الموضوع: دريكسيون الفلونس للأسف اتقشر

دى السياسة المعتمدة لخدمة العملاء من رينو و بتطبق بمستوى راق داخل السوق المصرى عن طريق التوكيل....
مع الوقت و المواظبة على تفعيل نفس السياسة...أكيد رينو هتكون سمعة جيدة فى السوق و تربى زبون

بمناسبة التقشير...كان فى الميجان ii ذراع الباب المثبت عليه زر رفع الزجاج هو إللى مشهور بالتقشير...و حصل معايا فى مرة كنت بأغير ماكينة حزام أمان فى الضمان و بملاحظة العين هما إللى قالوا لى على النقشير فى الذراع...فقلت لهم أيوة أنا شايفها بس يعنى أعمل إيه مش حاططها فى بالى...لاقيتهم جايبين ذراعين جداد و مغيرينهم بدون دفع أى مصاريف...

خسارة فعلا الماركات الكويسة إللى ماسك التوكيلات بتوعها ناس مفطسينها......
العيب على الشركة الأم...هى إللى بتدى التوكيل بدون تقصى جيد للسمعة و كمان الإهمال فى المتابعة...أو من ناحية تانية هو كده التوكيل بينفذ سياسة الشركة الأم فهما راضيين عن الأداء...و دى تبقى المصيبة

المشاركة الأصلية كتبت بواسطة mah_khourshid

السلام عليكم ورحمه الله وبركاته

في البدايه احب اذكر حكايه احد اقاربي الذي يملك ميجان( 3) 2010 وبعد ماستلمها ب 5 اشهر طاره السواق (الدركسيون) بدأ يتقشر والتقشير يزيد يوم بعد يوم (حاجه غريبه جدا) وبعد نصيحتي له ذهب للتوكيل وسئله اسئله بعد المعاينه منها هل يستعمل مواد تنظيف او بيرش مواد معطره عليه او يتركها في الشمس لمدد طويله طبعا كانت الاجابه (لا) لكل الاسئله وعشان هما توكيل محترم وعدوه انهم هيجيبوله طاره بال DHL وبالفعل اتصلو به عشان يجي يستلم الطاره الجديده بالتركيب تبع الضمان ودي كانت تجربه قريبي ابن خالي .
ده العادى من توكيل رينو حتى فى العربيات الإقل فئه اى عربيه عندهم بتتعامل نفس المعامله


اما تجربتي مع الفلونس حبيبتي بعد 10 شهور من الاستعمال الممتاز الكان بيزود اعجابي و حبي لها يوم بعد يوم مع الوضع في الاعتبار ان مفيش حلاوه من غير نار (الكمال لله وحده لا شريك له) بدأ نفس الموضع الحصل لابن خالي وهو بدايه تقشير من ناحيه الشمال بجانب المالتي فانكشن بتاعت الcruse control ....... هو بدأ التقسير يوم 2011\03\23 الاربعاء ... اتصلت بالتوكيل والرد كان في منتهي الاحترام كالعاده وقالت لي لازم اذهب للتوكيل للكشف عشان لو موجوده قطعه مماثله يتم تركيبها او طلبها بالDHL وقالتلي كمان اني ليه exception اجي في اي وقت يتم تحديده (منتهي الاحترام) اد ما كنت مضايق حسيت اني احسنت اختيار الماركه الصحيحه بالتوكيل الصحيح
ياجماعه انصح كل الناس الراكبه فلونس او ميجان 3 يجيبو ال cover بتاع الدريكسيون عشان يحافظو عليه انا من الناس المبيحبوش ال cover بس لو التوكيل طلع صادق في كلامه وعمل زي معمل مع ابن خالي وغير الدريكسيون بتاع الفلونس اول حاجه ان شاء الله هعملها هاشتري cover مناسب للفلونس

اسف للجميع علي الاطاله وارجو انكم تكونو استفتم من تجربتي
ان شاء الله تتغير فى الضمان

محمود خورشيد

المشاركة الأصلية كتبت بواسطة magedfahmy2010

أنا فعلا غلطت غلطة عمرى لما أشريت punto evo بالرغم من شدة حبى ليها ...... كان هايحصل أية لو أستنيت شوية وجبت فلوانس أو حتى لوجان بس كنت هاتعامل مع توكيل محترم زى رينو الكل بيشكر فية بدل من أوماترا اللى لما تيجى سيرتة أدام حد لازم يسب ويلعن ..... يا جماعة محدش يشترى عربية الا لما يتأكد أن توكيلها محترم و نصيحة أخيرة
الى كل شخص مقدم على شراء سيارة جديدة ... لا تتعامل مع توكيل أوماترا التوكيل فية سم قاتل

مغلطش و لا حاجه يا باشا
استمتع بعربيتك عربيتك ماشاء الله محترمه
فى ناس توكيل رينو مش عاجبها