الحمد لله اشتريت سانديرو هاف اوبشن2012 بعد ما بععت حبيبتى(السوزوكى التو)...و دى ملاحظاتى عليها بعد 600 كم...
اولا المميزات:
1-شكلها جميل و جذاب و لونها بصراحة عاجبنى موت(انا جايبة نبيتى)
2-العربية ما شاء الله واسعة و مريحة و عفشتها ناعمة و اهم حاجة انها عالية عن الارض (حاسستنى انى كنت راكبة معزة قبل كدة)!
3-الثبات بتاعها ممتاز...ودة يمكن علشان الكاوتش مقاس 15

ثانيا بعض الملاحظات(مش هقول عيوب)
1-طبعا زى ما توفعت التكييف متلخبط اخر حاجة و حجزت فى التوكيل يوم الحد الجاى ان شاء الله علشان يظبطوة(رغم انى مش قادرة تفهم ازاى لسة العربية بتنزل بنفس المشكلة رغم كل الشكاوى دى)
2-مشكلة سخونة الدواسات مش موجودة بس فى سخونة من تحت الكاسيت(الظاهر انهم بدلوا )
3-فى رعشة فى الفتيس و دواسة البنزين..بس اعتقد من كلامكو ان كل الرينو كدة
4-السماعة اليمين فيها زنة هقولهم عليها فى التوكيل
5-مش عارفة انا بهلوس ولا اية بس بسمع صوت الكبالن بتقطق فى الملفاتمعقولة!
6-الكواليتى بتاعة الخامات المصنوع منها التابلوة رديئة شوية

7-اتصدمت لما عرفت من الفيس بوك ان واحد غير الفتيس ب 9000 جنية...ربنا يستر(عموما انا دخلتلها جمعية..ماحدش عارف)
عموما العربية جميلة و سواقتها مريحة و ان شاء الله هتابع معاكو و انا تحت امركوا فى اى سؤال عن العربية