حد عنده حل لقلب كالون الشنطه للكليو

**albasha** · 28-12-2011 08:51 AM

جيت أفتح الشنطه لقيت قلب الكالون طلع في أيدي وللأسف راكن العربيه كده بقالي فتره لأني مش بستعملها كتير اليومين دول بس مغطيها
في حد إتعرض للموقف ده وأيه الحل

**shawkylotfy** · 28-12-2011 04:36 PM

روح لحد بتاع كالونات سيارات يعملها

**albasha** · 29-12-2011 07:45 AM

المشاركة الأصلية كتبت بواسطة shawkylotfy

روح لحد بتاع كالونات سيارات يعملها

أشكر ليك إهتمامك بس أنا فعلاً رحت لناس بتوع كوالين سيارات قاللولي إنها قطعه واحده ولازم تتغير علي بعض ورحت الحرفيين سئلت عند عصام بشطر قاللي معندهوش إستيراد رحت لواحد تاني كان عنده كالون بتاع الهاتشباك قاللي أفكلك القلب وركبه عند بتاع مفاتيح بس أنا كنت شوفت الكالون قبل ما اروحله علشان كده مش رضيت أخده خاصةً إنه كان عاوز 400 جنيه في القلب وبعد الفصال بقوا 300 يعني مش رقم ينفع أجربه لو مش هيجيب نتيجه أو هيجيب في حين كل لما أسأل واحد زميللي يقولي يا عم مش هيتكلف أكتر من 20 أو 30 جنيه فبصراحه مرضيتش أزود الصفر علشان مش أحس إن أنا بينضحك عليا وتقريباً الحل التاني إني أعملها سنتر وأريح نفسي وألصق القلب شكل وخلاص بدل ما أصحابنا بتوع الكوري بيتريقوا عليا ويقولولي قلب ب 300 جنيه ههههههههههههههه

**mokbel_est** · 29-12-2011 12:12 PM

اخى العزيز تعرضت لهذا الموقف من قيمة شهرين ولم اجد اى حل عند بتوع الكوالين لان القلب انتمونيوم لا يمكن لحامة وفى التوكيل يكلف مايقرب من 600 جنيه لانه بكود العربية واستيراد 300 جنيه والحل الاسهل كلفنى اقل من 100 جنيه بتوصيل مدفع(سنتر لوك) على الكالون وخدله وصله من سنتر الباب الخلفى وبقت تفتح وتقفل مع سنتر العربية واحسن من الاول واعتقد ان ده احس حل بس شوفلك كهربائى شاطر

**hzyn** · 01-01-2012 09:47 PM

المشاركة الأصلية كتبت بواسطة mokbel_est

اخى العزيز تعرضت لهذا الموقف من قيمة شهرين ولم اجد اى حل عند بتوع الكوالين لان القلب انتمونيوم لا يمكن لحامة وفى التوكيل يكلف مايقرب من 600 جنيه لانه بكود العربية واستيراد 300 جنيه والحل الاسهل كلفنى اقل من 100 جنيه بتوصيل مدفع(سنتر لوك) على الكالون وخدله وصله من سنتر الباب الخلفى وبقت تفتح وتقفل مع سنتر العربية واحسن من الاول واعتقد ان ده احس حل بس شوفلك كهربائى شاطر

احسن حل الله ينور عليك

**albasha** · 02-01-2012 11:20 AM

المشاركة الأصلية كتبت بواسطة mokbel_est

اخى العزيز تعرضت لهذا الموقف من قيمة شهرين ولم اجد اى حل عند بتوع الكوالين لان القلب انتمونيوم لا يمكن لحامة وفى التوكيل يكلف مايقرب من 600 جنيه لانه بكود العربية واستيراد 300 جنيه والحل الاسهل كلفنى اقل من 100 جنيه بتوصيل مدفع(سنتر لوك) على الكالون وخدله وصله من سنتر الباب الخلفى وبقت تفتح وتقفل مع سنتر العربية واحسن من الاول واعتقد ان ده احس حل بس شوفلك كهربائى شاطر

أشكر ليك إهتمامك أخي الفاضل وتم بالفعل تنفيذ النصيحه وتم تركيب المدفع وكمان ركبت مفتاح داخلي لأني مش عاوز كل ما أفتح السنتر ألاقي الشنطه مفتوحه
بس بصراحه خايف المدفع ده يحصله حاجه وبعدين ألاقي الشنطه مقفوله فعايز أفكر في حاجه تكون إحتياطي
ونصيحه مني لكل واحد لسه القلب بتاع الشنطه سليم يعملها سنتر ويخلي الفتح بالمفتاح إحتياطي لأن لو إتكسر القلب صعب تصليحه