بفكر في مازدا 3 موديل 2009 و عندي شوية أسئلة..

**Raul_7** · 14-07-2012 10:47 PM

السلام عليكم يا أهل مازدا.

استكمالا لموضوعي في قسم المقارنات و باختصار, عايزين عربية للبيت مستعملة في حدود ال 100 الف جنيه, من ضمن الاختيارات كانت مازدا 3 موديل 2009 عشان أنا عجباني من زمان.

المهم انهاردة قابلت واحد معاه واحدة 2009 ايرو ماشية 34 الف فابريكة برة و جوة و بصراحة حالتها ممتازة و هو من الواضح انه مهتم بيها جداً.

الفكرة بقي ان سعرها 120 الف فأنا مش عارف ده سعر معقول بالنسبة ليها ولا مبالغ فيه؟ أنا شفت واحدة امبارح 2008 ماشية 34 الف و صاحبها عايز 92 الف نهائي, بس شتان الفرق ما بين العربيتين.

تاني سؤال, ايه أخبار قطع الغيار و صيانة العربية عامة؟ هل هحتاج التوكيل ولا في ورش بتشتغل في العربية عادي باحترافية؟ أصل فيه ناس بتقول العربية مش محتاجة توكيل و انها نادرة الأعطال و كلام كده.

تالت سؤال, هل التوكيل لسة مع غبور ولا غبور ساب مازدا فعلاً؟

رابع سؤال, في أي عيوب شائعة في العربية؟

خامس سؤال, هل تنصحوا اني أجيب العربية سواء اللي قلت عليها أو غيرها لو كانت حالتها نظيفة؟

و شكرا جزيلاً.

**MohammedAladel** · 15-07-2012 01:03 AM

نصيحة منى ليك هات زيرو لانسر شارك فى التخفيض اول فئة ب 124 ألف بدل 140 ألف والعرض دا لفترة محدودة واسمك راكب عربية زيرو لا تقولى كشف ولا عطل وكفاية إنك بعدت عن توكيل غبور اللى ماشفتش واحد شكر فيه والأولى سعرها غالى 3 سنين استعمال يا راجل

**Mohab.Nabil** · 15-07-2012 01:31 AM

120 الف كتير اوى بصراحة على عربية مستعملة مش كسر زيرو حتى

دول تقريبا يجيبوا كيا ريو هاى لاين و زيرو و عربية محترمة و نفس وسع المازدا تقريبا

**Raul_7** · 15-07-2012 02:06 AM

أنا بقول السعر عالي برضو, بس تفتكروا كام السعر المناسب للعربية؟

و اللانسر شارك مستبعدة نظرا لهيكلها الكبير (أختي اللي هتسوق العربية بعد كده).

و الريو حلوة بس تعتبر هاتش باك صغيرة شوية, و السيدان شكلها وحش.

**ahmedshaker** · 15-07-2012 05:43 AM

اولا بالنسبة للسعر ده اللي بتحددو حاله العربيه اولا وامكنياتك ثانيا بمعني انت ناوي تشتري ف حدود كام بالظبط وبالنسبة للسعر يعني لو حاله شاذة وايرو اعلي فئة باصمه وما فيهاش اي ملحوظة بمعني الكلمه تساوي فعلا السعر ده لانو الموديل ده محترم جدا عن الموديلات اللي قبلو بس حاول تفاصل برضو وانت وشطرتك .انا معايا اختها بس عداد 47000كيلو وحاله زي اللي بتقول عليها جبتها 116000من حوالي 8 شهور مع انو ف ناس كتير قالتلي غالية بس للاسف ما حدش جبلي الرخيصة وبالحاله اللي انا عايزها
تاني حاجه بالنسبة للتوكيل بصراحه ما جربتهوش انا بتعامل مع المهندس احمد العالمية ف الحرفيين راجل محترم جدا وقطع غيارها متوفرة جدا واسعارها مقبولة لعربية بامكنيتها يعني موضوع الصيانه امرو بسيط مش صعب
ثالثا التوكيل لسه مع غبور بس للامانه ما اتعملتش معاه قبل كده زي ما قلت
رابع حاجه عيوبها ف ناس بتشتكي من التوكيل وفي مواضيع ف المنتدي بتتكلم عن المزايا والعيوب اكيد هتستفيد منها اكتر
خامس حاجه انت اللي تقدر تقرر ايه اللي ينفع معاك يعني لازم تشوف انت اوكي قررت انك تركب ماذدا تشوف عربيه واتنين وتلاته اهم حاجه تركب عربية عداد قليل وفبريقة بالكامل ومن غير توكيلات من المالك مباشرة وتستخير ربنا فيها وتكشف عليها كويس وعموما الماذدا عربية محترمه جدا بالمقارنه لفئتها وما تستعجلش في الشراء خد الموضوع بتئني وربنا يوفقك ان شاء الله وارجو انك تكون استفد من مشركتي

**MohammedAladel** · 15-07-2012 10:07 AM

طيب يا باشا هتروح بعيد ليه طالما إنت غاوى مازدا برغم إنى شايف إن امكانياتها أقل من شارك ولسة منزلوش الشكل الجديد يبقى هات مازدا جديدة أول فئة ب 127 ألف وريح دماغك كفاية الضمان :)

