الموضوع: صداقة اربع سنوات و ربع

المشاركة الأصلية كتبت بواسطة raoufrakha

بسم الله الرحمن الرحيم

اخي الكبير الفاضل د. المناهري
الأخوه الأفاضل اعضاء المنتدي الكرام

بعد التحيه :

اولا : اعتذر جدا عن تقصيري في الكتابه في المنتدي و ذلك لظروف خاصه بي
ثانيا : بالنسبه للسياره فانا و الحمد لله امتلك السياره من 18/7/2007 والحمد لله خلال تلك الفتره لم اتعرض معها لأي عطل غير متوقع الا في مره واحده فقط سوف اقوم بسرد قصتها في اخر حديثي.
خلال فترة امتلاكي للسياره قمت بتغيير القطع التاليه :
1- طقم جلب و بيض مقصات تويوتا ( وذلك طبعا لأني مركب جنط 17 وكاوتش 225/45)
2- سنسور الأيدل وهو الخاص بالدايو النوبيرا و ليس اللانسر .
3- سنسور السرعه و ده جبته من التوكيل .
4- شدادات الأتزان الأماميه و هي الخاصه بتويوتا كورولا (من 2001 الي 2007).
5- تيل الفرامل الأمامي وهو الخاص بتويوتا كورولا (من 2001 الي 2007).
6- تيل الفرامل الخلفي و ده جبته من التوكيل لأنه خاص بتويوتا كامري بس الي الأن مش عارف احدد موديل سنة كام و ذلك لعدم انتشار السياره الكامري في مصر .
7- قاعدتي الموتور الأماميه و اليمني وهما ايضا بتوع تويوتا كورولا .
8- طاقم دبرياش كامل ( ديسك واسطوانه و بيليه ) و علي فكره انا غيرت الطاقم بالكامل بسبب تلف البليه فقط و هما بتوع لانسر بومه 2007 .
9- فلاتر الهواء و التكييف ( تويوتا كرولا ) و فلتر البنزين ( من التوكيل ) .
10- الدينمو و هو خاص بلانسر 2007 وتغييره له علاقه بالعطل الغريب الغير متوقع اللي حصل معايا .

* بالنسبه لمشكلة الفرامل الأماميه و تنظيفها فانا قمت بنفسي من شهر فقط بحل الطنابير الأماميه ووديتها المخرطه مسحتها لأن كان فيها ريجه وركبت تيل جديد وانتهت مشكلة الصوت و الرعشه عند الفرمله و الحمد لله .
* بالنسبه للعطل الغير متوقع اللي حصل معايا كان من حوالي 9 شهور تقريبا حيث قمت بشراء طاقم بوجيهات كنت شايفه علي النت و كان عاجبني جدا ، المهم جبته و غيرته عندي في الجراش بالليل وكان له تأثير السحر علي العربيه لأنه كان مخلي صوت الموتور ناعم جدا ، نزلت تاني يوم الصبح رحت الشغل و كل حاجه زي الفل وانا راجع من الشغل حوالي الساعه الثالثه اكتمل التاثير السحري للبوجيهات علي العربيه حيث حدث ما لا يحمد عقباه : وانا ماشى بالعربيه لقيت العربيه اتلجمت في مكانها و مش راضيه تستجيب لدواسة البنزين خالص و فجأه لمبة الفرامل نورت و وراها لمبة abs نورت هيا كمان ووراهم لمبة check engine بنفس الترتيب السابق ، المهم بعد محاولات و تجارب كثيره اتضح ايضا ان الدينمو اتحرق وقمت بتغييره بدينمو لانسر 2007 و الغريب بعد ده كله ان جميع اللمبات اللي نورت في التابلوه ما رضيتش تطفي الا لما شلت البوجيهات الجديده و ركبت الطقم القديم تاني و الي الأن بصراحه انا مش لاقي اي تفسير منطقي للمشكله اللي حصلت معايا دي .

اجمالا و في نهاية حديثي انا راضي عن العربيه جدا و مش ندمان علي شرائي لها و علي فكره انا 80% من الأصلاحات و التركيبات اللي في العربيه باعملها بنفسي في البيت حتي قواعد الموتور انا اللي غيرتهم بنفسي رغم ان الموضوع بعيد عن مجال دراستي و شغلي خالص بس هيا مش كيميا .

