عايز حل لمشكلة مازدا 3 2007 واطية اوى على الارض

**mero11111** · 20-04-2012 01:40 PM

يا جماعة بجد عندى مشكلة صعبة اوى العربية واطية اوى على الارض لدرجة انى بحك فى مطبات وانا راكب لوحدى مش معايا حد ووانا لوحدى لازم اخد المطب بجنب مصيبة سودة يعنى
واللى يغظنى انى الاقى التكاتك مفرد توك توك بتجرى من فوق المطب صواريخ حاجة تحزن صح
انا جايب العربية من شهرين كل حكة ورزعة على المطب بتوجع قلبى وربنا
هل فيه مكان ممكن اعلى العربية فيه وهل حد جرب وعلى عربيته ويا سلام بقى لو تدلونى على ميكانيكى وكهربائى يبقوا قريبين من مصر الجديدة او مدينة نصر
افادونى افادكم الله

**mando_07** · 20-04-2012 03:32 PM

متفكرش تعلي العربية ومتسمعش لحد يقولك كدة كل اللي هقدر أقلهولك على مهلك على المطبات و متخافش مش هيحصل حاجة أن شاء الله، أنت عربيتك موديل كام ؟

**mero11111** · 20-04-2012 05:02 PM

موديل 2007 بس والله العظيم تلاتة انا بطلع اقف فوق المطب عشان محكش وانا راكب لوحدى ولو حد معايا لازم ينزل ويركب تانى بعد المطب مش عارف ممكن تكون مشكلة فى السوست ولا ايه وليه معلهاش شوية مع العلم انا مش بمشى خالص فى طرق سريعة وشكرا لردك

**Magdyahassan** · 20-04-2012 05:54 PM

اخى الفاضل اللى بيحصل معاك ده مش عادى فيه سبب لازم تدور عليه وبلاش فكرة التعليه دى
ده عادى لو محمل لكن لوحدك لا
ربنا يكرمك وتلاقى حد يفيدك ان شاء الله

**S O P H O S** · 21-04-2012 06:35 PM

هي مواطية اه وده بيديها ثبات رائع
بلاش التعلية دي
ممكن تفكر فالكاوتش

**Thebutcherr** · 22-04-2012 03:10 PM

اوعى حد ياعبلك فى دماغك و يقوللك هركبلك علايات ولا اغيرلك السوست
اوعى تلعب فى عفشتها
اعلى بالجنط او قطر الكاويتش

**topstar** · 22-04-2012 05:08 PM

انا كان عندي نفس المشكله انت عندك جنط كام...؟؟؟
وكاوتش كام علي كام...
كبر شويه زي ما باقي الاعضاء قالوا هتظبط معاك كتير اوي انا عامل كده

**levelpower** · 23-04-2012 01:01 PM

المشاركة الأصلية كتبت بواسطة topstar

انا كان عندي نفس المشكله انت عندك جنط كام...؟؟؟
وكاوتش كام علي كام...
كبر شويه زي ما باقي الاعضاء قالوا هتظبط معاك كتير اوي انا عامل كده

+1111111
انا مع انك تغير الجنط

**ahmed legend** · 24-04-2012 02:25 PM

انا عندى نفس المشكلة انا معايا مازدا 323 وعليت الكاوتش وبقت كويسة

**EMADZOO** · 01-05-2012 06:35 AM

تاكد من ضغط الكاوتش -المازدا لو راكب لوحدك يكون الضغط :
امامى .............32
وخلفى............ 33
ولو فى ركاب على الكنبة وحمولة فى الشنطة بيكون الضغط :
امامى .............. 33
وخلفى .............45
وارجوا انك ما تتخضش من الارقام دى وللتاكد منها هاتلاقيها مكتوبة على القايم بتاع الباب الامامى على اليمين وممكن تتاكد من بريدجستون ايضا .
واعتقد هتفرق معاك كتيير. وعايز اقولك ان كل الاصوات اللى بتسمعها دى مع المطبات ليس لها اى تأثير على السيارة ( معايا منذ 4.5 سنة ) فلا تقلق . والفين ونص مبروك على العربية .

الموضوع: عايز حل لمشكلة مازدا 3 2007 واطية اوى على الارض

LinkBack

أدوات الموضوع

عرض

-

-

-

-

-

المواضيع المتشابهه

عندى عربية مازدا 323 مو 82 واطية جدا على الارض دى ليها حل

عربيتى النوبيرا بقيت واطية على الارض

انا عايز نص امامي مازدا 3 2007 بكام ؟؟؟؟

العربية واطية و عايز أعليها

عايز حل لمشكلة الردياتير اونو94

الكلمات الدلالية لهذا الموضوع

المفضلات

المفضلات

ضوابط المشاركة