هو فية ميجان 2 نزلت من غير فلتر بنزين ؟

**shawkylotfy** · 24-05-2012 12:27 AM

السلام عليكم
صاحبى معاة ميجان هاتشباك 2005 مانيوال كان رايح يغير فلتر بنزين الراجل نزل تحت منها (هو متخصص رينو وشغال فى الميجان) قالوا مفيهاش فلتر هى نزلة كدة .......... هو الكلام دة صحيح ولا ممكن الماللك الى قبلة يكون لغية لسبب ما ... اية رايكم ؟

**تامر.محمد** · 24-05-2012 12:35 AM

هو ينفع عربية من غير فلتر بنزين اصلا ؟؟؟

**Rsarabia** · 24-05-2012 12:21 PM

لازم فلتر بنزين لكل عربيات الانجكشن

**shawkylotfy** · 24-05-2012 03:27 PM

المشاركة الأصلية كتبت بواسطة rsarabia

لازم فلتر بنزين لكل عربيات الانجكشن

هو على فكرة اللوجان نازلة من غير فلتر بنزين بس مش عارف هل فعلا فية ميجانات نزلت من غير فلتر بردة ولا لا

**MohammedAladel** · 25-05-2012 02:06 PM

أمال إيه اللى بيفلتر البنزين ؟ دا انا بكب البنزين من جراكن بيبقى فيه رملة ورواسب بسبب أزمة البنزين ومضطر أعمل كدا على أمل ان فلتر البنزين بيحجز الشوائب ؟ حتى لو ماكانش فيه فلتر أكيد فيه بديل ليه ولو فيه بديل مش هيجى عليه يوم ويتسد من الرواسب اللى بتطلع من البنزينات اللى تقريبا نصها مفيهاش فلاتر ؟

**megane_man** · 28-05-2012 01:49 AM

الخليجي من غير فلتر

**MohammedAladel** · 28-05-2012 11:08 AM

هو فيه ميجان خليجى ؟

**megane_man** · 30-05-2012 12:03 AM

ايوة ابن خالي جايبها من السعودية

**Formulator** · 30-05-2012 06:42 PM

عربيات كتير أوروبى مبقاش فيها فلتر بنزين الـCartridge اللى بيتغير.. والميجان هاتش كانت فرنساوى مش تركى أعتقد..؟!!

بيبقى Built-in فـ الطلمبة (بس مش Teflon/PTFE أو Gauze) زى العادى القديم،
لأ، ده بيبقى كذا طبقة Stainless-Mesh كذا مصفة متتالية من أوسع لأضيق..؟!!

اللى بيقوم بالفلترة الفعلية لشوائب البنزين هو الـCANISTER أو فلتر Active-Carbon Filter.. وده اللى بيركب دلوقتى فـ معظم الأوروبى.
(الـVW والفيات وأى عربية بتستخدم نظام دورة الوقود الـBosch الألمانى)..

ده تقريبا Lifetime مابيتغيرش،
وعايز أقول حاجة كمان.. بيبقى الـOutput بتاعه على صمام كده (راكب فـ المانيفولد بتاع الـintake من تحت) اسمه Filter-Cleaning e-Valve
- هو ده المفروض انه بيخلى الفلتر الكاربون مايتسدش، وينظفه Back-Wash بإستمرار (وراكبله فيشة كهرباء-حساس.. حاجة كده)..؟؟!!!
ومحدش يسألنى إزاى لأنى مش عارف، هو كده..
- الـCANISTER ده بيبقى راكب تحت الكنبة من عـ اليمين (بس مش فوق التانك، لأ تحت الكارتيرة بتاع الرفرف)..
والـe-valve بيبقى راكب عـ المانيفولد بعد الـThrottle؟؟!!!

btw: أنا عندى صور ليهم لو عايزين أرفعهالكم،
بس السيستم (Fuel-System) بتاع الفيات والفولكس بيبقى Bosch ألمانى.. من أول الطلمبة لغاية الـFuel-Rail المسطرة والرشاشات.. حتى الـECU.
- لكن اللى بيركب فـ الرينو بيبقى Siemens-VDO أو Renault-Delphi فرنساوى.. ممكن يبقوا مختلفين
(بس أعتقد هيبقوا نفس الفكرة كاربون فلتر دائم وفالف)..!!

Rgds،