الموضوع: شكرا رينو ميجانتي

من يومين و لله الحمد تعرضت لحادث اني معرفش ايه حصلي بس دخلت في تاكسي لادا من على منزل كوبري على سرعة حوالي 50-60 و يمكن اكتر مكنتش باصص بس ده اقلها يعني .. و فجأة محستش غير و انا بسمع صوت الحادث (لم اضغط فرامل اساسا و التوقف كان نتيجة الاصطدام. خطبت في التاكسي و هو خبط في هيونداي اكسيل قدامه.
الخسائر للادا : ربع خلفي كامل هيتغير و اصلا الابواب كلها مش بتفتح (العربية اتكبست جامدددد) و حبة حاجات منها قربة مياه و زيت و العربية مش بتدور عنده طبعا و كبوته اتكبس.
الهيونداي: الاكصدام انتهى و الشنطة اتطبقت شوية و مش بتفتح و البابين الخلفيين مش بيفتحوا عنده من الكبس.
الرينو: تطبيق بسييييط في الكبوت و الشبكة الامامية طارت و الف الف حمد و شكر على كده و ان الايرباج مضربش.

طبعا نزلت و قولت للاتنين ولا يهمكم هتاخدوا حقكم كامل 100% رغم وجود 4 اوناش بضباط كان بسبب اتصالاتي الا اني معملتش كده و يعلم الله غير لأني طبعا قلقت من انهم يعملوا اي حاجة خصوصا الفترة دي محدش هيعرف يجيبهم لو حصل اي حاجة لاقدر الله . و دفعتلهم 6000 جنيه و طبعا الناس كانت طايرة و مش مصدقة تماماااااااا بسبب اني دفعتلهم المطلوب كله و لأني كمان خرجتلهم الرخصة بتاعتهم لانها اتحجزت و انا بعمل محضر لأنها منتهية .

المضحك بقى ان الناس في الشارع بتعدي بتسأل هو اللي خبطك (للتاكسي) جرى ؟ مش فاهمين ان العربية دي هي اللي خبطت اللادا :d :d

ماشاءالله و لا حول ولا قوة الا بالله طبعا و ربنا يحميها و يحمينا كلنا من شر الطريق.. بس هل تفتكرو ده بسبب ايه ؟ توزيع الحمل و قوة البدن الخاص برينو مثلا ؟


و اخيرا الحمدلله على خروجي سالما و العربية و طبعا ان مكانش في اي اشخاص اتصابت.

نحمد الله على سلامتك اولا وثانيا تصرفك يثبت انك لامؤاخذه ابن ناس ومحترم ثالثا ده يثبت مدى الامان فى الميجان رغم انى شارى العربيه قريب وكل واحد يقولى ايه اللى وقعك فى الميجان ده كلها فبر وليس بها اى امان .وعلى العكس انا امام محافظه الجيزه الموظفيىن المحترمين اعتدوا على وكسروا بربريز السياره بدم بارد وبدون اى ذنب وطبعا حاولت ااخد حقى وقابلت مأمور قسم العمرانيه والباقى معروف والاخر دعيت عليهم!!!!!