زرار الهاند بريك علق ليه حل.؟

**bedooracle** · 02-12-2012 09:39 AM

شباب الزرار اللى على الجنب اللى بدوس عليه عشان انزل الهاند دخل لجوا و عشان انزله بفضا دايس كتير عشان يشتغل ليه حل ولا ايه رايكم؟

**bedooracle** · 03-12-2012 11:51 AM

حد عدا عليه موضوع الزرار دا معالعلم انى برفع الهاندبريك قبل ما بنزله بس الزرار داخل لجوا خالص
او حتى من الصورة دى يفيدنى انهى جزء الخاص بالزرار دا ؟

**dedo_ryo** · 03-12-2012 05:59 PM

هتضطر تفك يد الهاند و المشكله بين التلات علامات دول لانهم هما اللي بيردوا الزرار

لان الزرقا ممكن تكون فكت و هي دي السوسته
و ربنا يوفقك

**bedooracle** · 05-12-2012 08:43 AM

تسلم يا dedo_ryo فعلا انا فكيته بصعوبة لان الجزئين البلاستيك ملحومين فى بعض فتكسر شوية عشان يتفك و لقيت زى ما حضرتك قلت بس مش السستة المسمار اللى جنب العلامة الزرقاء مكسور مكانه عملت حل بلدى ركبت مسمار خشابى طلع اخره من تحت يد الهاند و هشوف كسوةاعملها عشان المسار اللى طالع انا خيف حتى اقصه بس سؤال الجزء دا بيتابع استيراد و عند مين ؟

**dedo_ryo** · 05-12-2012 11:31 AM

انا للاسف من اسكندريه فمقدرش افيدك بس اسمع ان في في صقر قريش و في الحرفيين بس المهم تبقي العربيه شمال مش يمين لانها لو يمين هيبقا الزرار عكس مكانه زي اللي في الصوره اللي انا حاططها و ممكن تعمل لليد بتاعتك كسوه جلد زي اللي بتيجي في الميجان الفرش الجلد خد المقاس و اعمل جلد عليه و خليها باللزق الابيض زي بتاع الكوتشي و ريح دماغك ولا تجيب واحده تانيه ولا حاجه