ملاك الbk و مالك الbl صباح القشدة!

**Thebutcherr** · 25-07-2011 10:12 AM

صباح الورد يا رجالة,فينكو من امبارح؟! عاوز اعرف انطبعاتكم كدة و اللى طلعتوا بيه من امبارح
مبدئيا انتوا كلكم حد جميل
بانسبة لانطبعاتى احب اقول :
بالنسبة لملاك ال bk فكان ناقص يتقال انتوا تحمدوا ربنا اصلا اننا لمناكم من الشوارع و صففيح ال... و انتم تبوسوا اديكوا وش و ضهر و هنرفع شكوتكم للمسئولين
ده ما قالش حته كوبلمون مننا حنكشف على عربياتكو لحد ما نخلص مقابلة يا جماعة ولا ليكم حملة صيانة او خصومات خاصة انا كنت متوقع كدة مع انه كان مرفوض كحل مسكن و كان هيبقى بالنسبالى اطعم الفم... تستحى العين ,بس قلت هيعملوها !!!
و مالك ال bl حماتة الجامد برنس الليالى و ياخد حقه تالت متلت
حقها يا بو كمال
انما انا مكنتش متوقع نطلع بحاجة منهم بس ادينا شفنا بعض و اتعرفنا
عاوزين ننفد الخطوات اللى اتفقنا عليها
و الله الموفق
على فكرة شكوتنا دى هزت الشركة كلها و مكهرباهم فاحنا محتاجين بردو قصدى بردك نضغط اكتر

**Frozen_Pain** · 25-07-2011 11:05 AM

شادى باشا الجزار
صباح الفل،،، والله كانت معرفتكم جميلة جدا واتشرفت بيكم كلكم

لما شوفت عنوان الموضوع قولت ياربى هو دخلت على قسم العربيات الصينى،، لما ركزت قولت اكيد الجزار هو اللى كاتب كده

انا احنا ربنا معانا وفعلا هو قالها يا شادى بس بشياكة

بس وحياة غبور الكبير لازم نكمل فى الشكوى،،، ده المهندس رزق فعلا انا حاسس اننا كنا ثقال على قلبه ونظام هو انا ناقصكم.

ولعلمك بئا سمارت احسن منهم.

واما احنا او انت يا غبور

اتشرفت بيكم يا رجالة bk و رجالة bl

ونخلى الشعار bk & bl ايد واحدة

ولينا مقابلة فى رمضان سواء كانت فطار او سحور المهم نتقابل تانى

سلام عليكم

محمود

**pioneerahmed** · 25-07-2011 11:36 AM

السلام عليكم يا شباب

الى الامام >>>>>>>>> مع انى واثق ان الموضوع اخرة شوية اعتزارات و مبررات و خلاص

الى عصبنى اوى لما قالك ان المازدا القديمة ملناش دعوة بيها و احنا مش بايعنها ولا كسبانين فيها حاجة

اما انت اسمك وكيل لية؟؟؟
يعنى اية وكالة اصلا؟؟؟
وكالة يعنى لما احب اكلم مازدا يبقى اجيلك انت حتى ولو عشان عربية موديل 1920 من قبل انت ما تتولد !!!
و بعدين عمال يقولك نرجع لمازدا فى اليابان و هما صحاب القرار!!!
اما لامؤاخزة حضرتك لازمتك اية؟؟؟

انا رايى يا شباب نطلب منو كشف مختوم باسعار قطع الغيار فى مصر و نبعتها لليابان . اية رايكو؟

غبور لسة بيتعامل بمفهوم الهيونداى
لسة مرتقاش لمستوى المازدا للاسف...

