم بأه الحاجات دى امتى؟

شوية و يلاقى نفسه عمل كل حاجة فيبيع العربية و يجيب واحدة تانية و يبدأ الكرة من أول و جديد.

أنا مش معترض على الاهتمام بالعربية .. و انا شخصيا بهتم بعربيتى جدا .. بس كوسيلة مواصلات أصونها عشان تصونى .. انما فى ناس مزوداها أوى بصراحة.

**A.Lotfy** · 05-01-2011 08:24 AM

المشاركة الأصلية كتبت بواسطة kareemz

هقول لك بصراحة .. ده فراغ .. حد فاضى مش لاقى حاجة يعملها .. أو مالوش هدف أو خطة لحياتة فالعربية بقت كل محور اهتمامه فيقعد يضيع وقتة انه يسقط موتور و يغير عفشة و الحاجات دى و فى الاخر كده كده هيمشى يا فى صلاح سالم يا الاوتوستراد يا الدائرى .. هيستخدم بأه الحاجات دى امتى؟

شوية و يلاقى نفسه عمل كل حاجة فيبيع العربية و يجيب واحدة تانية و يبدأ الكرة من أول و جديد.

أنا مش معترض على الاهتمام بالعربية .. و انا شخصيا بهتم بعربيتى جدا .. بس كوسيلة مواصلات أصونها عشان تصونى .. انما فى ناس مزوداها أوى بصراحة.

الله ينور عليك

**محمد فريد** · 05-01-2011 08:31 AM

المشاركة الأصلية كتبت بواسطة kareemz

هقول لك بصراحة .. ده فراغ .. حد فاضى مش لاقى حاجة يعملها .. أو مالوش هدف أو خطة لحياتة فالعربية بقت كل محور اهتمامه فيقعد يضيع وقتة انه يسقط موتور و يغير عفشة و الحاجات دى و فى الاخر كده كده هيمشى يا فى صلاح سالم يا الاوتوستراد يا الدائرى .. هيستخدم بأه الحاجات دى امتى؟

شوية و يلاقى نفسه عمل كل حاجة فيبيع العربية و يجيب واحدة تانية و يبدأ الكرة من أول و جديد.

أنا مش معترض على الاهتمام بالعربية .. و انا شخصيا بهتم بعربيتى جدا .. بس كوسيلة مواصلات أصونها عشان تصونى .. انما فى ناس مزوداها أوى بصراحة.

ليه يا باشا الاحباط ده بس D:
انا معاك فعلا انه ده بيبقى شاب فاضى بس الملل بقى هنعمل ايه وفى القاهرة مفيش اماكن واسعه بس فى الاسماعيلية مثلا شوارع فاضية وفى السويس وبورسعيد وبلاد كتير
انا واحد من الناس بشتغل وبظبط فى عربيتى بس يوم الاجازة بالنسبالى بيبقى يوم جامد بصراحة (مخك ميروحش بعيد)