الواحد يبعد عن ميجان 2006 ولا يطمن و يتوكل على الله فيها ؟؟

**mada0202** · 15-07-2014 11:40 PM

ازيكم يا شباب

انا كنت عايز اسال الميجان 2006 الواحد يبعد عنها لانى بسمع كتير ان فيها مشاكل فى الفتيس ولا الكلام ده كله اشاعات و يتوكل على الله و يشوف واحدة كويسة ؟؟؟؟

**ahmed salah90** · 15-07-2014 11:50 PM

انا معاك

**تامر.محمد** · 15-07-2014 11:56 PM

في العموم و احصائيا , و انا ماعرفش السبب بالظبط لحد دلوقت
كثافة المشاكل في الشكل الاقدم اكتر كتير من الشكل الاحدث

الشكل الاحدث نزل اخر 2006

**broadband** · 16-07-2014 01:06 AM

هو المشاكل اللى فى الموديل القديم مش اتحلت
زى السوفت الجديد للفتيس و ترس الديفيزر الجديد ؟؟؟؟؟؟

ايه تانى ممكن يعمل مشاكل؟

**Ahmed Koller** · 16-07-2014 01:11 AM

2006 من الزيرو ماقبلتنيش اي مشكله الي 2012
2006 استعمال سنه . الحمد لله مفيش مشاكل .
معايا 2009 بقالهاسنتين . حلوه بس 2006 افضل بكتير عن تجربه

**mada0202** · 16-07-2014 01:21 AM

انا احترت بصراحة

**simo4ever** · 16-07-2014 02:34 AM

والله يا باشا أنا حيران زيك برضو .. مع انى من فترة كنت عامل تقريبا موضوعين عن الميجان وانى عاوز اشتريها وانى معجب بيها جدا بقالى سنين .. وفى الاخر خوفت منها و روحت جبت سيتروين اكسارا 2001 لانى كنت مستعجل على عربية بس مكنتش حابب لا كوري ولا ياباني ... بس دلوقتي عاوز ابيعها ( وربنا يشهد العربية دى والله حمالة اسيه ) ببقا قاصد ابهدلها واحطها فى مواقف صعبة ومابتقولش لاء .. وفين وفييين لما بروح لميكانيكي ولا لكهربائي
بس مشكلتي الوحيدة معاها انها واطية اوى و كمان زهقت من الهاتش باك وعاوز اجيب سيدان .. فبدءت افكر تاني فى الرينو ميجان ... بس بقالى اسبوعين اهو عمال اقرا فى حاجات غريبة عن الميجان وعن مشاكل غريبة بتحصل للاعضاء هنا .. واللى يقول انا عمري ما شوفت ميجان على طريق سفر لان الناس بتخاف تسافر بيها .. واللى يقول مشاكل فى الحرارة مابتخلصش ومشاكل فى الفتيس لو موديل قديم وكترت اوى مشكلة ان العربية مش بترضى تدور .. ومشاكل مش عارف فى ايه.. والخ الخ الخ ( مع انى عارف ان الميجان لازم يتحافظ عليها ولازم تتصين فى معادها ، بس والله الواحد بدء يحس خلاص انه لازم يروح لميكانيكي او كهربائي كل اسبوع تقريباً !! ) انا بحبها جداً وعارف انها هتقرفني حتى لو حافظت عليها وهتعمل حاجات مش متوقعه .. بس مش عارف ليه ،، احساس كده وخلاص !! يمكن من كتر الكلام عليها وعن مشاكلها .. مع ان فى عربيات زيها برضو وبيحصل فيها تقريباً نفس المشاكل .. بس انا علشان حاببها وعاوز اشتريها فمقلق منها جداً .. لكن لو عربية تانية وبتعمل نص مشاكلها مش هفكر فيها وهشوف واحده غيرها .. بس الميجان عشق بقالها سنين و نفسي اشتري واحده ان شاء الله ...
معلش صدعتك ،، بس انا متابع موضوعك ويارب الاعضاء يفيدونا .. وكل سنة وانتم طيبين

**تامر.محمد** · 16-07-2014 02:54 AM

من الآخر يا جماعة و عشان ما تتعبوش نفسكم

الميجان
حالة + صيانة + تكون اقامتك في مدينة فيها صنايعية رينو عشان ما تخليش اي حد يفتي في عربيتك كل ما تعوز تعمل حاجة

بسسسسس , حققت المعادلة دي , هاتها و انت متطمن
ما حققتهاش , بلاش

اما كلام ماحدش بيسافر بيها و ما بتسافرش و الكلام العجيب ده
فكل واحد عارف هو عامل ايه مع عربيته في المعادلة السابقة , و بالتالي عارف هي هاتعمل معاه ايه

-

-

الموضوع: الواحد يبعد عن ميجان 2006 ولا يطمن و يتوكل على الله فيها ؟؟

LinkBack

أدوات الموضوع

عرض

-

-

المواضيع المتشابهه

الواحد بدأ يكره العربية بعد ما كان بدأ يفكر فيها

ميجان 2006,7 ولا ستروين c4 2006,7 ولا بي ام 94,97 دبانه ولا هوندا سيتي 2006

مقارنة بين ميجان 2007 و ميجان 2005/2006 و كلام غريب

للبيع رينو ميجان حالة شاذة...للبيع رينو ميجان موديل 2006 ترخيص شهر 10-2006 المواصفات

لو الواحد هيركن العربية لمده سنة يعمل فيها ايه؟

الكلمات الدلالية لهذا الموضوع

المفضلات

المفضلات

ضوابط المشاركة