انا رايى ان احنا نواصل يا شباب و منسكتش

**Frozen_Pain** · 25-07-2011 12:27 PM

المشاركة الأصلية كتبت بواسطة pioneerahmed

انا رايى يا شباب نطلب منو كشف مختوم باسعار قطع الغيار فى مصر و نبعتها لليابان . اية رايكو؟

فكرة ممتازة يا أحمد بس تفتكر هيرضى؟

انا رايى ان احنا نواصل يا شباب و منسكتش

وهو ده كلام برضه،،، حتى لو الاسعار مرخصتش برضه هفضل كل شوية ابعت شكوى ونقول لمازدا اليابان اننا هنعمل جروب على الفيس بوك ضد شراء المازدا مع الاسباب طبعا

**hamata** · 25-07-2011 12:56 PM

صباح الفل يا شادى،أن شاء الله لازم نقعد قعدة حلوة فى رمضان،بالنسبة لمازدا اليابان إحنا لازم نعرفهم أن التوكيل مش موفر قطع غيار ال bk رغم أنها منتشرة فى مصر و بيبعها بسعر غالى أغلى من ال bl

**levelpower** · 25-07-2011 12:59 PM

انا اسف ياجماعه انى مجتش المقابلة بس والله كان عندى شغل و كان نفسى بجد اشفكم كلكم بس ان شاء الله نتقابل تانى
المهم ياريت حد يكتب الحصل بالتفصيل الممل علشان ابقى معاكم فى الصوره

**Thebutcherr** · 25-07-2011 01:19 PM

انت فاتك كتير اوى يا لافلى باور
هو كفاية بس انك مقعد 3 مديرين اقسام مازدا قدامك يتمنولك الرضا
يس دلوقتى وقت Group الفيس بوك يلا يا حودة لازم نجننهم ....نسميه ايه يا رجالة؟؟
لجنةةةةةةةة..............

**pioneerahmed** · 25-07-2011 02:04 PM

انا رايى اننا نهدد بس بموضوع الفيس بوك دلواتى عشان بردو مش فى مصلحتنا اننا نسوء سمعة عربيتنا !!!

خصوصا ان الفيس بوك دة ممكن فعلا يقلب الدنيا
دة قلب 6 دول لحد دلواتى و محدش عارف يعدلهم تانى !!!!

هو ممكن يكون سلاح تهديد رائع
ولا ايييييييييةةةةة

**Thebutcherr** · 25-07-2011 02:40 PM

ده زبادو اتاسفوا لشباب الفيس بوك و غيرو الغطاء مخصوص بسبب جروب زى ده

**pioneerahmed** · 25-07-2011 02:42 PM

اسعار قطع غيار هوندا سيفيك من الفطيم

فانوس امامى 1485
فانوس خلفى 1100جنيه
تيل فرامل امامى 380 جنيه
تيل فرامل خلفى 320 جنية
اكصدام امامى 1403جنيه
اكصدام خلفى 1382جنيه
مرايه 792 جنيه
رفرف خلفى 2222 جنيه
رفرف امامى 1022 جنيه
عتب جانبى 729 جنيه
كبود 1628 جنيه
زجاج امامى 2350 جنيه
زجاج خلفى 2453 جنيه
سير كاتينه (يتم تغيره بعد 200000 كيلو عشان جنزير) 381 جنيه
طقم بوجيهات (يتم تغييره بعد 100000 كيلو عشان اريديوم) 400 جنيه

دية الحاجات الاساسية لو كنت نسيت حاجة قولولى عليها و اجيبهالكو فريرررررةة

الموضوع: ملاك الbk و مالك الbl صباح القشدة!

LinkBack

أدوات الموضوع

عرض

ملاك الbk و مالك الbl صباح القشدة! - انشر الموضوع فى :

-

-

-

-

-

-

-

-

-

المواضيع المتشابهه

طلب رخم من أي مالك سيراتو

أصدقائى ملاك الكيا سيراتو - شوية استفسارات من مالك لكيا سيراتو - ارجوكم

مالك يا بلد

صباح الخير صباح الكابتشينو

مالك ابن دينار

الكلمات الدلالية لهذا الموضوع

المفضلات

المفضلات

ضوابط المشاركة