طلب نصيحة لشراء رينو ميجان هتشبك

**spacemarine** · 25-06-2011 04:26 PM

السلام عليكم يا شباب
ده أول مشاركة ليَّ في المنتدى مع ان كنت بقعد أقرأ من عليه كتير وكان مصدر معلوماتي الأول
المهم
أنا نزلت الانهارده اكشف على عربية رينو ميجان هتشبك 2005 اوتوماتيك خليجي في مركز الصيانة (المكانيكيون العرب) علشان اشتريها ولقيت التالي

فـأنا عايز أعرف إيه رأيكم والكلام ده هيأثر جامد في سعر العربية ولا أشوف عربية تانية ؟

**sammor_28** · 25-06-2011 05:58 PM

العربيه فيها كده مشاكل كتير

اعتقد انك تشوف حاجه افضل لو انت ناوي تركب مش تقف وتصلح وتصرف

وبعدين الميجان لو هتشتريها لازم تشتريها تمام وتكون العربيه متصانه كويس وذلك لأرتفاع سعر قطع الغيار نسبيا وبرضه مش اي بيشتغل فيها

انما في الأساس هي عربيه محترمه جداااااااااااااااااا

واخيرا ربنا يوفقك للأختيار اللي في مصلحتك...وماتنساش صلاه الأستخاره...ربنا معاك

**Ahmed Selim** · 25-06-2011 06:18 PM

ممكن تكتبلنا الكلام من أول " يوجد خبطة......." علشان مش باين ؟

باقى الدهانات اللى فى العربية مفيهوش مشكلة طالما دواخل العربية سليمة.

عموماً الكشف فى التوكيل له عيوب و مميزات

من عيوبه أن اى حاجة بيقل نسبة أدائها عن 75 أو 70% من الحالة الأصلية بيعتبروها محتاجة تغيير......بينما هى فعلياً تمشى.

شداد الموتور و قاعدة الشكمان دول لو عملتهم بره معتقدش هيكلفوا أكتر من 300 أو 400 جم بالكتير.

المساعدين و علبة الدركسيون و حساس الكامة محتاج تتأكد أنهم محتاجين تغيير.

الكشف ده تم فى الميكانيكيون العرب.....صح ؟

**spacemarine** · 30-06-2011 06:53 AM

الحمد لله جبت العربية خلاص وما شاء الله حلوة جدا و stable
شكرا جدا للمساعدة وجزاكم الله خيرًا

**shark_3li** · 01-07-2011 01:59 PM

معلش يا باشا ممكن اعرف ايه رايك فيها لاني دايخ علي واحدة هاتشباك ومحتار بينها و بين البيجو ال ٣٠٧

**Amr81** · 02-07-2011 01:03 AM

المشاركة الأصلية كتبت بواسطة spacemarine

الحمد لله جبت العربية خلاص وما شاء الله حلوة جدا و stable
شكرا جدا للمساعدة وجزاكم الله خيرًا

ألف مبروك وربنا يباركلك فيها

**pioneerahmed** · 02-07-2011 04:32 AM

المشاركة الأصلية كتبت بواسطة shark_3li

معلش يا باشا ممكن اعرف ايه رايك فيها لاني دايخ علي واحدة هاتشباك ومحتار بينها و بين البيجو ال ٣٠٧

نصيحة يا برنس ابعد عن البيجو دية بالذات عشان مشاكلها لا تعد ولا تحصى زائد ان حاجتها غالية جدا

الميجان انضف بكتيير دة حتى الى بيقولو ان الفتيس بتاع الميجان فى مشكلة ميعرفوش ان الناس بتوع البيجو اخر ما بيزهقوا من فتيس البيجو بيشيلوة خالص و يركبوا مكونات فتيس الميجان عشان انضف بكتيير