في الختام استودعكم الله الذي لا تضيع ودائعه و اي حد محتاج اي خدمه مني انا علي استعداد لأرسال رقم تليفوني و تحت امركم جميعا و اسف جدا للاطاله علي حضراتكم .

أخوكم : عبدالرءوف رخا

السلام عليكم
اخى الكريم / ا عبد الرءوف .......بارك الله فيك

ولكن اخى الكريم !!!! الا تلاحظ انك غيرت 10 حاجات فى السيارة فى مدة بسيطة ....

حيث ان حضرتك تمتلك السيارة من اربع سنوات فقط ؟؟؟؟ وليس من 10 سنوات !!!!!!!

يعنى معدل استهلاك قطع الغيار كبير ..... ( هل السيارة نفسها رديئه ام قطع غيار مضروبه ...)

نرجو الايضاح من حضرتك ..........

الاستاذ الفاضل عبدالرءوف رخا موضوع رائع اخذنا الى منحنى اخر فى الكتابة عن السيارة وهو المنحنى العملى ومواجهة الاعطال بشجاعة وذكاء لقد احببت سيارتك فواجهت اى عطل بفهم وجرئة لذلك دعوت الجميع للاستفادة من خبرات سيادتك مع السيارة
انا بجد سعيد جدا ان سيادتك مكسب مهم لقسم ال byd وسيادتك سوف تكون معينا لاى احد عنده مشكلة ما مع السيارة شكرا جزيلا عزيزى الفاضل على شجاعتك وجرائتك
سيادتك غيرت قواعد الموتور بنفسك مع انى من اسبوع فقط تعلمت ان افتح كبوت السيارة والموضوع اخذ معى عشر دقائق بعد صداقة عامين وربع لذلك قرائت طرح سيادتك باعجاب شديد لامتلاك سيادتك الجراة والمهارة والشجاعة مع هذه الصداقة

ربنا يديم الصداقة و عقبال عشرات السنين و يفرحك بيها ديما انا شايف ان تغير بعض قطع الغيار المذكورة عادي وبعضها ممكن يكون غريب انه اتغير بعد اربع سنين زي الحساسات و قاعدة الماتور طقم الدبرياج غير ذلك اراه عادي وكله قطع غيار بتستهلك باق طبعا الدينمو معرفش انا مقتنع ان اي قطعة غيار خاصة بالكهرباء عمرها الافتراضي ممكن فى لحظة ينتهي نتيجة لتعرضها لاي ظروف طارئة ومختلفة يعني مثلا ممكن شوية مياة يبهدلو الدنيا . وفى النهاية ياريت نعرف من حضرتك يا استاذ عبد الرءوف اية الاسباب اللى ادت الى عطل قطع الغيار اللى ممكن يكون تغيرها بعد المدة دي غريب او يمكن اكون الموضوع فيه قلة خبرة مني ولكم جزيل الاحترام والشكر وكل عام وانت و الجميلة بخير .

المشاركة الأصلية كتبت بواسطة alaa0000000

السلام عليكم

اخى الكريم / ا عبد الرءوف .......بارك الله فيك

ولكن اخى الكريم !!!! الا تلاحظ انك غيرت 10 حاجات فى السيارة فى مدة بسيطة ....

حيث ان حضرتك تمتلك السيارة من اربع سنوات فقط ؟؟؟؟ وليس من 10 سنوات !!!!!!!

يعنى معدل استهلاك قطع الغيار كبير ..... ( هل السيارة نفسها رديئه ام قطع غيار مضروبه ...)

نرجو الايضاح من حضرتك ..........

