يا جماعه انا عايز اخد رأيكم في خصوص العفشه الرياضيه

**HotRide** · 22-02-2011 06:07 PM

السلام عليكم يا شباب

انا هدخل في الموضوع انا معروض عليا 4 مساعدين اسبور لعربيتي هوندا سيفيك 93
معروض عليا 3 انواع و كلهم ايستيراد
1- Koni yellow adjustable
2- KYB-G
3- GAB

انا عايز حد يكون بيفهم اوي فيهم ينصحني اختار ايه
و السعر المعروض 1000 جنيه للطقم هل ده سعر كويس ؟

**ahmedtunning** · 23-02-2011 07:17 AM

عن نفسي وراي الشخصي الكوني احسن عشان بتقدر تتحكم في كل حاجة فيها ارتفع العربية و غير كده معمره جدا عن تجربة الباقي معرفش عنه حاجة و ربنا يهديك ان شاء الله للنوع الاحسن

**Ahmed Selim** · 23-02-2011 08:37 AM

كونى طبعاً بدون تفكير كتير

أنا مجربهم أكتر من مرة و ممتازين..........بس تعمل حسابك على أن بعد التركيب العفشة هتبقى ناشفة معاك أكتر من العادى بشوية كويسين.

**Ahmed Selim** · 24-02-2011 08:06 AM

المشاركة الأصلية كتبت بواسطة hotride

شكرا جدا للردود...طيب هما ايستيراد ب1000 الطقم بسوسات هل ده سعر كويس ؟؟
و الايستيراد عادي ولا انا و حظي ؟؟
و ايه حكايه الكوني الاصفر و الكوني الاحمر ؟

طبعاً السعر كويس مش عالى لأنك لو عاوزهم جداد أعتقد سعرهم مش هيقل عن 3000 على اقل تقدير.

الأستيراد بيبقى انت و حظك بس معاك فترة معينة بعد التركيب بتتفق مع البائع أنهم لو فيهم مشكلة ترجعهم تانى ( عادة الفترة دى بتبقى من أسبوعين إلى شهر )

الكونى الأصفر يفرق عن الأحمر.......الأصفر أحسن شوية + فيه إمكانية أنك تعدل مستوى نشوفية العفشة........بمعنى أنك ممكن تظبطه على أقل حاجة و ساعتها هتلاقى العفشة طرية شوية و الثبات أقل شوية من الوضع التانى اللى هو أن العفشة تبقى ناشفة جداً و الثبات عالى جداً.

الأحمر مفيهوش إمكانية التعديل.

و خللى بالك تعديل النشوفية مش أى حد يعمله......لازم حد فاهم كونى كويس لأنك لو خليت مساعد أطرى أو أنشف من التانى هيأثر على الثبات و مع الوقت ممكن المساعد يبوظ.

حضرتك ساكن فين ؟

لو تعرف تروح النزهة الجديدة عند السندباد قولى و هبعتك لواحد فاهم كويس قوى هيقولك المساعدين كويسين و لا لأ و لو كويسين هيركبهم و يظبطهم كويس........بس هو غالى شوية عن العفشجى العادى.

و خللى بالك برضه أن السوست هتقلل إرتفاع العربية من 2 الى 3 سم تقريباً.

**magyver** · 25-02-2011 03:34 AM

الكوني وانت مغمض

**Ahmed Selim** · 25-02-2011 10:11 AM

المشاركة الأصلية كتبت بواسطة hotride

الف شكر يكبير بجد كلك ذوق :)
و انا من الهرم d:
بس اروح عادي :) و غالي انت برأيكب يركبلي و يظبطلي ال4 مساعدين بكام ؟

العفو يا باشا

أعتقد هيبقى فى حدود 200 الى 300 جم.....

و خللى بالك أن الراجل ده هو اللى بيركب كونى اللى الوكيل ( أرابكوم ) بيبيعهم

يعنى لو أنت شارى مساعدين كونى جديدة من أرابكوم بيبعتك عنده علشان تركب و يعتمد لك الضمان بتاع المساعدين.