الموضوع: فلونس والتأمين

انا هفيدك على قدر استطاعتي :
انا مأمن في قناه السويس وهما لحد دلوقتي والحمدلله محترمين ((انا في شركه واتعاملنا معاهم كتييير في عربيات تانيه))
الحوادث بتعمل محضر وتبلغ الشركه ومندوب بيجي يعاين وبيصلحوا , في الحاجات البسيطه محضر وتصلح في مركز معتمد وتحاسبهم بفاتوره .
السرقه بتعوضك بعد 6 شهور بنسبه 75 % وده على فكره قانون في البلد وكل الشركات ماشيه عليه .
مافيش تصليح للطرف الثاني.
مش بيصلحوا برا الوكيل او المراز المعتمده .

متشكر جدا انك رديت :)
بس ممكن اعرف نسبه التأمين فيها كام ؟ انهي افضل هي ولا مصر للتأمين ولا شركه تاني ؟ هل جربت تتعامل معاهم انت شخصيا يعني حصلك مواقف حوادث صغيره او كبيره ؟ الراجل قالي موضوع السطو المسلح اتلغي ومبقاش في التأمين صح الكلام ده ؟ موضوع الايرباج ايه نظامه ؟ اي حادثه بعمل محضر حتي لو صغيره رفرف مثلا فانوس ؟ يعني ايه مندوب يجي يعاين ويصلحوه وهيبقي تصليح فين بره التوكيل ؟ ........... معلش طولت عليك بس انا مهتم جدا بالموضوع ومحدش فايدني قوي

بص انا مش عارف النسبه بالضبط بس بدفع في حدود 200 جنيه ((الشركه اللي بتدفع))
انا الحمد لله من فضل ربنا ما احتاجتهمش بس زمايلي مش مخليين عمود نور يعتب عليهم وطبعا كله بيصلح ومحدش بيشتكي من الموضوع.ولو ما استفادش طوال السنه ممكن يعمل رشه نظافه او اي مرمات .
الحوادث الكبيره المندوب بيعاين في التوكيل ومابيصلحوش برا التوكيل .
الحاجات الصغيره بدون محضر بس لازم المندوب يعاين .
واحد زميلي جربهم في سرقه مش عارف ايه فرقها عن السطو وكان ردهم التعويض بعد 6 شهور بنسبه 75%

متشكر مره تاني :) بس 200 جنيه ايه ولا قصدك في الشهر ؟ سؤال اخير لامم الموضوع كله .. عموما لو مأمن علي العربيه هبقي مستريح ؟ يعني نظام الخوف من السرقه او الخوف من الحوداث والحكات والتخبيط في الحاجات هيزول خالص ؟

في الشهر ولو عايز تفاصيل فنيه اكتر انا تحت امرك بس التامين اصلا الشركه اللي بتدفعه فمعرفش تفاصيله .... بالنسبه للاطمئنان هو ربنا اللي بيسلم وطبعا دي اقدار وربنا اللي بيقدرها لكن في كل الاحوال ماتخافش ان شاء الله لان الشركه اللي بقولك عليها ماقصرتش معانا خصوصا في اخر حادثه اللي دخلت في مليون جنيه بالبضاعه .