**eng.m7md.ali** · 15-07-2012 01:36 PM

متابع .. بدور على واحدة 2007

**Raul_7** · 15-07-2012 01:49 PM

المشاركة الأصلية كتبت بواسطة ahmedshaker

اولا بالنسبة للسعر ده اللي بتحددو حاله العربيه اولا وامكنياتك ثانيا بمعني انت ناوي تشتري ف حدود كام بالظبط وبالنسبة للسعر يعني لو حاله شاذة وايرو اعلي فئة باصمه وما فيهاش اي ملحوظة بمعني الكلمه تساوي فعلا السعر ده لانو الموديل ده محترم جدا عن الموديلات اللي قبلو بس حاول تفاصل برضو وانت وشطرتك .انا معايا اختها بس عداد 47000كيلو وحاله زي اللي بتقول عليها جبتها 116000من حوالي 8 شهور مع انو ف ناس كتير قالتلي غالية بس للاسف ما حدش جبلي الرخيصة وبالحاله اللي انا عايزها
تاني حاجه بالنسبة للتوكيل بصراحه ما جربتهوش انا بتعامل مع المهندس احمد العالمية ف الحرفيين راجل محترم جدا وقطع غيارها متوفرة جدا واسعارها مقبولة لعربية بامكنيتها يعني موضوع الصيانه امرو بسيط مش صعب
ثالثا التوكيل لسه مع غبور بس للامانه ما اتعملتش معاه قبل كده زي ما قلت
رابع حاجه عيوبها ف ناس بتشتكي من التوكيل وفي مواضيع ف المنتدي بتتكلم عن المزايا والعيوب اكيد هتستفيد منها اكتر
خامس حاجه انت اللي تقدر تقرر ايه اللي ينفع معاك يعني لازم تشوف انت اوكي قررت انك تركب ماذدا تشوف عربيه واتنين وتلاته اهم حاجه تركب عربية عداد قليل وفبريقة بالكامل ومن غير توكيلات من المالك مباشرة وتستخير ربنا فيها وتكشف عليها كويس وعموما الماذدا عربية محترمه جدا بالمقارنه لفئتها وما تستعجلش في الشراء خد الموضوع بتئني وربنا يوفقك ان شاء الله وارجو انك تكون استفد من مشركتي

مشاركة هايلة, تسلم ايدك... انا كنت فاكر ان ملاك مازدا هجروا القسم. :)

المشاركة الأصلية كتبت بواسطة mohammedaladel

طيب يا باشا هتروح بعيد ليه طالما إنت غاوى مازدا برغم إنى شايف إن امكانياتها أقل من شارك ولسة منزلوش الشكل الجديد يبقى هات مازدا جديدة أول فئة ب 127 ألف وريح دماغك كفاية الضمان :)

المازدا الجديدة مش داخلة دماغي خالص بشكلها ده, أنا طول عمري عيني علي القديمة.

المشاركة الأصلية كتبت بواسطة eng f3lix

متابع .. بدور على واحدة 2007

يبقي كده احنا 2, بس اشمعني 2007؟

**eng.m7md.ali** · 15-07-2012 02:40 PM

كنت عايزها في حدود 70 - 75 الف :)

**Mohab.Nabil** · 15-07-2012 09:18 PM

المشاركة الأصلية كتبت بواسطة raul_7

أنا بقول السعر عالي برضو, بس تفتكروا كام السعر المناسب للعربية؟

و اللانسر شارك مستبعدة نظرا لهيكلها الكبير (أختي اللي هتسوق العربية بعد كده).

و الريو حلوة بس تعتبر هاتش باك صغيرة شوية, و السيدان شكلها وحش.

الريو الجديدة الهاتشباك وسعها من جوة تقريبا زى المازدا لأن المازدا اه سيدان بس ضيقة مش واسعة .. و الريو الهاى لاين فيها تقريبا كل اوبشنز الايرو و معاك ضمان 5 سنين تريح دماغك فيه .. طبعا المازدا كعربية افضل بس انا شايف ان مفيش الفرق الكبير بينهم اللى يخلينى اركب ديه مستعملة 3 سنين و اسيب الزيرو بكل مميزاته بنفس الثمن

المشاركة الأصلية كتبت بواسطة eng f3lix

كنت عايزها في حدود 70 - 75 الف :)

نصيحة بلاش فى العربيات ديه تجيب حاجة حالتها مش قد كده لأنك هتصرف عليها و هتقرفك و هتلاقى نفسك فى الاخر دافع كتير فيها .. فلو ملفيتش حالة كويسة ممكن تنزل بالكاتيجورى شوية فى مقابلك انك تريح دماغك

الموضوع: بفكر في مازدا 3 موديل 2009 و عندي شوية أسئلة..

LinkBack

أدوات الموضوع

عرض

بفكر في مازدا 3 موديل 2009 و عندي شوية أسئلة.. - انشر الموضوع فى :

-

-

-

-

-

-

المواضيع المتشابهه

لو سمحتو عندي شوية أسئلة بخصوص الزينون.

Evo ....شوية أسئلة

عودة الوحش: شوية أسئلة فى موديل 2007

طلب تسعير مازدا 3 موديل 2009

شوية أسئلة عن ال i-10

الكلمات الدلالية لهذا الموضوع

المفضلات

المفضلات

ضوابط المشاركة