الى خبراء الميجان مساعدة عاجلة

**mostaffato** · 07-06-2011 02:19 PM

بداية اود تقديم الشكر لادارة و اعضاء المنتدى الكرام للمعلومات القيمة التي يقدمونها و التي كانت عونا للكثير منا و خاصة لمن ليس له خبرة واسعة في مجال العربيات زي حالاتي .
ثانيا : معروض علي عربية ميجان 1 حالتها جيدة عاملة 150 الف كيلو متر اتوماتيك موديل 2001 فرامل اي بي اس 2 ايرباج رشة نظافة من الخارج المحرك 75% بحوالي 45 الف جنيه و عاوز نصيحة اهل الخبرة عن العربية دي بالنسبة للمزايا و السيئات و الاعطال و قطع الغيار و استهلاك البنزين و الثبات و التكييف .
ثالثا : هل يوجد فرق جامد فيما بين الميجان1 والميجان2 لاني بصراحة امكانياتي المالية حاليا لا تسمح بشراء ميجان 2 ايه رايكم اصبر شوية على بال مااجمع ثمن الميجان2 لاني سمعت انه في رنج 60 الف بالنسبة لموديلات 2005 و2006 ولا اتوكل على الله واخلص في العربية المعروضة علي .
افيدوني برايكم افادكم الله بكل خير.....

**Amr_Moh** · 08-06-2011 04:10 PM

ازاي يا أستاذ تقارن ميجان ٢ بميجان ١ :) ...

شوف امكانياتك اه طبعاً المقارنة بين الموديلين غير منطقية

**mostaffato** · 26-06-2011 05:11 PM

[SIZE="6"]
يوجد 68 مشاهدة و لا يوجد غير رد واحد الحكاية ايه و لا يمكن اكون لخبطت و بسأل على الميجان في قسم العربيات الياباني اين انتم ياوحوش الميجان[ /SIZE]

**Mohd_Adel_Amin** · 26-06-2011 05:55 PM

هي العربية محترمة ومعمرة وكويسة , بس برضه الميجان 2 مختلفة عن 1 تماما , سواء في الشكل والحجم والامكانيات , نصيحتي الشخصية لأني امتلك الاثنين انك تصبر وتجيب ميجان 2 بس اهم حاجة تكون حالتها كويسة , الميجان 1 من رأيي المتواضع ان صعب تلاقيها صاحبها لسه مهتم بيها , ولو كان هتلاقيه ماسك في سعرها .
وانا شايف ان السعر اللي حضرتك بتقول عليه عالي شوية , بس برضه لو العربية حالتها نضيفة جدا جدا وضامن صاحبها , ومتناسبة مع امكانياتك ومرتاح فيها يبقى توكل على الله ومتنساش الاستخارة , وعموما هي قطع غيارها متوفرة وصيانتها اسهل من ميجان 2 , وركوبتها حلوة جدا وشيك , انا عن نفسي برتاح نفسيا وانا راكبها اكثر من ميجان 2 , بس جايز بسبب انها معايا من زمان !!