استشارة هامة عن شراء رينو سيمبول

**jdeveloper83** · 01-09-2011 09:03 PM

بسم الله الرحمن الرحيم
بعد التحية والسلام واد ان اقول لكل اعضاء المنتدى كل عام وانتم بخير
دي اول مشاركة ليه في المنتدى ويارب الاقي حد يرسيني لاني محتار جدا

ارجو من اعضاء المنتدى افادتي للضرورة جدا ...

يوجد امامي سيارة رينو سيمبول موديل 2009 -- اوتوماتيك -- فول اوبشن
هوا شاريها نهاية 2010 يعني بقالها سنتين بالزبط
عاملة 52000 كيلو .
بصراحة العربية من برا ومن جوه نظيفة جدا وزي الفبريقة بخلاف بعض التقشيرات اللي في الزراير اللي في التابلوه .
بس هية اتخبطت منه مرتين او تلاتة. بس كله في البودي وبعد كله اتغير في التوكيل.
انا كنت عاوز اعرف تقريبا سعرها ممكن يبقة في حدود كام وكمان ايه رايكم فيها كعربية من حيث التحمل والقوة والثبات والتسارع وجودة الماتو مع العلم اني في السواقة لسه جديد وكمان انا مش حبح الجري بسرعة ولا الغرز والكلام ده

في انتظار الرد وراي الاعضاء الكرام

**chato_eg** · 02-09-2011 12:38 AM

قبل الكلام فى السعر

حضرتك الأول تتفق مع صاحب العربية على الكشف عليها فى التوكيل

كلم 16202 ..خدمة العملاء و اطلب حجز ميعاد للكشف على سيارة

بيتكلف 550 جنيه و بياخد معظم النهار

فى النهاية بيطلع تقرير يشمل كل شىء فى العربية من أول الموتور لحد العفشة و الجسم و كمان لو هى فعلا بيتعمل لها كل حاجة عندهم يبقى هاتعرف التاريخ بتاعها

ما تستخسرش ال 550 جنيه..دول هما الضمان بتوع الاستثمار الكبير فى ثمن العربية كله...
لو الكلام معقول يبقى أنصحك تتوكل على الله...

و لا تقلق من لو حاجة حالتها فى التقرير 75% و لا 80% و قالوا لك عايزة تتغير..سيبك..هما بيحبوا يغيروا بدرى حبتين

هى بس غالبا لو مش مغيرة كاوتش الفابريقة هاتحتاج كاوتش جديد

و أنصحك تدعبس فى القسم بتاع رينو عن المواضيع الخاصة بالسيمبول و خصوصا المثبتة علشان تكون عندك فكرة عن تكاليف الصيانات الدورية و أسعار القطع

**jdeveloper83** · 02-09-2011 02:32 AM

الف شكر يا شاتو على الاهتمام والرد وانا فعلا ناوي اعمل كده انا كمان عاوز الاراء تكون كمان في العربية هل هية عربية محترمة ولا ايه وايه اخبارها في الاداء وقوة التحمل كمان وهل هية من العربيات اللى هتستحمل ؟؟؟
انا استعمالي هيكون خفيف عليها مش بحب الجري اوىى ....

ياريت راي كامل ومفصل عن العربية من الاعضاء الكرام

**chato_eg** · 02-09-2011 02:53 AM

هى امتداد للكليو..الكليو عربية حمولة و اقتصادية....

بس اعمل حسابك إن هتتعامل مع التوكيل على طول الخط لإن العربية مش منتشرة زى الميجان أو اللوجان..فحتى على المدى البعيد مش هتلاقى الدنيا غرقانة قطع ليها بره التوكيل..

لكن من ناحية تانية هو توكيل كويس..يعنى مثلا مش وارد إنك تحتاج قطعة و يقول لك أبعت أجيبها لك مخصوص على حسابك...خصوصا إنها مشتركة مع الكليو ال 1400 سى سى فى الموتور على ما أعتق]

