طنابير الفكترا بى حلة 5 خرم

**lancerevolution** · 11-03-2012 06:50 AM

السلام عليكم

انا أسف جدا على الغيبة الطويلة دى , دا كله حصل بقى عشان كشف الجيش و الحمد لله ربنا رزقنى بشغل فى القاهرة بطلع من بيتنا 5 الفجر برجع 8 بالليل و فى الشغل كانوا مراقبين كل حاجة و الحمد لله سبت الشغل

المهم العربية عندى عايزة 4 طنابير -إفترا- المهم جبت ال2 الى قدام على 280 فيبى أصلى من واحد عندنا و دوخت السبع دوخات على الطنابير الى ورا كلمت الشيماء قالى عندى روحتله قالى معنديش روحت خدت لفه فى شارع شامبليون مالقتش لقيت عند سرور الى فى جسر السويس روحتله و بعد لما روحت قالى طنابير سكينة من حلة روحت طالع على الحرفيين لفيت هناك على كل المحلات كل الى موجود يا سكينة يا 4 خرم
الحق يقال لقيتها عند واحد لقيته بيقولى 550 جنية قلتله شكرا روحت عند الى جمبه قالى 450 فيبى بردوا بس شكلهم ما عجبنيش روحت عند واحد إسمه الصفا قالى تاخد التيل معاها قلتله انا عندى التيل انا عايز الطنابير بس قالى عندنا لازم التيل قلتله شكرا و انا بشتمه فى سرى .
روحت عند واحد إسمه الشاطر قالى أشوفهالك عندنا و راح جالى الى شكلها مكنش عاجبنى بس قالى 480 قلتله 450 قالى ماشى انا إضايقت يا ريتنى قلتله 400 و سألته على الى قدام قالى 380 جى إم

الحمد لله إشتريت الطنبورتين الى قدام و الى ورا
280 جنية فيبى قدام
450 جنية فيبى ورا

**alnmr79** · 11-03-2012 10:22 AM

والله اسعار كويسة جدا جدا بس الخلفى غالى شوية مفكرتش ليه مدام هتغير كنت غيرت الخلفى سكينه!!!!!!!!
وكانت مش هتزيد كتير كنت هتجيب الطبلية الخلفية بتاعة السى دى اكس كلها على بعضها طنابير بالتيل بتاعها بالمساعدين وكان عضو جايبهم ب500 جنيه من واحد معرفة عامل معاه الواجب ولو اغلى 200 جنيه مش مشكلة.لو لسه مركبتهمش فكر فى الموضوع ده هيظبط الكلام قوى