اسئله بسيطه عن الميجان 2

**iaibrahim** · 05-10-2011 11:32 PM

عندى ميجان 2 من 3شهور وكنت ناوى ابيعها لانها طلعت عينى لكن الامور استقرت الان واقتنعت ان العيب فينا مش السياره وعندى اسئله بسيطه اولا الزجاج الامامى يمين بيشتغل على مزاجه ومش عارف الحل واشاره عدم ربط حزام الامان اصبحت لا تعمل فجأه لا صوت ولا علامه فى التبلوه وبعدين اكتشفت ان احدي فرد الكاوتش معمول فيها 13 خابور هل ده خطر ومحتاجه تغيير وايضا محتاج مشبك ستاره الباب ومش عارف اجبها منين واسف للاطاله والازعاج مع جزيل الشكر .

**yalahwy2010** · 06-10-2011 01:04 AM

الستارة ممكن تجيبها استيراد ب حوالى 120 جنيه
ممكن تلاقيها عند عصام بشطر اللى فى الحرفيين
الباقى مافتيش فيه بصراحة
وبالتوفيق

**kiko100100** · 06-10-2011 01:56 AM

الزجاج اليمين كان بيعمل كده عندى لحد ما الواير اتقطع بس الماتور كان سليم و رحت صلحته تقريبا ب 70 جنيه
الكاوتش انصحك تغيره.كله الا الكاوتش
حزام الامان ممكن الفيشة اللى متوصلة بالمكان اللى بيتركب فيه تكون مخلوعة او عايزة تتنضف
الستارة شوفها عند بتوع الاستيراد

**Ahmed Selim** · 06-10-2011 08:52 AM

الستارة صعب تلاقى المشبك بتاعها لوحده........بس حاول تدور فى الحرفيين الأول

الكاوتش غير فردتين على الأقل

الأزاز معرفش بصراحة

حزام الأمان........بيبقى فيه فى الدراع اللى بتدخل فيه حزام الأمان جنب كرسى السواق فيشة.......الفيشة دى....جرب تشيلها و تنضفها ب wd40 و تركبها تانى.

**Megane** · 07-10-2011 01:26 AM

المشاركة الأصلية كتبت بواسطة ahmed a.maksoud

حزام الأمان........بيبقى فيه فى الدراع اللى بتدخل فيه حزام الأمان جنب كرسى السواق فيشة.......الفيشة دى....جرب تشيلها و تنضفها ب wd40 و تركبها تانى.

السلام عليكم
يا ريت تعمل كدة و تعرفنا أية الأخبار

**abdallasoliman** · 08-10-2011 02:09 AM

نصيحة اولا غير الكاوتش واياك والاخوة بالمنتدى بعمل خوابير لاصلاح خرم بالكاوتش لانة اسوا شئ ويفضل اللحام بالرقعة ولكن الكل بيستسهل علشان مايحلش العجلة ويعمل خابور .. وبلاش محطات البنزين لان غرم بيخلوة خمسة

**ahmed.badie** · 09-10-2011 01:54 AM

ياريت توضحلنا ايه اللي خلاك تفكر تبيعها ايه نوع المشاكل لاني بدور علي واحده مستعمله موديل 2008 او 2009 ارجو النصيحه جزاكم الله خيرا

**iaibrahim** · 09-10-2011 06:34 PM

طبعا العربيه كويسه جداوالعيب منى بس انا كان حظى وحش واشتريتها من سوق العاشر وبدون خبره سابقه فكان فيها بعض المشاكل واتحلت والحمد لله واحيانا كثيره بمساعده الزملاء الافاضل الجدعان بالمنتدى بس عيوبها ان صعب اصلاحها خارج التوكيل اللى غالى حبيتين مع العلم ان كل الموديلات الحديثه كده فمثلا الكارت الاحتياطى اطريت اعمله ب800 جنيه فى صقر قريش وعارف انه صينى (الاصلى بحوالى 1500)وانصحك قبل الشراء الفحص الجيد فى التوكيل وليس محطه بنزين زى ما انا عملت وربنا الموفق

**mohamedmmm2** · 09-10-2011 08:41 PM

الازاز بيلعب لواحدة عشان وانت او اللى قبلك غسل الباب والميه دخلت فى الزراير... ودى مشكله شائعه جدا ومتعود عليها :[
اى كهربائى نضيف ممكن يصلحها بسهوله

الموضوع: اسئله بسيطه عن الميجان 2

LinkBack

أدوات الموضوع

عرض

-

-

-

المواضيع المتشابهه

واااااااو شوفت الميجان الكوبيه و شويه اسئله

اسئله بسيطه و لكن مهمه ليه

اسئله بخصوص الميجان ؟ ارجو الافاده من الوحوش

بحسس برجرجه بسيطه كده فوق ال120 في الميجان

اسئله بسيطه جدا

الكلمات الدلالية لهذا الموضوع

المفضلات

المفضلات

ضوابط المشاركة