عملتيها يا ميجى!

**meso76** · 27-05-2011 04:31 PM

فى مشاركة ليا من كام شهر فى موضوع لواحد كان عاوز يشترى ميجان وقلت انى مستغرب من الناس اللى بتقول ان العربية مشاكلها كتير وكتبت فيها ان العربية معايا بقالها مدة كبيرة وعملت بيها اكتر من 30 الف كيلو بدون اى مشاكل ... بس يظهر انى حسدت نفسى!!
امبارح (الخميس) حوالى الساعة 6 مساءا وانا راجع بيتى فجأه لمبة ال service نورت وطلعت لى رسالة check injection ، قلت ماشى اوديها التوكيل يوم السبت ونشوف ايه الموضوع ... بس للأسف ميجى مادتنيش فرصة وطلعتلى رسالة تانية (مش فاكرها بالنص) لكن معنا انى اجيب الفتيس على ال Park او ال Neutral والعربية بطلت ... لما جيت ادورها تانى بتعمل رجرجة جامدة اوى وال RPM بينزل لغاية لما تطفى تانى (وطبعا حاولت احركها مفيش سحب خالص) ... كلمت الميكانيكيون العرب بعتولى ونش شال العربية لغاية بكرة السبت يكشفوا عليها

يا ترى حد من الوحوش حصله الموضوع ده قبل كده؟؟ وياترى ممكن يكون ايه؟

وهل النمرة المختصرة للتوكيل مش بتشتغل بعد مواعيد العمل؟؟ انا كنت فاكر انها شغالة 24 ساعة وممكن يبعتولى حد يصلح العربية على الطريق! بس حاولت معاهم كتير محدش رد عليا.

**raouf** · 27-05-2011 04:38 PM

ممكن تكون فلتر بنزين او طرمبة بنزين
او حاجة سدت دورة البنزين من البنزبن النظيف اللى فى مصر
ان شاء الله الامر بسيط

**scraper2012** · 27-05-2011 05:41 PM

"كويل" مادام فيه رجرجه و الrpm بينزل و تبطل لما تدور العربية

ده أكيد كويل باظ و لازم تغيره,

نوع الفاليو ممتاز و تقريبا ً ب 300 جنيه

خلي أي كهربائي يكشف على أنه واحد إللي بايظ من الأربعة و الموضوع بسيط ومش محتاجه توكيل و مصاريف عالفاضي و المليان !

إن شاء الله خير

**meso76** · 27-05-2011 06:19 PM

المشاركة الأصلية كتبت بواسطة scraper2012

"كويل" مادام فيه رجرجه و الrpm بينزل و تبطل لما تدور العربية

ده أكيد كويل باظ و لازم تغيره,

نوع الفاليو ممتاز و تقريبا ً ب 300 جنيه

خلي أي كهربائي يكشف على أنه واحد إللي بايظ من الأربعة و الموضوع بسيط ومش محتاجه توكيل و مصاريف عالفاضي و المليان !

إن شاء الله خير

شكرا يا باشا ... بس لو "كويل" واحد باظ من الأربعة معقولة يخلى العربية ماتدورش خالص!!! الا اذا حظى ان اكتر من واحد باظوا مع بعض

**meso76** · 27-05-2011 06:51 PM

المشاركة الأصلية كتبت بواسطة raouf

ممكن تكون فلتر بنزين او طرمبة بنزين
او حاجة سدت دورة البنزين من البنزبن النظيف اللى فى مصر
ان شاء الله الامر بسيط

فلتر البنزين اعتقد ان تأثيره بيكون بالتدريج مش فجأه كده وطرمبة البنزين حسب معلوماتى مش بتخلى العربية تدور أصلا ... لكن انا بتدور وبعدين تطفى

**yalahwy2010** · 27-05-2011 07:19 PM

أعتقد حساس السرعة بايظ
انا كان عندى 3 كويلات مهيسين وكانت بتدور وماشية بس بتقطع جامد

**Ahmed Selim** · 28-05-2011 12:01 AM

المشاركة الأصلية كتبت بواسطة yalahwy2010

أعتقد حساس السرعة بايظ
انا كان عندى 3 كويلات مهيسين وكانت بتدور وماشية بس بتقطع جامد

+1111111111
أو حساس كامة...........و الله أعلم.

جرب الأتى لو العربية لسه معاك

دور و دوس بنزين على ال n و خلى ال rpm يبقى فوق ال 2.5 لمدة دقيقتين أو 3.......لو مبطلتش يبقى حساس كامة بنسبة 80%

**abasse** · 29-05-2011 02:28 AM

أخخخخخخخخخخخخخخخخخخخخخخخخ خخخخخخخخخخخخخخخخ

نفس العلقة الى انا ختها
مكنش فى بنزين !!!!!!!!!!!!!!!!!!!
بس أنا حطيط 5 لتر ودورت دارت

وعليه تقربيا كده يا فلتر يأما الطرمبة ربنا يسترها معانا جميعا

**meso76** · 29-05-2011 09:41 AM

الحمد لله على كل شىء ... بس للأسف الموضوع مطلعش بسيط
2 "كويل" قطعوا تماما و 2 "كويل" ضعاف!!! تم تغيير الأربعة والتكلفة حوالى 2400 ج

ويالمرة خدوا اللى بعده كمان،،، من حوالى اسبوع الفوجات مبأتش بتنور فقلتلهم يبصوا عليها ... بعد الفحص قالولى محتاجة وحدة upc تمنها 2100 ج + فيشة 300 ج + مصنعية 250 ج !!! طبعا قلتهم شكرااااا

اخخخخخ ...

المشكلة انى مش بعرف امشى بالعربية وفيها حاجة بايظة