هتخنق انا وولادى من رائحه العادم داخل السياره ياأهل الخبره

**gameeelkamal** · 30-12-2011 10:43 PM

السلام عليكم ورحمه الله وبركاته
الموضوع بأختصار وعلشان ماطولش على حضراتكم ان فى ريحه زى ماتكون ريحه عاده جوه السياره علما بانى لسه عامل عمره للموتور وكتير بلاقى الموتور عليه زيت من كل ناحيه والميكانيكيه كلهم قالولى الموتور بيعررق مش عارف حاجه حلوه ولا وحشه وحلها ايه.
ارجو الافاده وجزاكم الله خيرا

**medododo** · 31-12-2011 02:11 PM

ب
إختصار إطلع على سروجي محترم هيفك التابلوه ويلبسه مشمع من الخلف يعزلك القصة دي
بلغة الصنايعية إسمها قميص
لأن الطبيعي يكون في حاجة ذي اللباد كده بتاع الفبريكا وده بيتاكل مع الوقت

**AHMED1718** · 31-12-2011 06:08 PM

لو جلد مجرى الشنطة فيه قطع يوصل الريحة للصالون

**gameeelkamal** · 01-01-2012 12:55 AM

المشاركة الأصلية كتبت بواسطة medododo

ب
إختصار إطلع على سروجي محترم هيفك التابلوه ويلبسه مشمع من الخلف يعزلك القصة دي
بلغة الصنايعية إسمها قميص
لأن الطبيعي يكون في حاجة ذي اللباد كده بتاع الفبريكا وده بيتاكل مع الوقت

متشكر على مرورك وانشاء الله هروح لسروجى والحمد لله النهارده كنت كمان عند حمدى لادا وقالى لازم تغير غطاء الزيت ونشوف الزيت بيجى على فلام الشكمان منين وده الى مطلع الريحه دى بجانب ان فعلا صالونها مش معزوول

**gameeelkamal** · 01-01-2012 12:58 AM

المشاركة الأصلية كتبت بواسطة ahmed1718

لو جلد مجرى الشنطة فيه قطع يوصل الريحة للصالون

متشكر وانشاء الله هراجع على جلد الشنطه بس هيا الريحه جايه من قدام لما بفتح الزجاج بتزيد

**gameeelkamal** · 01-01-2012 01:01 AM

المشاركة الأصلية كتبت بواسطة abokoko

الاول شوف ايه حكايه زيت على الموتور جاى من فين وعالجه
يعنى لو جوان ربط عليه او غيره لانى مع ارتفاع حراره الموتور الزيت بيدخن

وثانيا ظبط الكربراتير

ثالثا ال لادا مش معزوله كويس وعلشان كده هتشم روائح وتدخل هوا من حيث لا تعلم
وتسمع اصوات من حيث لا تدرى
بس حمالة اسيه وحنينه فى قطع غيارها ومصاريفها
ده حتى الميكانيكى وهو بحاسبك على المصنعيه بيراعى انها لادا
هههههههههههههههه

الحمد لله عليها

والحمد لله النهارده كنت كمان عند حمدى لادا وقالى لازم تغير غطاء الزيت ونشوف الزيت بيجى على فلام الشكمان منين وده الى مطلع الريحه وقالى خلى ميكانيكى العمره يقرطعلى مسامير وش السلندر وغطا التكيهات وشكرا على مرورك ووقتك

**SHNORY** · 03-01-2012 08:05 PM

لو الموتور خفيف وبياكل زيت
وخرطوم الفايظ متشال من عمه الكربراتير حتبقي الريحه دي جايه منه
تشيله وتجيب خرطوم ميه بس طويل وتركبه مكانه
وتخليه قريب من الاسفلت
فالريحه مش حتدخلك العربيه تاني وحتنزل من تحت العربيه بدل ماهي بتدخلك من حوض الموتور
طبعا دا لحد ما يا اما تعمل عمره او تغير موتور
بس دا لو خفيف فقط لا غير

**smsm_hamada** · 07-01-2012 02:04 PM

انا كان عندى نفس المشكله حتى بعد ما غيرت الموتور وكنت هتجنن من الموضوع دة
وطلع ان علب الشكمان كانت مخزنه زيت وعادم
الميكانيكى قالى خد مشوار طويل بالعربيه وهيى تروح والموضوع فضل مستمر
لحد ما ريحت دماغى وغيرت العلب