شوف شوية المواضيع دى
http://www.nilemotors.net/Nile/112377-a.html

**AHMED1718** · 02-09-2011 03:26 AM

عربية ناجحة جدا من وجهة نظرى
نفس فتيس الكليو والماتور مفيهوش مشاكل اطلاقا من ملاكها
قطع غيارها متوفرة واسعاهرها معقولة
العربية ناعمة جداا وموفرة ف البنزين وثابتة على الطريق
يعيبها بس ضيق الصالون بتاعها
بس شنطتها ممتازة بصراحة
مرتفع عن الارض وحمالة اسيه
مواصفات العربية اللى بتقول عليها متزدش عن 55 تقريبا
تقفيل العربية احين من اللوجان بمراحل حتى ماتورها رغم انه 1400 بس عجبنى اكتر كتير من الاسكالا واللوجان
اتمنى اكون افدك

**jdeveloper83** · 02-09-2011 11:13 AM

الف شكر لكل الناس اللى اهتمو بالموضوع وردو عليه وبالنسبة للاستاذ جزااار لا هيه مش ليها علاقة بسيفتي بلس

الحاجة اللى كنت عاوز اسال عليها كمان هية مصاريف العربية هتفتح معايا ولا ايه النظام خصوصا اللى مطمني شوية انها لسه مابقلهاش سنتين والمعروف ان الجديد لحد 5 سنين مش بيفتح بقه زي مابيقولو لكن لو حصل وفتحت بقها هل المصاريف هتبقى كتير اوىى عليه ولا ايه النظام

في انتظار الرد واسف كتير على الازعاج

**chato_eg** · 02-09-2011 03:59 PM

مافيش بق مفتوح و لا حاجة...
العربيات الرينو لما بتعمل لها صيانتها فى ميعادها و على إيد متخصصين متدربين ..بتمشى معاك كويس عمر طويل

لإن صناعتها جيدة و قطعها الأصلية معمرة

اعمل حسابك بس إن بعد 5 آلاف كيلو هتعمل صيانة ال 60 ألف كيلو و دى أغلى صيانة فى حياة العربية....و مضاعفاتها زى ال 120 و ال 180 ....إلخ

أنا مش عارف هى بتتكلف كام فى السيمبول..لكن فى الميجان بتكون فى حدود 3 آلاف جنيه شامل تغيير طلمبة المياه

**ramy_gamal** · 03-09-2011 01:42 AM

المشاركة الأصلية كتبت بواسطة ahmed1718

عربية ناجحة جدا من وجهة نظرى
نفس فتيس الكليو والماتور مفيهوش مشاكل اطلاقا من ملاكها
قطع غيارها متوفرة واسعاهرها معقولة
العربية ناعمة جداا وموفرة ف البنزين وثابتة على الطريق
يعيبها بس ضيق الصالون بتاعها
بس شنطتها ممتازة بصراحة
مرتفع عن الارض وحمالة اسيه
مواصفات العربية اللى بتقول عليها متزدش عن 55 تقريبا
تقفيل العربية احين من اللوجان بمراحل حتى ماتورها رغم انه 1400 بس عجبنى اكتر كتير من الاسكالا واللوجان
اتمنى اكون افدك

انا مع كل الكلام دة ماعدا ان الفتيس هو هو بتاع الكليو ... انا سمعت ان فى اختلاف وان استجابته اسرع وكمان انا سمعت الكليو مفهوش كيك داون اما السيمبول فيه العربيه من كلامك ممتازة بس هى ماشيه كتير ليه فى سنتين مع الملاحظه ان العربيات دة مبتفرق معاها العداد بس اعرف السنه اكتر من 25000 ليه

**jdeveloper83** · 03-09-2011 09:55 AM

شكرا لكل الناس اللى اهتمت بالموضوع وردت عليه . وبالنسبة للاستاذ جمال هوا العداد عامل كتير للاسف لان هو كان بيسافر مسافة كبيرة للشغل يوميا من الهرم لمدينة نصر وكمان اوقات كان بيسافر اسكندرية والساحل يعني مسافات كبيرة ... لكن ده شيء يقلقك يعني ولا ايه ؟؟؟؟؟؟

-

الموضوع: استشارة هامة عن شراء رينو سيمبول

LinkBack

أدوات الموضوع

عرض

-

-

-

-

-

المواضيع المتشابهه

استشارة هامة جدا

محتار أجيب اى عربية من دول رينو سيمبول, كيا ريو, رينو لوجان

استفسار عن رينو سيمبول و رينو بصقة عامة

الي الساده الافاضل اعضاء منتدي رينو بخصوص رينو سيمبول

استشارة قانونية هامة

الكلمات الدلالية لهذا الموضوع

المفضلات

المفضلات

ضوابط المشاركة