اخي الفاضل اولا الف شكر لمرورك الكريم
ثانيا الحاجات اللي اتغيرت في العربيه عباره عن :
1- حاجات لازم تتغير دوريا و هي ( 5 ، 6 ، 9 )
2- حاجات بتستهلك بسبب كبر حجم الجنط و الكاوتش اللي عندي و هي ( 1 ، 4 ، 7 )
3- اما بالنسبه للحساسات و بيلية الدبرياش فممكن يكون ده عيب صتاعه فيهم .
4- اما بالنسبه للدينمو فانا بصراحه مش عارف هل هوا اتحرق بسبب البوجيهات اللي انا ركبتها و لا لأ .
لاكن السياره ليست رديئه بالمره ( انا اخويا معاه سيراتو 2009 غير طرمبة بنزين بعد شهرين من ركوبه العربيه و هي زيرو )

المشاركة الأصلية كتبت بواسطة elmanahry

الاستاذ الفاضل عبدالرءوف رخا موضوع رائع اخذنا الى منحنى اخر فى الكتابة عن السيارة وهو المنحنى العملى ومواجهة الاعطال بشجاعة وذكاء لقد احببت سيارتك فواجهت اى عطل بفهم وجرئة لذلك دعوت الجميع للاستفادة من خبرات سيادتك مع السيارة
انا بجد سعيد جدا ان سيادتك مكسب مهم لقسم ال byd وسيادتك سوف تكون معينا لاى احد عنده مشكلة ما مع السيارة شكرا جزيلا عزيزى الفاضل على شجاعتك وجرائتك
سيادتك غيرت قواعد الموتور بنفسك مع انى من اسبوع فقط تعلمت ان افتح كبوت السيارة والموضوع اخذ معى عشر دقائق بعد صداقة عامين وربع لذلك قرائت طرح سيادتك باعجاب شديد لامتلاك سيادتك الجراة والمهارة والشجاعة مع هذه الصداقة

استاذي الفاضل دكتور محسن بصراحه مش عارف ارد علي كلام سيادتك الجميل ده ازاي بس بجد لولا سيادتك جايز ماكنتش فكرت اكتب اي حاجه .

المشاركة الأصلية كتبت بواسطة raoufrakha

اخي الفاضل اولا الف شكر لمرورك الكريم
ثانيا الحاجات اللي اتغيرت في العربيه عباره عن :
1- حاجات لازم تتغير دوريا و هي ( 5 ، 6 ، 9 )
2- حاجات بتستهلك بسبب كبر حجم الجنط و الكاوتش اللي عندي و هي ( 1 ، 4 ، 7 )
3- اما بالنسبه للحساسات و بيلية الدبرياش فممكن يكون ده عيب صتاعه فيهم .
4- اما بالنسبه للدينمو فانا بصراحه مش عارف هل هوا اتحرق بسبب البوجيهات اللي انا ركبتها و لا لأ .
لاكن السياره ليست رديئه بالمره ( انا اخويا معاه سيراتو 2009 غير طرمبة بنزين بعد شهرين من ركوبه العربيه و هي زيرو )

كده الرد وصل طيب ممكن نعرف سعر طقم الدبرياج و الحساسات وهل عطل هذه الاشياء يجعل السيارة لا تتحرك ؟.اما باقي البنود فهي فعلا طبيعي جدا مع الظروف اللى حضرتك وضحتها وفعلا يا اخواني سيارات كتير زيرو بيطلع فيها كوارث والحمدلله على كل حال.

المشاركة الأصلية كتبت بواسطة ziabassem

يعد هذا الموضوع أحد المواضيع الهامة والمفيدة في القسم .. ويعتبر شبه مرجع لأعطال السيارة .



سؤال تاني .. هل الدبرياج في العربية على سلك ولا زيت ؟!

وربنا يباركلك في العربية يا باشا .. ودائماً في انتظار مشاركاتك الشيقة .

اخي الفاضل الف الف شكر علي مرورك الكريم

1- بالنسبه لسنسور الأيدل انا غيرته عشان باظ مش عشان استهلاك البنزين وليه نوبيرا مش لانسر لأن البوابه كلها اللي راكبه عندنا بتاعة نوبير مش لانسر وذلك لحكمه لا يعلمها الا الله .
2- سنسور السرعه لما باظ امبير السرعه و عداد الكيلومتر وقفوا .
3- قواعد الموتور اتغيروا لأنهم اتقطعوا وكانوا عاملين رعشه في الموتور .
4-الدينمو فعلا قابل للفك و تغيير الكتاوت الخاص به ان وجد .
5- الدبرياش بتاع العربيه شغال علي زيت بياخده من نفس خزنة زيت الفرامل .

اتمني ان اكون قد وفقت في الرد علي كل استفساراتك .