الزجاج اثناء القيادة ايه وضعه والاطار

**drpeter** · 19-01-2012 09:43 PM

مساء الخير
انا بجد من النوع القلوق شوية علشان عدم خبرتى الكافية في القيادة يمكن
المهم انا لى سؤال
لما نيجى نقود السيارة على سرعة عالية مثلا 100 - 120 الزجاج يبقى مقفول ؟ ولا نفتح جزء من باب السائق بتاع سم او نص سم
وهل لو الزجاج مغلق مع السرعة العالية بيعمل ضغط عالى على الزجاج ويبقى خطر عليه ولا ايه

كمان الاطار انا بضطبه 29 امام 30 خلفى هل هذا مناسب ام زيادة ؟ وخصوصا في القيادة بسرعة عالية حتى لاتؤدى لاقدر الله لانفجار احد الاطارات وبالتالى لاقدر الله ما لايحمد عقباه
ياريت تفيديونى

**elmanahry** · 19-01-2012 11:24 PM

موضوع الزجاج قفله او فتحه لايوثر على السيارة او الزجاج لانى سوقت الى سرعات اعلى والزجاج مغلق تماما لو فتحته ولو جزء بسيط صوت مزعج جدا لاتتحمله الاذن وتراب داخل ولذلك ارجع اقفله ولا تخاف
اما موضوع نفخ الكاوتش ففى الشتاء اجعل ضغط الكاوتش على 32 وفى الصيف 30 ولكن هذا راى شخصى ونسمع راى باقى الاعضاء

**bassem.naguib** · 20-01-2012 08:42 AM

المشاركة الأصلية كتبت بواسطة elmanahry

موضوع الزجاج قفله او فتحه لايوثر على السيارة او الزجاج لانى سوقت الى سرعات اعلى والزجاج مغلق تماما لو فتحته ولو جزء بسيط صوت مزعج جدا لاتتحمله الاذن وتراب داخل ولذلك ارجع اقفله ولا تخاف

كلام مظبوط .. بالإضافة أنك لو فاتح الزجاج ولو حاجة بسيطة على سرعات عالية الهواء حيعمل نوع من المقاومة لسرعة للسيارة ويزيد نسبة بسيطة في استهلاك البنزين .