الموضوع: عودة الوحش: شوية أسئلة فى موديل 2007

المشاركة الأصلية كتبت بواسطة Ahmed A.Maksoud

السلام عليكم يا وحوش

أنا جبت عربية ميجان 2.0 موديل 2007 أمبارح ( الكلام ده فى الإمارات )

و عليكم السلام و رحمة الله و بركاته يا أحمد بيه يا كبير

و مبروك عليك العربية


دلوقتى أنا عاوز أسأل شوية أسئلة......ممكن أكون ناسى علشان بقالى أكتر من سنة مركبتش ميجان + أن فيه بعض الحاجات معرفهاش بحكم أن العربية 2007 بانوراما و العربية اللى كانت معايا فى مصر مكنش فيها تكييف تاتش و لا فتحة.

1- زرار تدوير الهواء فى التكييف......لو مشغله و قفلت التكييف و بطلت العربية هل لازم أشغله تانى ؟

لأ مش لازم طالما قفلت التكييف و هو على وضع "أتو" .

2- دراع المساحات عند أول تكة بيشتغل مرة واحدة بس و مش بيشتغل تانى حتى مع ظبط حساس المطر على أعلى حساسية للمطر.......التكة اللى بعده بتشتغل عادى......تفتكروا ده ليه ؟

لإن دا وضع "أوتو" .


3- أنا متعود كل لما أفول أصفر عداد الكيلو متر علشان أعرف العربية مشيت أد أيه......كنت بصفره عن طريق الأبرة اللى فى التابلوه.....و دى مش موجوده فى 2007....طيب بيتصفر أزاى؟

من دراع المساحات ، إضغط على الزرار الجانبي لغاية قراية المسافة و إستمر في الضغط لكل قراية مسافة .


4- السماعات الأمامية مقاس كام ؟
5- فتحة السقف بتعمل صوت هواء على السرعات العالية.....فوق ال 130 تقريباً.....دى حلها أيه ؟
6- صوت اللوك بتاع الأبواب غريب شوية.....سواء لما بتعمل لوك بالريموت أو أول ما تبتدى العربية تتحرك.

ده ملف عليه الصوت....حد عنده تفسير ؟

ده اللى فاكره دلوقتى.....و لو أفتكرت حاجة تانى هقولها.

الجنرال الكبير............الله يكرمك يا جنرال و يبارك فيك و فى أولادك

طيب أنا عندى التكييف لو بطلته قبل ما أقفل العربية و جيت تانى دورت العربية لازم أشغل تدوير الهواء تانى.........تعرف دى من أيه يا باشا ؟

يا ريت لو متعرفش تسألى حبايبك و أولهم بشطر :)

المشاركة الأصلية كتبت بواسطة ecybrarian

يا نهاااااار الزعيم بنفسه بيسأل على حاجات في ميجان..لا حول ولا قوة إلا بالله ..الثورة دي بينت حاجات كتير كانت مستخبية :-)))

شوفت بقى يا هندسة...... :)

معلش أنا العربية اللى كانت معايا فى مصر كانت تكييف منافلة و مفيهاش فتحة سقف :)

المشاركة الأصلية كتبت بواسطة momo10000

مبروووووووووووووووك يا عم ... وربنا يكفيك شرها


4- السماعات الأمامية مقاس كام ؟ 13 سم
5- فتحة السقف بتعمل صوت هواء على السرعات العالية.....فوق ال 130 تقريباً.....دى حلها أيه ؟ مفيش حل .. دا الطبيعي بتاع البانوراما
6- صوت اللوك بتاع الأبواب غريب شوية.....سواء لما بتعمل لوك بالريموت أو أول ما تبتدى العربية تتحرك. ماكنه السنتر عايزة تتظبط

معلش يا h ..... حكم السن برضه .... الوحش شاخ وكبر

براحتك يا عم أيمن......قسم براحتك

ما أنت لقيت مصدر تانى لقطع الغيار و بتتأمر عليا دلوقتى.....ماشى

طيب أيه نوع التظبيط بالظبط........و مكنة السنتر فين علشان أنا مليش اى تجارب معاها قبل كده.

و هل القصة سهلة و لا لأ......علشان هنا....انت عارف.... هنود....يعنى لو فى لف و دوران يبقى أعملها فى التوكيل و خلاص.

المشاركة الأصلية كتبت بواسطة د.أحمد عبد الرحمن

الف مبروك يا باشا

لو جبت لوجان انا تحت امرك

فى الخطة الخمسية الجاية إن شاء الله يا دكترة :)

أنت مش عاوز فتيس لوجان أوتو من هنا ؟؟؟