انا معايا سيراتو 2011 smart وهبيعها لظروف طارئة ....وليس عيب فيها لانها مكملتش معايا سنة حتى وعاملة 4000 k وحيتبقى معايا مبلغ ممكن اجيب بيه ميجان استعمال

المهم انى اقتنعت اوى وحبيت الميجان جدا وخصوصا والحمدلله انا من النوع اللى بيعتنى بالعربية ومعاملتى جيدة وشايف ان العربية محترمة وخصوصا ليه صديق بيعشق الرينو بكل موديلتها وهوه اللى حببنى فيها اكتر بصراحة

ودلوقتى انا حبتدى ادور على الميجان بس موديلات قريبة شوية 2009 مثلا وتكون هاى لاين بس الغريب انى دورت فى القسم هنا بلاقى مواضيع قليلة جدا على موديل 2009 وخصوصا انى بحب السيدان نظرا لاستخدامها العائلى اكثر

هل الميجان 2009 كويسة وهل الشكل فى اختلاف عن ال2005 و 2006 و 2007 ومشاكلها مختلفه عن الموديلات القديمة ولا هيه هيه ؟؟
انا بجد اعجبت جدا بالقسم هنا والوحوش الموجودين هنا ما شاء الله ربنا يكرمكم ويحفظكم ويباركلكم.
وصحيح فى موديلات فيها سنسور بارك والكاسيت بيكون mp3 ولا cd بس طبعا سؤالين هايفين وميأثروش فى اعجابي بالعربية بس حبيت اعرف اللى ملاقتهوش من البحث فى القسم هنا

وياريت لو تساعدونى لو حد من اسكندرية يعرف عربية 2009 كويسة وحالة ممتازة يساعدنى وبصراحة نفسي اجربها

واسف انى طولت عليكم وشكرا لسعة صدركم