مروحة تكييف الميجان ii

**esheikh** · 23-09-2011 12:49 PM

شباب المنتدي الجامدين...

مروحة التكييف بتشتغل علي كل السرعات عادي جدا جدا بس لمدة دقيقة واحدة بس :: نــايــل مــوتــورز:: - :: NileMotors.net ::[1].gif

وبعدها تفصل تماماً كأنك قفلتها ....

انا عارف ان الكباس كمان بايظ . فهل يا تري في علاقة مابينهم؟؟
معلوماتي ان مفيش اي علاقة بينهم وحتي لو الكباس مش راكب المفروض المروحة تشتغل عادي..

بس هل ياتري لما اغير الكباس حتتحل المشكلة لوحدها؟ ولا ايه سبب التصرف الغريب ده..

ارجوكو فيدوني بمعلوماتكم....

**Rsarabia** · 23-09-2011 02:47 PM

فى علاقة بين الكومبريسور و المروحة
المروحة لها سرعتين
لما بيشتغل الكومبريسور بيشغل السرعة العالية
ممكن يكون المروحة شغالة بس سرعة بطيئة و انت مش واخد بالك
هل بصيت عليها لقيتها بتقف بعد دقيقة فى جميع الاوضاع ؟؟
لو كدا يبقى تغير موتور المروحة وتشوف

**amr_elbazz** · 23-09-2011 04:21 PM

السرعة التانية للمروحة بتشتغل مع التكييف على طول
ولو مش مشغل التكييف ومؤشر الحرارة عدى النص هتشتغل السرعة التانية وتفصل لما الحرارة تنزل تانى

**esheikh** · 23-09-2011 04:57 PM

المشكلة يا شباب في المروحة الى بتدخل الهواء العربية من جوة مش المروحة الى راكبة على الردياتير

**nodey** · 23-09-2011 07:54 PM

شوف اخي انا عارف قصدك علي المروحة اللي جوه اللي بتدفع الهواء من فتحات التكييف
بس حصلت معاي بالكليو وكان السبب قطعة راكب عليها فيش كبير وفيس 2 طرف واصل للمروحة
وعلي فكرة المروحة دي بيسموها بلور المكيف
ودي شكل القطعة اللي ممكن تكون السبب

وده شكلها مع القطعة القديمة

ودي شكل البلور

شيك علي فيوز البلور دهه بعلبة الفبوزات وهو فيوز 30 امبير بجوار فيوز 7.5 امبير
تحياتي
ابو خالد

**Rsarabia** · 23-09-2011 08:27 PM

اسف انا فهمتك غلط انت قصدك على المروحة الداخلية اللى بتجيب هوا جوة العربية
فى الحالة دى اولا هتبص على الفيوز بنسبة كبيرة ان شاء الله هيطلع العيب منه لو مش مظبوط هيبقى البلور اتحرق و محتاج يتصلح عند حد فاهم او يتغير بس سعره مش عارف كام

**amr_selim** · 25-09-2011 12:13 PM

الله وأعلم أنت قصدك على المروحه الي على الريداتير ولا لأ بس عمتا الي بتشتغل لمده دقيقه تقريبا دي السرعه العاليه للمروحه.وبتشتغل بس لما تشغل التكييف أو لما تبقى العربيه أسخن من اللأزم..طب ليه بتشتغل سرعه عاليه بس.. .علشان المقاومه بتاعت المروحه باظت.فبتشتغل على سرعه واحده وهيه العالية بس.طب تعمل أيه
تغير المقاومه ب 200 جنيه تقريبا أو يصلحهالك الكهربائي بالكاويه.انا عندي نفس المشكله وهعملها يوم الأثنين إن شاء الله في صقر

**abdallasoliman** · 15-10-2011 12:19 AM

ملاك الرينو والتوكيل
من كثرة تعاملاتى مع توكيل رينو وانة افضل توكيل فى خدمة مابعد البيع .. ومشاهدتى لما يدور مع بعض المتعاملين مع التوكيل انة فى بعض الحالات يلزم التوكيل المتعامل على عدم تغيير قطعة غيار مجانا وحدث مع صديق معة فلوانس وكان بيعمل صيانة 5000كم وكان عندة كاوتشة المساحة مشققة فطبعا التوكيل قالة دى خارج الضمان واشترى مساحة من خارج التوكيل .. علما اننى طلبت منة ارسال شكوى للشركة الام بفرنسا لاننى متيقن من الرد الايجابى لتجربة سابقة لان معروف ان الجلد والكاوتشات بالميجان والفلونس سيئة وبتشقق وهذا عيب تصنيع وخلافة .. طالما عيب تصنيع فالزام على التوكيل تغيرها فى الضمان ولكن الكسر معروف خارج الضمان .. ولاحظت عيوب مثل طلمبة البنزين بالفلونس ويتم تغيرها بالتوكيل ..لذا الفت انتباة كل المتعاملين بعدم التهاون فى حقهم مع التوكيل لانة بياخد حقة بالزيادة .. ولية بقول احسن توكيل لان الشركة الام يهما خدمة مابعد البيع ولا تتهاون فى حالة التقصير