الموضوع: العربيه بتبطل مني بعد ما ادورها

يا باشا انا كان عندى نفس المشكله
غيرت حساس الكرنك وفيشته لاقت المشكله زى ماهيا لكن فى النهايه طلعت المشكله فى الزرار الاحمر اللى تحت قربه المياه سلك اللى فيه كان بيعلق راح التوكيل فصله نهائى انا مش فاكر بصراحه اسم الزرار ايه
وغيرت برده الرنوج ده بيخللى الrpm ميعلاش عن 10 وهى بتسخن فى اول طلعه ويكون صوت الموتور هادى
وخد بالك انك تكون مفول بنزين

ممكن يا استاذ احمد تشرح لي بالظبط التوكيل عمل معاك ايه والزرار ده موجود في الموتور ياريت توضح اكتر لانه العربيه فعلا لما بادورها بيكون rpm أقل من 1 وبيكون صوت الموتور واطي عن الطبيعي فا ياريت لو سمحت تفهمني عملت ايه بالظبط يعني التوكيل فصل السلك وما شغلوش تاني طب والسلك او الزرار ده وظيفته ايه في العربيه انا دلوقتي مسافر واول ما انزل مصر ان شاء الله ها اروح التوكيل

المشاركة الأصلية كتبت بواسطة osamasindbad1

ممكن يا استاذ احمد تشرح لي بالظبط التوكيل عمل معاك ايه والزرار ده موجود في الموتور ياريت توضح اكتر لانه العربيه فعلا لما بادورها بيكون rpm أقل من 1 وبيكون صوت الموتور واطي عن الطبيعي فا ياريت لو سمحت تفهمني عملت ايه بالظبط يعني التوكيل فصل السلك وما شغلوش تاني طب والسلك او الزرار ده وظيفته ايه في العربيه انا دلوقتي مسافر واول ما انزل مصر ان شاء الله ها اروح التوكيل

لو فعلا rpm على 1 او اقل وصوت الموتور واطى يبقى كده تمام معندكش مشكله فى (الرنوج) وهو ده الطبيعى...
بالنسبه الزرار الاحمر اللى تحت قربه المياه ده وظيفته على حسب ما فهمت من التوكيل انه بيفصل الكهرباء اتوماتيك عن موتور العربيه فى حاله قلبان العربيه او حادثه جامده عشان ميحصلش ماس كهربى ...ممكن تقول انها حاجه سيفتى للركاب
بالنسبالى قاللى الزرار عايز تغيير وده غالى شويه او ممكن نفصل السلوك اللى الموجوده ونلغى الزرار خالص قولتله الغيه...
بس خد بالك من حاجه احنا فضلنا فى المشكله ديه شهر لحد لما عرفنا السبب الجذرى لها
عشان مره قاللى ده حساس الكرنك وفيشته فغيرته لاقت نفس المشكله اتكررت
بعد كده قاللى طرمبه البنزين ممكن تكون فيها مشكله عامل تشيك عليها قاللى سليمه
واخر حاجه طلع الزرار الاحمر اللى تحت قربه المياه
عاما روح شوف وابقى احكلنا عملت ايه

معلش سؤال اخير يا استاذ احمد انا مش بيظهر عندي على الشاشه اي رساله للاعطال بس هو مره لمبة ال service نورت وطفت على طول لكن مفيش اي رسايل بتظهر لي وقبل المشكله دي ما تحصل باسبوعين برضه الباور فصل والدريكسيون بقى تقيل اوي بطلتها ودروتها مرتين رجع اشتغل الباور تاني وما حصلتش تاني المشكله دي هل كان بيحصل معاك كده

عمرها ما حصلت عندى